Zakaria 13:9 - MUKANDA USANDU WA ZAMBI 1975

⁹ Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Mukanda Wa Zambi 1970

⁹ Mbunga ya muchitatu yize muyikasala mungukaabemesa mu kahia. Mungukaabemesa ngwe oru yize haabemesa mu kahia. Mba maakalemba kuli yami, ni yami mungukaakumbulula. Mungukaamba ngwami, nuli atu jami. No maakashikisa shili yo nikwamba ngwo, nguli Zambi yo.”

Zakaria 13:9 Iomraidhean Croise

2 Samuel 7:24

Walikoleselele vungu lie lia Izalele akapwe atu je a miaka yeswe. Yena Yehova walipwishile Zambi yo.

Jobe 23:10

Hindu kananyingika jila yize ngunendela; mba muze hangweseka mungutuhuka ngwe oru.

Jobe 28:1

Kuuli mungochi kuze akuchiza prata; Kukuli kuma kwa oru yize akupemesa.

Miaso (Masamu) 144:15

Kawaha e atu apwa chocho. Ewa kawaha atu aze akwete Zambi yo Yehova.

Miaso (Masamu) 43:4

Mba munguheta ku chilumbilo cha Zambi; kuli Zambi iye uwahililo wami Wahiana. Yena Zambi, Zambi yami, mungukwalakana ni kalialia.

Miaso (Masamu) 50:15

Tambikenu kuli yami ha tangwa lia lamba. Mungukupulula, mba mukanguchichimieka.

Miaso (Masamu) 91:15

Kumakangusanyika mba mungumukumbulula. Mungupwa hamwe nenyi mu lamba; mungumupulula; mungumukolesa.

Yishima 17:3

Ndeho ya kupemesena prata ni lutengo wa kupemesena oru; alioze Yehova kakweseka mbunge.

Mwaso Ubema Wahiana 2:16

Mukwa zango liami kapwa niwami, ni yami napwa niwenyi. Kakulisa mapanga jenyi hakachi ka yitemo ya lirio.

Izaya 43:2

Ha kupalika mu meya mungukapwa hamwe ni yena, ndusu mu njiji, kujichi kakukumba. Ha kwenda mu kahia kuchi kawema; mulengi wako kuuchi kakulalisa.

Izaya 48:10

Hinanupemesa, alioze hi ngwe prata ko, hinanweseka mu lutengo wa luyinda.

Izaya 58:9

Mba munukatambika ni Yehova makanukumbulula. Munuteta mba iye mamba ngwenyi, Yami uno. Nyi munuchiza kuli hakachi kenu, ni kwinyika munwe, ni kuhanjika ungulungulu;

Jeremia 24:5

Yehova Zambi ya Izalele kanambe ngwenyi, Ngwe makuyu wano apema chocho mungumwena kupema njize a ku Yunda wano ngunachiza ku chifuchi chino nikwatuma ku chifuchi cha A-Kaletea.

Jeremia 30:22

Mba munupwa atu jami ni yami mungupwa Zambi yenu.

Jeremia 31:33

Alioze Yehova kanambe ngwenyi, Usendo mungukolesa ni munyachi wa Izalele kulutwe lia matangwa aze uno, Mungukasa shimbi yami muchima lio, ni kuyisoneka ha mbunge jo. Mungukapwa Zambi yo, no makapwa atu jami.

Jeremia 32:38

O kumakapwa atu jami ni yami kumungukapwa Zambi yo.

Jeremia 9:6

Kakulumbieka kupinjisa ha kupinjisa, kakulumbieka kwonga ha kwonga. Kasolo kungunyingika. Chocho kanambe Yehova.

Ezekiel 11:20

hanga akende mu yiyulo yami, ni kufunga shimbi jami, nikujononokena. O kumakapwa atu jami, ni yami mungukapwa Zambi yo.

Ezekiel 14:11

hanga akwa munyachi wa Izalele kanda apianguka nikunguhichika, chipwe kulichisa nawa ni Utanguko wo weswe, alioze akapwe atu jami ni yami ngukapwe Zambi yo. Chocho kanambe Mwene Yehova.

Ezekiel 20:38

Mungukachiza akwa kukolema hakachi kenu ni waze eswe akunguvulumuna; mungukaachiza ku chifuchi kuze atwamine njize, alioze kechi kanjila mu chifuchi cha Izalele. Henaho munukanyingika yami nguli Yehova.

Ezekiel 36:28

Munukatwama mu chifuchi chize nahanyine kuli tulamba twenu; mba kumunukapwa atu jami, ni yami mungukapwa Zambi yenu.

Ezekiel 37:27

Zuwo liami lisandu mulikatwama hamwe no, mba mungukapwa Zambi yo, no makapwa atu jami.

