Zakaria 2:1 - MUKANDA USANDU WA ZAMBI 1975

¹ Yinguhetula meso jami, yingumona umwe lunga ni muhipu wa kweseka nawo mu kwoko lienyi.

Mukanda Wa Zambi 1970

¹ Mu Usolwelo ukwo yingumona umwe lunga ni lwoji wa kweseka nenyi mu kwoko lienyi.

Zakaria 2:1 Iomraidhean Croise

Izaya 54:16

Hinatanga fuli yoze wakuheha makala, akafule chikungo ha chikuma chacho. Hinatanga nawa chenyeke akanongese.

Jeremia 31:39

Ni muhipu wa kweseka muuhiana hindu ndusu ndo ku mulundu wa Ngarebe, mba muujinga ndo ku Ngoa.

Jeremia 48:25

Lumbinga wa Moape hanamupatula; kwoko lienyi hiliamakuka. Chocho kanambe Yehova.

Ezekiel 40:3

Ha kungutwalako, kumanyi kwapwile umwe lunga, kumutala ngwe kulifwa cha unengu. Kali ni muhipu wa linyu mu kwoko lienyi ni lumbungu wa kweseka nenyi; kanamana mu chikolo.

Ezekiel 40:5

Kwapwile chipanga-cha-mawe kweswe kwa kujingilika chihela cha tembele. Usuhe wa lumbungu wa kweseka nenyi mu kwoko lia lunga wapwile wa mbandu jisambano. Mbandu yeswe te ya mbandu ni mbanda-kwoko. Chocho yeseka ndama ya chipanga-cha-mawe, lumbungu umuwika; ni usuhe lumbungu umuwika.

Ezekiel 47:3

Mwe lunga kanayi nikutalikisa ku Chivumbuko ni muhipu mu kwoko lienyi; yeseka kanunu ka mbandu mba yangusongwela ndusu mu meya, meya ndo ku tusendengele.

Ezekiel 47:4

Cheka nawa yeseka kanunu mba yangusongwela ndusu mu meya, meya ndo ku makungunwa. Cheka nawa yeseka kanunu mba yangusongwela ndusu mu meya, meya ndo ku zalilo.

Daniel 7:7

Kulutwe namwene ha usolwelo wa ufuku, kumanyi ngongo wamuchiwana wa kuvwisa mwongo ni lwaji, tachi jenyi jahiana. Kali ni mazo anene a utale; wapapulwile ni kupalwola ni kuliataliata masalila ni molu jenyi. Walipwila ni ngongo eswe waze ahangile. Kali ni kumi lia mbinga.

Zakaria 1:16

Kashika Yehova kanambe ngwenyi, Hinahiluka ku Yerusaleme ni keke. Yehova-wa-Tujita kanambe ngwenyi, Zuwo liami malitungamo; muhipu wa kweseka mautachika ha Yerusaleme.

Zakaria 1:18

Yinguhetula meso jami, yingumona mbinga jiwana.

Usolwelo 11:1

Anguhele lumbungu ngwe mulumbu ngwo, Katuka, weseke tembele ya Zambi, ni chilumbilo, ni waze akuwayilamo.

Usolwelo 21:15

Ni yoze wahanjikile ni yami, wapwile ni lumbungu wa oru ngwe cheseko, hanga akeseke limbo ni yikolo yalio, ni chipanga chalio.