Zakaria 2:10 - MUKANDA USANDU WA ZAMBI 1975

¹⁰ Mwana-pwo Zaione, imba! Wahilila! Mumu Yehova kanambe ngwenyi, Mungwiza ngutwame hakachi kenu.

Mukanda Wa Zambi 1970

¹⁰ Mwene Zambi yamba ngwenyi: “Yenu akwa Yerusaleme, imbenu ni kuwahilila! Nguneza ni kutwama mukachi kenu!”

Zakaria 2:10 Iomraidhean Croise

Miaso (Masamu) 40:7

Henaho nambile ngwami, Talenu hinguneza. Mu mukanda wa kuvunga chinasonewa ha kutwala kuli yami.

Miaso (Masamu) 68:18

Ena hiwazezuka mwilu hiwatwala funge ku ufunge, hiwatambula yawana hakachi ka atu, ewa, chipwe hakachi ka akwa kukolema nawa hanga Yehova Zambi akatwame hakachi ko.

Kutuhuka 29:45

Kumungukatwama hakachi ka A-Izalele. Kumungukapwa Zambi yo.

Izaya 12:6

Likwizenu, imbenu ni uwahililo, enu nwatwama mu Zaione, mumu mwe Musandu wa Izalele kalema hakachi kenu.

Izaya 35:10

Kule ja Yehova makahiluka nikwiza ku Zaione nikwimba, ni uwahililo wa mutolo ha mitwe yo. Kumakawana uwahililo ni chiseke; mba chinyengo ni mikuma muyikachina.

Izaya 37:22

kashika liji Yehova hanambe ha kutwala kuli iye lino: Mwe mwana-pwo wa *virgem Zaione kanakulelesa; kanakusehe nikukulenya. Mwana-pwo Yerusaleme kanalengesela mutwe wenyi.

Izaya 42:10

Imbilenu Yehova mwaso waha, imbenu uhaliso wenyi ndo ku songo lia hashi! Kalunga-lwiji akakulunguze, ni yize yeswe yilimo, ni mbaka ni waze atwamako.

Izaya 48:20

Katukenu ku Babilonia! Chinenu Kaletea! Ambululenu chino ni liji lia kulikwiza, chivwisenu! Tumenu liji lino ndo ku songo lia hashi. Ambenu ngwenu, Yehova hakula kavumbi kenyi Yakomba.

Izaya 51:11

Waze aakulile Yehova kumakahiluka, meza ku Zaione nikwimba. Uwahililo wa mutolo muupwa ha mitwe yo; kumakazuka uwahililo ni chiseke, mba chinyengo ni mikuma muyikachina.

Izaya 52:11

Katukenu! Katukenu! Tuhukenumo! Kanda nukwata ku chuma cha luchisa. Yenu nwakumbata yikwachilo ya Yehova, katukenumo nulipemese.

Izaya 54:1

Imba, ena mumba kwasemene! Putuka mwaso ni kulikwiza, ena kwafumbajalile! Mumu ana ja mukwa kuyindama mahiana ana ja mukwa ulo. Chocho kanambe Yehova.

Izaya 61:10

Munguwahilila chikolo muli Yehova, mbunge yami muyilikwiza muli Zambi yami; mumu hanangujiki ni mazalo a ulamwino, hanangufuku ni chikuto cha ululi, chizechene ngwe sandungi kakulisa chipangula cha yitemo, ni ndungi kakuliwahisa ni yuma ya uhenya.

Izaya 66:14

Munukamona mba mbunge jenu mujikawaha; yifwaha yenu muyikawaha ngwe mwambu. Muchikafumana ngwo, Kwoko lia Yehova lili hamwe ni tuvumbi twenyi; utenu wenyi unalimika ni akwa kole jenyi.

Jeremia 30:19

Momwene mukatuhukila miaso ya kusakwila, ni maliji ja akwa kusehejela. Mungukaokesa; kechi katepuluka; mungukaaha ulemu; kechi kakeha.

Jeremia 31:12

Kumakeza ni kwimba ni liji linene ha mulundu wa Zaione; kumakalikwiza ha yuma yipema ya Yehova, mbuto, ni vinyu, ni maji, ni misamba ya mapanga ni ngombe. Mwono wo kumuukapwa ngwe chala cha kutuchika, mba kechi kahonga nawa.

Jeremia 33:11

kumakevwa nawa liji lia kusehejela, ni liji lia chiseke, ni liji lia sandungi, ni liji lia ndungi, ni liji lia njimba shimbu manehaneha milambu ya kusakwila ku zuwo lia Yehova ngwo, Sakwililenu kuli Yehova-wa-Tujita mumu Yehova iye mupema, mumu utu wa zango lienyi wa mutolo. Mumu kumungukahilwisa kuwaha cha chifuchi chize chapwile hatangu. Chocho kanambe Yehova.

