Zakaria 14:3 - MUKANDA USANDU WA ZAMBI 1975

³ Mba Yehova makatuhuka mukwasa jita ni mavungu aze ngwe akulinga ha tangwa lia jita.

Mukanda Wa Zambi 1970

³ Hohene Mwene Zambi makatuhuka ni kwasa jita ni mavungu waze ngwe chize te akulinga ku shakulu.

Zakaria 14:3 Iomraidhean Croise

2 Sango Ja Mianangana 20:15

Iye yamba ngwenyi, Panjikenu A-Yunda eswe, ni yenu A-Yerusaleme, ni yena mwanangana Yehosofate. Yehova kanambe kuli yenu ngwenyi, Kanda nwivwa woma, kanda nulishimwoka mumu ha chihuji chino chinene, mumu jita yino ya Zambi, hi ya yenu ko.

Nehemia 4:14

Natalile, mba yingukatuka yingwamba kuli alemu, ni kuli akwa kuyula, ni kuli atu akwo, ngwami, Kanda nwavwila woma. Iwulukenu Mwene, mwe munene kole ni woma, nukase jita hali akwenu, ni ana jenu a malunga ni a mapwo, ni mapwo jenu, ni mazuwo jenu.

Izaya 29:7

Mba mbunga ya mavungu eswe a kwasa jita ni Ariele, waze akulwa nenyi, ni mbonge yenyi, ni kumupinjisa, mapwa ngwe chilota, ngwe usolwelo wa ufuku.

Joele 3:2

mungukakungulula mavungu eswe, mungukaapalumwisa ku chana cha Yehosofate. Kuze mungukasopa no hali atu jami ni ha chihinga chami Izalele, waze hanaamwange hakachi ka mavungu nikulitetiela chifuchi chami.

Zefania 3:19

Ha mwaka uze mungukasopesa waze eswe akukupinjisa. Mungukalamwina mukwa kupalita; mungukakungulula waze aahumine. Waze aakolesele sonyi hashi heswe, mungwapwisa uhaliso, ni jina lia lufuma.

Zakaria 12:9

Ha tangwa lize mungulisela kwonwona mavungu eswe waze malimika ni Yerusaleme.

Yoshua 10:10

Mba Yehova waakolesele mwongo wunji kumeso ja A-Izalele. O yaashiha ni kwonwona chinene ku Ngibeone. Yaahanga mu jila ya kukandukila ku Mbete-Horone, yaalamba ndo ku Azeka ni Makeda.

Yoshua 10:14

Kukwapwile tangwa ngwe lize, chipwe kuze kanda chipwe kuno kanda muze Yehova yapanjika ku liji lia mutu. Mumu Yehova yasa jita hali A-Izalele.

Yoshua 10:42

Yoshua watambwile wano mianangana eswe ni chifuchi cho hamuwika mumu Yehova Zambi ya Izalele washilile jita Izalele.