Daniel 11:35

Amwe akwa mana makalimbuka hanga akaeseke nikwapemesa ni kwatomesa chipwe ndo ku mwaka wa kusula. Hindu che chuma muchitwaminyina mwaka wa kufunjika.

Daniel 12:10

Anji malipemesa, ni kulitomesa, ni kulieseka; alioze yingulungulu malinga ungulungulu; mba yino yuma kuyichi kulumbunuka kuli niumwe chingulungulu. Alioze muyilumbunuka kuli waze ali ni mana.

Joele 2:32

Mba mweswe masanyika ha jina lia Yehova kumakamupulula. Mumu mu mulundu wa Zaione ni mu Yerusaleme kumukukapwa waze maapulula, chizechene ngwe Yehova ha nambe. Hakachi ka kuputuka kumuhakapwa waze a kusanyika kuli Yehova.

Alevi 26:12

Mungwenda hakachi kenu. Mungupwa Zambi yenu, ni yenu munupwa atu jami.

Zakaria 10:6

Kumungukutakamisa munyachi wa Yunda; kumungukalamwina munyachi wa José. Mungukaahilwisa mumu ngunaavwila keke, mba makapwa ngwe chalitunyino, mumu yami nguli Yehova Zambi yo kashika mungukaakumbulula.

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Zakaria 8:8

Mungukaaneha akatwame mu Yerusaleme. O kumakapwa atu jami, ni yami mungukapwa Zambi yo, ni umwenemwene ni ululi.

Yilinga 2:21

Mba kumuchikapwa, mweswawo matambika ha jina lia Mwene kumakamulamwina.

Hebreu 8:10

Mumu uno we usendo mungukakwata ni akwa zuwo lia Izalele kulutwe lia matangwa aze, chocho anambe Mwene ngwenyi, Mungukasa shimbi jami mu kunyonga cho, ni ha mbunge jo nawa mungukajisoneka: mungukapwa kuli ayo Zambi, o kumakapwa kuli yami atu jami.

Tiangu (Jake) 1:12

Kawaha mutu yoze manyongonona mu cheseko; mumu muze hamusela Shindakenyo yipema, makatambula chipangula cha mwono, chize Mwene hanalakenya kuli waze akumuzanga.

1 Petulu 4:12

Akwetu a zango, kanda nukomoka ha kutwala ku cheseko cha kahia hakachi kenu, chize chineza hali yenu mukunweseka, ngwe chuma chimwe cha kukomwesa chinanuwane.

Usolwelo 21:7

Yoze makumba makahinga yino yuma; ni yami mungukapwa Zambi yenyi, iye makapwa mwanami.

Usolwelo 8:10

Mungelo wamuchitatu wembile chitavwi chenyi, mba kwaholokele mwilu lutongonoshi munene, wa kuyila ngwe lutemo, waholokelele ha chihanda chimuwika cha ku yihanda yitatu ya njiji, ni ha mafuji ja meya.

Usolwelo 8:11

Kanavuluka lutongonoshi jina ngwo, Musase, ni chihanda chimuwika cha ku yihanda yitatu ya meya chalumukine kusasa, ni malunga anji afwile ni meya, mumu alumukine asasu.

Usolwelo 8:12

Mungelo wamuchiwana wembile chitavwi chenyi, ni chihanda chimuwika cha ku yihanda yitatu ya tangwa chalambiwile, ni chihanda chimuwika cha ku yihanda yitatu ya kakweji, ni chihanda chimuwika cha ku yihanda yitatu ya matogonoshi; hanga chihanda chimuwika cha ku yihanda yitatu yayo chikalé, hanga mwalwa kuuchi kasoloka ha chihanda chimuwika cha ku yihanda yitatu yawo, ni ufuku chizechene.

Usolwelo 8:7

Mutangu wembile chitavwi chenyi, mba kwapwile chiwe ni kahia chinge ni manyinga, ayinyashine hashi: ni chihanda chimuwika cha ku yihanda yitatu ya hashi chawemene wupu, ni chihanda chimuwika cha ku yihanda yitatu ya mitondo chawemene wupu, ni mwambu wisu weswe wawemene wupu.

Usolwelo 8:8

Mungelo wamuchiali wembile chitavwi chenyi, ni ngwe mulundu unene wa kuyila ni kahia aunyashine mu kalunga-lwiji; ni chihanda chimuwika cha ku yihanda yitatu ya ku kalunga-lwiji chalumukine manyinga.

Usolwelo 8:9

Ni chihanda chimuwika cha ku yihanda yitatu ya tushitu waze apwile mu kalungalwiji, waze apwile ni mwono, afwile; ni chihanda chimuwika cha ku yihanda yitatu ya maulungu aonwene.