Zakaria 13:2 - MUKANDA USANDU WA ZAMBI 1975

² Yehova-wa-Tujita kanambe ngwenyi, Ha tangwa lize munguteta majina ja mahamba mu chifuchi; chipwe kwewuluka kechi kaewuluka nawa. Mungukachiza nawa ku chifuchi aprofeta, ni Spiritu wa luchisa.

Mukanda Wa Zambi 1970

² Ha matangwa waze mungukachiza majina ja mahamba mu chifuchi, niumwe kechi keewuluka nawa. Mungukahuma eswe waze akuzanga kulipwisa akwa munanyi ni akuzanga kukombelela mahamba.

Zakaria 13:2 Iomraidhean Croise

1 Yitanga Ya Mianangana 22:22

Yehova ngwenyi, Neka? Aye yamba ngwenyi, Munguya ngukapwe Spiritu ya mahuza mu makanwa ja aprofeta jenyi eswe. Aye ngwenyi, E, kumukamusongojola, kumukamukumba. Yako ulinge chocho.

Miaso (Masamu) 16:4

Yinyengo ya waze akukaula mazambi akwo muyoka. Chichi kulambula milambu yo ya manyinga, majina jo chichi kuvuluka ha mivumbo yami.

Kutuhuka 22:13

Nyi hapapuluka yipinji akamuhetese ha yela. Kanda akafweta yoze wapapuluka.

Kutuhuka 23:13

Nukafunge yuma yeswe hinamba kuli yenu. Kanda nukavuluka majina ja tuzambi tweka, chipwe kanda akaevwa ku makanwa jenu.

Izaya 2:18

Ni mahamba eswe kumakahwa wupu!

Izaya 2:20

Ha tangwa lize atu kumakambila ku kolo ni yinguzu mahamba jo a prata ni mahamba jo a oru, aze alingile hanga akaakombelele,

Jeremia 29:23

Mumu halinga uhepuke mu Izalele; halinga utanji ni mapwo ja akwo, hanahanjika mu jina liami maliji a mahuza aze chaatumine. Yami ngunachinyingika ni yami nguli chela. Chocho kanambe Yehova.

Ezekiel 12:24

Mumu kukuchi kapwa nawa usolwelo wa mahuza, chipwe ngombo ya kupepieka mu munyachi wa Izalele.

Ezekiel 13:23

Kashika kunuchi kamona nawa usolwelo wa kulionga hanji kutaha ngombo. Mungupatula atu jami mu moko jenu. Henaho munukanyingika yami nguli Yehova.

Ezekiel 14:9

Nyi kachi profeta mongoloka akahanjike limwe liji, yami Yehova hinonga mwe profeta yoze. Mba munguzoza kwoko liami kulimika nenyi; mungunwonwona hakachi ka atu jami A-Izalele.

Ezekiel 30:13

Mwene Yehova kanambe ngwenyi, Mungukonwona mahamba, mungukasulisa tuponya mu Nofe. Kumuchi kapwa nawa mulemu mu chifuchi cha Engitu; chocho mungukakolesa woma chifuchi cha Engitu.

Ezekiel 36:25

Mungukanusapwila meya apema mba munukapema ku luchisa wenu mweswe. Mungukanupemesa ku mahamba jenu eswe.

Ezekiel 36:29

Mungukanupulula ku luchisa wenu mweswe; mungukasanyika mbuto nikuyokesa. Chichi katuma nawa kapunga.

Ezekiel 37:23

Kechi kalichisa nawa ni mahamba jo ni yuma yo ya kuvwisa kupiha, hanji Utanguko wo weswawo, alioze mungukaalamwina ku kukokoloka cho kuze havulumuna. Mungukaapemesa, mba kumakapwa atu jami, ni yami mungukapwa Zambi yo.