Ezekiel 37:27

Zuwo liami lisandu mulikatwama hamwe no, mba mungukapwa Zambi yo, no makapwa atu jami.

Ezekiel 48:35

Muchipwa cha kumi Ha tununu ni tununu nake a mbungu kweswe kwa kujingilika. Jina Iia chihunda chize ku tangwa lize mulipwa Yehova Mwali.

Alevi 26:12

Mungwenda hakachi kenu. Mungupwa Zambi yenu, ni yenu munupwa atu jami.

Zefania 3:17

Yehova Zambi ye mwali muli yena, mwe ka jita yoze wakuhana kukumba. Kumakevwa kuwaha ni yena ni chiseke chinji; kumakakuhuzulula mu zango lienyi; kumakalikwiza ni yena ni miaso ya tachi

Zakaria 1:16

Kashika Yehova kanambe ngwenyi, Hinahiluka ku Yerusaleme ni keke. Yehova-wa-Tujita kanambe ngwenyi, Zuwo liami malitungamo; muhipu wa kweseka mautachika ha Yerusaleme.

Zakaria 14:5

Mba mungulunga wa milundu yami makaujika, mumu mungulunga wa milundu muukakwata kwe ku lumbu liawo, mba munukachina ngwe nwachinyine ku munyiko ha matangwa ja Uzia mwanangana wa Yunda. Henaho Yehova Zambi yenu kumakeza ni asandu jenyi eswe hamwe nenyi.

Zakaria 2:11

Mavungu anji malifutula ni Yehova ha tangwa lize nikwalumuka akapwe atu jami. Mba mungutwama hakachi kenu. Ni yenu mununyingika Yehova-wa-Tujita wangutumine kuli yenu.

Zakaria 2:5

Mumu Yehova kanambe ngwenyi, Yami mungupwa chipanga chayo cha kahia ka kujingilika; mungupwa nawa we uhenya muchima liayo.

Zakaria 8:3

Yehova kanambe ngwenyi, Mungukahiluka ku Zaione, mungukatwama hakachi ka Yerusaleme, mba makatongola Yerusaleme ngwo, Chihunda cha jika, ni mulundu wa Yehova-wa-Tujita, makautongola ngwo, Mulundu usandu.

Zakaria 9:9

Ena mwana-pwo Zaione, Wahilila chikolo! Ena mwana-pwo Yerusaleme, likwize! Mwanangana wenu kaneza kuli yenu; aye mukwa kukangana, mukwa kukumba, hindu kanalikehesa, kanende hali chimbulu, te hali mwana-chimbulu wa kusemuka kuli chimbulu.

Malaki 3:1

Ngunatumu kanganda kami akalulike jila yami kulutwe liami, mba Mwene yoze nunamufupu meza susumuku mu tembele yenyi. Yehova-wa-Tujita kanambe ngwenyi, Kanganda ka usendo yoze nunawahilila nenyi, kumanyi kaneza.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Yoano 1:14

Mba Liji walipwishile musunya, Watwamine hakachi ketu wa tò ni vumbi ni umwenemwene (twatalile uhenya wenyi, uhenya ngwe wa mwe Mwana wa wika wa kuli Tata).

Yoano 14:23

Yesu wamukumbulwile, ngwenyi, Kachi umwe manguzanga, kachi mafunga liji liami; ni mwe Tata makamuzanga, kumutukeza kuli iye, mutukatenga muma mwetu mwa kutwama hamwe nenyi.

Shimbi 28:64

Yehova makanumwanga hakachi ka mavungu eswe, katuke ku songo limwe lia hashi ndo ku songo likwo lia hashi. Munukavumbikako tuzambi tweka, kunwatunyingikine chipwe yenu, chipwe tulamba twenu, te mitondo ni mawe.

Filipu 4:4

Wahililenu muli Mwene matangwa eswe: cheka nawa mungwamba ngwami, Wahililenu.

Usolwelo 2:1

Kuli mungelo wa chikungulwila cha ku Efwesu Soneka ngwe, Yino yuma kanambe yoze wakukwata matongonoshi shimbiali mu kwoko lienyi lia chindume, yoze wakwenda mukachi ka yikwachilo shimbiali ya ndeya ya oru, ngwenyi,

Usolwelo 21:3

Nevwile liji linene lia kukatuka mwilu ngwo, Talenu, zuwo lia Zambi lili hamwe ni atu, iye kumakatwama hamwe no, o makapwa atu jenyi, ni Zambi mwene makapwa hamwe no, Zambi yo.