Zakaria 2:11 - MUKANDA USANDU WA ZAMBI 1975

¹¹ Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.

Mukanda Wa Zambi 1970

¹¹ Mavungu anji maakalinunga ni Mwene Zambi ha tangwa lize, ni maakabwa atu jenyi. Neye makatwama mukachi kenu. Mba munukanyingika ngwenu, kuma iye mwe wangutuma kuli yenu.

Zakaria 2:11 Iomraidhean Croise

Miaso (Masamu) 72:17

Jina lienyi kumulikalinduluka lia mutolo; jina lienyi kumulikalinduluka miaka yeswe tangwa mulikalinduluka. Atu eswe makaawahisa muli iye. Mavungu eswe makamuvuluka ngwo, Kawaha.

Kutuhuka 12:49

Shimbi yimuwika yikapwe hali mukwa chifuchi ni hali njize watwama hakachi kenu.

Izaya 45:14

Yehova kanambe ngwenyi, Upite wa Engitu ni yuma ya kutalika ya A-Etiopia, ni A-Shipa, malunga anene, muyikeza kuli yenu, muyikapwa niyenu. Makanukaula. Makeza mu malenge nikuhetamina hashi kuli yenu. Kumakalemba kuli yenu ngwo, Zambi kakutwama ni yenu wika, ni kukushi mukwo, niumwe zambi shina iye mwene.

Izaya 48:16

Kundamenu kuli yami nwivwe chino chuma. Chize ku uputukilo chahanjikile ku tenga. Chize ku miaka ya chino chuma, ni yami kunguli. Haliapwila Mwene Yehova hangutuma hamwe ni Spiritu yenyi.

Izaya 52:10

Yehova hanasolola kwoko lienyi lisandu kumeso ja mavungu eswe, mba akwa masongo eswe a hashi kumakamona ulamwino wa Zambi yetu.

Izaya 52:11

Katukenu! Katukenu! Tuhukenumo! Kanda nukwata ku chuma cha luchisa. Yenu nwakumbata yikwachilo ya Yehova, katukenumo nulipemese.

Izaya 66:19

Mungukamika chilayi hakachi ko. Waze malisalaho hakachi ko mungukatuma ku mavungu ku Tashi ni ku Pule, ni ku Lutu, akwa kunana uta, ni ku Tupale ni Yavwane ni ku mbaka jize ja kusuku, kuze kanda achivwa lufuma wami, hanji kumona uhenya wami; mba mambujola uhenya wami hakachi ka mavungu.

Jeremia 16:19

Yehova, yena tachi jami ni mbonge yami, chiswamo chami ha tangwa lia lamba, kuli yena mavungu makungulukila, chize ku masongo a hashi nikwamba ngwo, Tulamba twetu kahingile nichimwe shina mahuza wika, yuma yamokomoko kuyafumbwile nichimwe.

Jeremia 50:8

Chinenu hakachi ka Babilonia. Tuhukenu mu chifuchi cha A-Kaletea nukapwe ngwe kuji ja pembe kulutwe lia mbunga.

Ezekiel 33:33

Muze chino muchiaheta, mumu kuheta muchiheta, henaho makanyingika ngwo, Pundu twapwile ni profeta hakachi ketu.

Mika 4:2

Mavungu anji meza nikwamba ngwo, Tatuyenu, tukandukenu ku mulundu wa Yehova, ku zuwo lia Zambi ya Yakomba; atulongese ndako jenyi, tukendele mu majila jenyi; mumu mu Zaione mukukatuhukila shimbi; liji lia Yehova mulikatuhulcila ku Yerusaleme.

Zakaria 1:16

Kashika Yehova kanambe ngwenyi, Hinahiluka ku Yerusaleme ni keke. Yehova-wa-Tujita kanambe ngwenyi, Zuwo liami malitungamo; muhipu wa kweseka mautachika ha Yerusaleme.

Zakaria 2:5

Mumu Yehova kanambe ngwenyi, Yami mungupwa chipanga chayo cha kahia ka kujingilika; mungupwa nawa we uhenya muchima liayo.

Zakaria 3:10

Yehova-wa-Tujita kanambe ngwenyi, Ha tangwa lize yenu eswe, mutu ni mutu, makalakenya mwenyembo kutwama mushi lia mutondo wenyi wa uva ni wa mukuyu.

Zakaria 8:3

Yehova kanambe ngwenyi, Mungukahiluka ku Zaione, mungukatwama hakachi ka Yerusaleme, mba makatongola Yerusaleme ngwo, Chihunda cha jika, ni mulundu wa Yehova-wa-Tujita, makautongola ngwo, Mulundu usandu.

Zakaria 8:8

Mungukaaneha akatwame mu Yerusaleme. O kumakapwa atu jami, ni yami mungukapwa Zambi yo, ni umwenemwene ni ululi.

Malaki 1:11

Mumu chize ku Chivumbuko ndo ku Chitokelo jina liami liafumana hakachi ka mavungu, ni kweswe kakwochela insensu jina liami nikuhana mulambu wa kulinanga, mumu jina liami liafumana hakachi ka mavungu. Chocho kanambe Yehova-wa-Tujita.

Luka 2:32

pangu lia kutemwina akwa mavungu, ni uhenya wa atu je, A-Izalele.

Yoano 17:21

hanga o eswe akapwe umuwika; chizechene ngwe yena Tata uli muli yami, ni yami nguli muli yena, hanga o nawa akapwe umuwika muli yetu; hanga akwa hashi akafuliele ngwe wangutumine.

Yoano 17:23

yami muli ayo, ni yena muli yami, hanga Ukaapwise umuwika liakulu; hanga akwa hashi akanyingike wangutumine, no hiunaazange chizechene ngwe hiunanguzange yami.

Yoano 17:25

A Tata, mukwa ululi, akwa hashi kakunyingikineko, alioze yami nakunyingikine; ni wano anyingikine ngwe wangutumine;

Yilinga 28:28

Nyingikenu kashika ulamwino uno wa Zambi hiunatumiwa kuli akwa mavungu: o nawa kumakevwa.

Usolwelo 11:15

Mungelo wamuchishimbiali wembile chitavwi chenyi; kwapwile maliji anene mwilu, ngwo, Wanangana wa hano hashi hiwapwa wa Mwene wetu, ni wa Kristu yenyi: iye kumakayula ndo ku miaka yeswe ya mutolo.