Ezekiel 43:7

Yamba kuli yami ngwenyi, Mwana mutu, muno mwapwa muma mwa ngunja yami, muma mwa yiliato yami, muno mungukatwama hakachi ka atu ja A-Izalele ndo ku miaka yeswe. Akwa munyachi wa Izalele kechi kachisa nawa jina liami, chipwe ayo, chipwe mianangana jo, hanji ku ukoi wo, hanji ku mijimba ya mianangana jo ha manangamo,

Ezekiel 6:6

Kweswako nwatwama, yihunda yenu muyikapwa ya kwenyeka, ni manangamo jenu makaapuzula. Chocho yilumbilo yenu muyikapwa ya kwenyeka, ya kupuzula; mahamba jenu makapwa a kumakuna ni a kwonwona; yilumbilo yenu ya insensu makayishiha, ni yitanga yenu makayijimuna.

Hosea 14:8

Eframe makamba ngwenyi, Chika chinguliko ni mahamba nawa? Ngunatá, ngunakuhulikila meso. Nguli ngwe mutondo wa kupresu wa wisu, mihuko ye yinakatuka kuli yami.

Hosea 2:17

Mumu mungukachiza majina ja Ambale ku kanwa lienyi. Kechi kaatongola ni majina jo nawa.

Hosea 2:19

Mungukakumbata, yami mwene, ndo ku miaka yeswe. Mungukakumbata, yami mwene, ni ululi, ni upatwilo wa kulita, ni utu wa zango, ni keke.

Mika 2:11

Nyi mutu mendangana nikwambulula fuji ni mahuza ngwenyi, Mungunulumbunwina yuma ya vinyu ni kunwa chisasu kachi mwenawo mapwa Chilumbununyi wa wano atu!

Zefania 2:11

Yehova mapwa kole ni woma ha kulimika no. Ewa, makahongesa mazambi eswe a hashi, mba yifuchi yeswe ya mavungu makahetamina kuli iye, mweswe kuma kwenyi.

Mateu 12:43

Alioze Spiritu ya luchisa muze te hatuhuka muli mutu maya ndusu muma mumu, nikufupa uhwimino, alioze keshi kuuwana.

Mateu 7:15

Alioze keyelenu aprofeta a kwonga, waze akwiza kuli yenu ni mazalo ja mapanga, alioze muchima kanapu tungunga a kunuwumbula.

Luka 11:20

Alioze kachi ni munwe wa Zambi yami nakutuhwisa andemoniu, kachi wanangana wa Zambi hiuneza hali yenu.

Shimbi 12:3

Nupuzule yilumbilo yo, nukapuzwole yipinji manguji jo, nwoche ni kahia Ashera jo, nupatule tuponya two twa kusonga twa tuzambi two, nujimiseko majina jo.

Shimbi 18:20

Alioze profeta mweswe mahanjika liji lia kulengumuka mu jina liami, ami chamwambilelio kuhanjika, hanji mahanjika ni jina lia tuzambi tweka, profeta yoze afwe.

Yoshua 23:7

Kanda nukalifutula ni mavungu aze asala hakachi kenu. Kanda nukavuluka majina ja mazambi jo, chipwe kulishinga ni majina jo, chipwe kwalingila, chipwe kufukama kuli ayo.

Usolwelo 18:2

Iye wakololokele ni liji lia ngolo ngwenyi, Babilonia hiyapuzuka, hiyapuzuka, hiyapwa muma mwa kutwama mwa andemoniu, ni zuwo lia ususu lia maspiritu eswe a luchisa, ni zuwo lia ususu lia tujila eswe a luchisa ni tujila eswe api.

Usolwelo 19:20

Mba akwachile mwe ngongo, ni profeta wa kwonga hamwe nenyi, yoze walingile yilayi kumeso jenyi, yize wapiangwile nayo waze atambwile mufunda wa ngongo, ni waze awayilile kaponya kenyi: eswe ni aali aanyashine a mwono mu Chitende cha kahia chize cha kuyila ni fundanga.