Zakaria 12:3 - MUKANDA USANDU WA ZAMBI 1975

³ Ha tangwa lize mungukapwisa Yerusaleme luliwe lulemu ha mavungu eswe. Waze eswe maluzundula malilemeka, ni mavungu eswe a hashi malikungulula kulimika nalwo.

Mukanda Wa Zambi 1970

³ Alioze ha matangwa waze, mungukapwisa Yerusaleme ngwe liwe lilemu. Vungu heswe lize makeseka kulizundula, makalemana. Mavungu eswe a hashi maakalikata akase nenyi jita.

Zakaria 12:3 Iomraidhean Croise

Izaya 60:12

Mumu munyachi hanji wanangana wa waze kanuvumbikile kumuukakuwa. Mavungu aze kumakaonwona.

Obadia 1:18

Munyachi wa Yakomba muupwa kahia; munyachi wa José muupwa mulengi; mba munyachi wa Esau muupwa mwambu umu. Kumakalengenya hakachi ko ni kwalalisa. Kukuchi kasala niumwe wa ku munyachi wa Esau, mumu Yehova hachamba.

Mika 5:15

Ni utenu ni ufwatulo mungufwetesa mavungu aze kononokene.

Mika 5:8

Masalila ja Yakomba makapwa hakachi ka mavungu. Makapwa hakachi ni hakachi ka mavungu anji, ngwe ndumba hakachi ka tushitu a mu musenge; ngwe mwevu wa ndumba hakachi ka mbunga ja mapanga, yoze ha kupalika kakuliata nikupapulula, ni yoze mapulula wakuhi.

Habakuke 2:17

Upupilo uze walingilile Lebano muukulundumukina, kwonwona cha tushitu muchikukolesa woma mumu ha manyinga ja atu ni upupilo wa hashi, ku yihunda ni waze eswe atwamamo.

Zefania 3:19

Ha mwaka uze mungukasopesa waze eswe akukupinjisa. Mungukalamwina mukwa kupalita; mungukakungulula waze aahumine. Waze aakolesele sonyi hashi heswe, mungwapwisa uhaliso, ni jina lia lufuma.

Hagai 2:22

mungununguna ngunja ja mawanangana; mungwonwona tachi ja mawanangana ja mavungu, nikununguna matemba-a-jita ni akwa kwaendesa. Tuvwalu ni akwa kwaendesa malimbuka mweswe ku katana wa mukwo.

Zakaria 12:11

Ha tangwa lize kulishimwoka mu Yerusaleme muchikapwa chinene ngwe kulishimwoka hali Hadade-Rimone ha chana cha Megidu.

Zakaria 12:4

Yehova kanambe ngwenyi, Ha tangwa lize munguvwisa mwongo tuvwalu eswe; munguzalwisa waze akwaendesa. Alioze ku munyachi wa Yunda mungukalawishila meso jami muze mungukafwisa meso ja tuvwalu eswe a mavungu.

Zakaria 12:6

Ha tangwa lize mungukapwisa akwa minyachi ya Yunda ngwe ndeho ya kahia hakachi ka kunyi; ngwe soka lia kahia lia kulekwoka hakachi ka yichita ya mwambu. Kumakalalisa mavungu eswe a kwajingilika ku sali lia chindume ni lia chimeso, shimbu Yerusaleme muyitwama ni atu jamo lume, mwe mu Yerusaleme.

Zakaria 13:1

Ha tangwa lize makajikula fuji lia meya ha munyachi wa David ni hali akwa Yerusaleme lia kwapemesa ku shili ni luchisa.

Zakaria 14:13

Ha tangwa lize umwe mwongo unene wa kuli Yehova muukaakwata, chocho mutu mweswe makwata ku kwoko lia mukwo, ni kwoko lia umwe mulikazunduka kulimika ni kwoko lia mukwo.

Zakaria 14:6

Ha tangwa lize kukuchi kapwa chishika chipwe chiwe.

Mateu 21:44

Yoze malimbuka ha liwe lino kumakamakuka: alioze hali mweswawo mulikaholokela, mulikamufwenya tuyifwenvufwenyu.

Luka 20:18

Mweswawo malimbuka ha liwe lino, kumakamakuka; alioze hali mweswawo mulikaholokela, mulikamufwenya tuyifwenyufwenyu.

Usolwelo 16:14

Mumu o maspiritu ja ndemoniu, nikulinga yilayi; waze akutuhuka nikuya kuli mianangana ja yifuchi yeswe ya hashi, mukwakungulula ku jita ya tangwa linene lia Zambi ya Ndundo-Jeswe.