Zakaria 13:7 - MUKANDA USANDU WA ZAMBI 1975

⁷ Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Mukanda Wa Zambi 1970

⁷ Mwene Zambi Mukwa Ndundo Jeswe kanambe ngwenyi: “Mukwale katuka, limike ni kafunga yoze wakungulingila milimo! Mushihe, mba mapanga maamwangana. Mungukalimika ni atu jami,

Zakaria 13:7 Iomraidhean Croise

Miaso (Masamu) 2:2

Mianangana a hashi kakulilonga; akwa kuyula kakutwama punga ya kulimika ni Yehova ni yoze amuwayishile ni maji kuli iye, ngwo,

Izaya 1:25

Mungutalikisa kwoko liami likalimike ni yenu, mba mungusangununa yinganga ye ngwe ni sabau nikuchiza yuma yeswe ya kuchinga.

Izaya 27:1

Ha tangwa lize Yehova ni katana kenyi mukalu ni munene, wa tachi, makafwetesa Leviatanu mwe lunoka wa kuzomboka, Leviatanu mwe lunoka wa kulikonyekakonyeka; makashiha mwe ndragau yoze watwama mu kalunga-lwiji.

Izaya 40:11

Kumakalisa chendo chenyi ngwe kafunga, kumakakunga ana-mapanga mu moko jenyi, kumakaambata mu kondo, waze anamwisa ana kumakaasongwela ni vumbi.

Izaya 9:6

Mumu kuli yetu hikwasemuka umwe kemba, kuli yetu hahana umwe mwana wa lunga. Chiyulo kumuchikapwa ha chipaya chenyi, ni jina lienyi mamuluka ngwo, Longeshi wa mana mukwa kukomwesa, Zambi ya Ndundo, Tata ya Miakulwila, Mwanangana wa Sambukila.

Jeremia 47:6

Ena katana wa Yehova, ndo shimbu lika mukahola? Njila mu chindalo che! Hwima; kanda ulisunga!

Ezekiel 21:28

Ni yena mwana mutu, profeteza wambe ngwe, Mwene Yehova kanambe ha kutwala kuli A-Amone ni ha kutwala ku sau lio ngwenyi, Katana, katana hanamutomona akahane, wa kucheka hanga akahenye ni kulejima—

Ezekiel 21:3

ukambe ku chifuchi cha Izalele ngwe, Yehova kanambe ngwenyi, Nyingikenu, kunalimika ni yenu, kashika mungukatomona katana kami mu chindalo chenyi ngukateteho hakachi kenu ni mukwa ululi ni chingulungulu.

Ezekiel 37:24

Kavumbi kami David kumapwa mwanangana wo, no eswe kumakapwa ni kafunga umuwika. Kumakakaula shimbi jami; kumakatala kanawa kufunga yiyulo yami.

Ezekiel 7:6

Songo hiliaheta, songo hiliaheta; hilianukasumukina. Talenu, lineza!

Mika 5:2

Alioze yena Mbeteleme Efrata, mukepe Wahiana hakachi ka minyachi ya Yunda, kuli yena kumukungutuhukila umwe yoze makapwa mukwa kuyula Izalele. Chikota chenyi cha ku miaka, kwe ku shakulu.

Mika 5:4

Kumakamana nikulisa mbunga yenyi ya mapanga mu tachi ja Yehova; mu ulamba wa jina lia Yehova Zambi yenyi. O kumakatwama kawape, mumu henaho iye kumakapwa munene ndo ku masongo a hashi.

Zakaria 11:11

Chocho usendo wafwile tangwa lize, mba akwa kusepa ni mapanga waze apwile nikungupanjika anyingikine ngwo, Liji lia Yehova.

Zakaria 11:4

Yehova Zambi yami wambile ngwenyi, Fungenu mapanga aze hanaafunjikila kufwa.

