Zakaria 13:3 - MUKANDA USANDU WA ZAMBI 1975

³ Mba nyi umwe masoloka nawa ngwenyi, Yami profeta, tato ni naye waze amusemene, makamba kuli iye ngwo, Kuchi kutwama ni mwono, mumu unahanjika mahuza mu jina lia Yehova. Mba tato ni naye waze amusemene makamutuwa ndusu muze maprofeteza.

Mukanda Wa Zambi 1970

³ Nyi umwe mutu makazanga kuhanjika munanyi, tato ni naye maakamwamba ngwo, chamutamba kufwa, mumu hamba ngwenyi kanahanjika maliji a Zambi alioze heseka kuhanjika mahuza. Muze makahanjika munanyi, tato ni naye maakamushiha ni poko.

Zakaria 13:3 Iomraidhean Croise

Jeremia 23:25

Hinevwa aprofeta ha kuprofeteza mahuza mu jina liami ngwo, Hinalota, hinalota!

Jeremia 23:34

Mba ha kutwala kuli profeta, hanji sasendote, hanji umwe hakachi ka atu yoze mamba ngwenyi, Chino chiteli cha Yehova, munguhana kastigu kuli yono lunga ni akwa zuwo lienyi.

Jeremia 28:15

Mba profeta Jeremia yamba kuli profeta Hanania ngwenyi, Panjika Hanania, Yehova kakutumine alioze yena hiwakoka akwa vungu lino akafuliele mahuza.

Ezekiel 13:23

Kashika kunuchi kamona nawa usolwelo wa kulionga hanji kutaha ngombo. Mungupatula atu jami mu moko jenu. Henaho munukanyingika yami nguli Yehova.

Ezekiel 14:9

Nyi kachi profeta mongoloka akahanjike limwe liji, yami Yehova hinonga mwe profeta yoze. Mba munguzoza kwoko liami kulimika nenyi; mungunwonwona hakachi ka atu jami A-Izalele.

Ezekiel 43:7

Yamba kuli yami ngwenyi, Mwana mutu, muno mwapwa muma mwa ngunja yami, muma mwa yiliato yami, muno mungukatwama hakachi ka atu ja A-Izalele ndo ku miaka yeswe. Akwa munyachi wa Izalele kechi kachisa nawa jina liami, chipwe ayo, chipwe mianangana jo, hanji ku ukoi wo, hanji ku mijimba ya mianangana jo ha manangamo,

Mateu 10:37

Yoze mafwila tato hanji naye kuhiana yami, kangutelele; yoze mafwila mwanenyi wa lunga, hanji mwanenyi wa pwo kuhiana yami, kangutelele.

Luka 14:26

Kachi mutu meza kuli yami, keshi kuvwila kole tato, ni naye, ni mukwo-pwo, ni anenyi, ni ayayo, ni ana-akwo, ni mandumbu jenyi, ewa, ni mwono wenyi mwene nawa, kahashile kupwa kambaji kami.

2 Korintu 5:16

Kashika, chize ku haliapwila ndo ku miaka, kutushi kunyingika niumwe nikulita ni musunya: chipwe kachi twanyingikine Kristu nikulita ni musunya, hindu haliapwila kutwamunyingikine chocho nawa.

Shimbi 18:20

Alioze profeta mweswe mahanjika liji lia kulengumuka mu jina liami, ami chamwambilelio kuhanjika, hanji mahanjika ni jina lia tuzambi tweka, profeta yoze afwe.

Shimbi 33:9

Yoze te wambile ha kutwala kuli tato ni naye ngwenyi, Chaasele mbunge. Katayijile usoko wenyi. Katalile kuli ana jenyi. Mumu wafungile liji lie, katangwile usendo we.