Zakaria 11:7

Chocho nalumukine kafunga ka mapaagu aze hanaafunjikila kufwa mumu hali akwa kusepa ni mapanga. Yingwanda milumbu yiali. Umwe naulukile ngwami, Vumbi; ukwo naulukile ngwami, Kununga. Yingufunga mapanga.

Mateu 1:23

Talenu, *virgem kumakapwa ni ufumba, makasema mwana-lunga, no kumakamuluka jina ngwo, Emanuele; lienalio Unalumbunuka ngwo, Zambi hamwe ni yetu.

Mateu 10:42

Mweswawo manwisa umwe wa kuli wano akepe musenge wa meya a kekema wika, mumu iye kambaji, pundu ngunambe kuli yenu ngwami, Yoze kechi katokesa kwononona chenyi nichimwe.

Mateu 11:27

Kanangukunjika yuma yeswe kuli Tata, mba niumwe manyingika mwe Mwana, shina Tata, chipwe niumwe manyingika Tata, shina mwe Mwana, ka, ni kuli mweswawo mwe Mwana mapala kumusolola.

Mateu 18:10

Kanyamenu kuchina munulelesa umwe wa wano akepe: mumu ngunambe kuli yenu ngwami, Angelo jo mu malilu kakumona matangwa eswe meso ja Tata yoze uli mu malilu.

Mateu 18:14

Chizechene hi upale wa Tatenu ko yoze uli mu malilu, umwe wa wano akepe akatoke.

Mateu 26:31

Hohene Yesu yamba kuli ayo ngwenyi, Yenu eswe kumunukatalinga mumu hali yami ufuku uno: mumu chinasonewa ngwo, Mungulamba kafunga, mba mapanga a ku mbunga makamwangana.

Mateu 26:56

Alioze yino yuma yeswe yapwile, hanga yisoneko ya aprofeta yikamanunuke. Hohene tumbaji eswe amwehukile, achinyine.

Marku 14:27

Yesu yamba kuli ayo ngwenyi, Yenu eswe kumunukatalinga mumu hali yami: mumu chinasonewa ngwo, Mungukalamba kafunga, mapanga kumakamwangana.

Marku 14:50

Eswe amuhichikile, akachine.

Luka 12:32

Kanda nwivwa woma, mbunga yikepe; mumu chinawahila Tatenu kunwaha wanangana.

Luka 17:2

Hapwa ajichike liwe lia kutwa nalio ha kota yenyi, amumbile mu kalunga-lwiji, kuchina matalingisa umwe wa kuli wano akepe.

Yoano 1:29

Muze hikwacha yamona Yesu kaneza kuli iye, neye yamba ngwenyi, Talenu mwe Mwana-panga wa Zambi, yoze machiza shili ya akwa hashi!

Yoano 10:30

Yami ni Tata tuli umuwika.

Yoano 10:38

Alioze kachi nakuyilinga, chipwe kunushi kungufuliela, fulielenu yitanga: hanga nukanyingike, hanga nukafuliele ngwe mwe Tata mwali muli yami, ni yami muli iye.

Yoano 14:1

Mbunge jenu kanda jilipikala: nwafuliela Zambi, fulielenu yami nawa.

Yoano 14:23

Yesu wamukumbulwile, ngwenyi, Kachi umwe manguzanga, kachi mafunga liji liami; ni mwe Tata makamuzanga, kumutukeza kuli iye, mutukatenga muma mwetu mwa kutwama hamwe nenyi.

Yoano 16:15

Yuma yize yeswe Tata ali nayo, niyami: kashika hinamba ngwami, Makatambula yuma yami, nikunwambulwilayo.

Yoano 16:32

Talenu, ola muyiza, ewa, hiyeza, muze munukamwangana mweswe kuli nienyi mwene, munukanguhichika ukawami; hindu yami hi nguli ukawami ko, mumu Tata hwali hamwe ni yami.

Yoano 5:23

hanga eswe akalemese mwe Mwana, chizechene ngwe akulemesa mwe Tata. Yoze keshi kulemesa mwe Mwana keshi kulemesa mwe Tata, yoze wamutumine.

Yoano 8:58

Yesu wambile kuli ayo ngwenyi, Pundu, pundu, ngunambe kuli yenu ngwami, Muze te Apalahama kanda apwa, yami nguli.

Yilinga 2:23

iye, se amukunjikile kushi nikulita ni upale ni chinyingi cha Zambi, yenu nikumukwata ni moko ja yingulungulu, hinunamuhachila ha kulusu, hinunamushihi;

A-ROMA 4:25

yoze amukunjikile mumu ha milonga yetu; amuhindwishile mumu ha usambiso wetu.

A-ROMA 8:32

Yoze kaywilile keke Mwanenyi mwene, alioze wamukunjikile hali yetu eswe, ngwe kuchi kechi katwaha hamwe nenyi yuma yeswe chawana?

2 Korintu 5:21

Yoze kanyingikineko shili, amupwishile shili mumu hali yetu; hanga tukapwe ululi wa Zambi muli iye.

Galashia 3:13

Kristu hanatukula ku shingo lia shimbi, se a amupwishile shingo hali yetu; mumu chinasonewa ngwo, Kashingiwa mweswe hamuzezeleka ha mutondo.

Filipu 2:6

Iye se chimuwika apwa ni Zambi, kanyongene ngwenyi, Kulita ni Zambi chuma chamutamba kuchipunda.

Hebreu 13:20

Haliapwila Zambi ya sambukila, yoze wachijile cheka nawa hakachi ka afu Mwene wetu Yesu, mwe kafunga munene wa mapanga, ku manyinga ja usendo wa mutolo,

1 Petulu 3:18

Mumu Kristu nawa hanevu lamba kamuwika ha milonga, mukwa ululi hali yihenge, hanga akatunehe kuli Zambi; se amushihile mu musunya, aiioze amupwishile ni mwono muli Spiritu.

1 Petulu 5:4

Mba muze masolola Kafunga mukwa lutwe, kumunukatambula chipangula cha uhenya chize kuchishi kujimuka.

1 Yoano 2:2

Iye lie kuka ha milonga yetu; hi ha milonga yetu wika ko, alioza nawa ha milonga ya akwa hashi eswe.

Usolwelo 1:11

Unambe ngwo, Chize unamono, chisoneke mu mukanda, ukautume ku yikungulwila shimbiali: ku Efwesu, ni ku Semina, ni ku Perekamu, ni ku Tayatera, ni ku Sarte, ni ku Filadelfia, ni ku Laotisea.

Usolwelo 1:17

Muze namumwene, nafulamanyine ku yiliato yenyi ngwe mufu; iye Wasayikile kwoko lienyi lia chindume hali yami, ngwenyi, Kanda wivwa woma, yami nguli mwe mutangu ni mwe kasula-songo;

Usolwelo 1:8

Yami nguli mwe Alfwa ni mwe Omega, chocho anambe Mwene Zambi, yoze kwali, yoze wapwile, yoze meza kupwa, mwe Mukwa-Ndundo-Jeswe.

Usolwelo 13:8

Ni akwa hashi eswe kumakamuwayila, mweswe jina lienyi kuliasonewene chize ku kusela cha fundamentu yo hashi, mu mukanda wa mwono wa mwe Mwana-panga, yoze hanamushihi.

Usolwelo 2:23

Mungukashiha ana jenyi ni kufwa; ni yikungulwila yeswe kumanyingika yami nguli yoze wakuhengula muchima ni mu mbunge: mba mungukahana kuli mweswe wa kuli yenu nikulita ni yitanga yenu.

Usolwelo 21:6

Iye yamba kuli yami ngwenyi, Hiyinamanunuka! Yami nguli mwe Alfwa ni mwe Omega, we uputukilo, ni lie songo. Mungukahana kuli yoze mevwa pwila ku fuji lia meya a mwono, chawana.