Zakaria 12:2 - MUKANDA USANDU WA ZAMBI 1975

² Nyingikenu ngunambe kupwisa Yerusaleme musenge wa kuzengesa mavungu eswe a kujingilika. Muukalimika ni Yunda nawa ha kuseleka Yerusaleme ni jita.

Mukanda Wa Zambi 1970

² “Mungukapwisa Yerusaleme ngwe musenge wa vinyu. Mavungu waze amujingilika maakaunwa, mba maakatalinga ngwe atu waze haazengewa. Muze maakaseleka Yerusaleme, maakaseleka nawa membo eswe akwo a mu Yuda.

Zakaria 12:2 Iomraidhean Croise

Miaso (Masamu) 75:8

Mumu musenge muuli mu kwoko lia Yehova ni vinyu yamo yinafuluka. Wapwa wa tò ni kuchinga, neye kumakautehuna. Chamwenemwene yisele yayo mayitehuna kuli yingulungulu a hashi akayinwe.

Izaya 51:17

Ena Yerusaleme hiwanwa ku kwoko lia Yehova we musenge wa ufwatulo wenyi, hiwanwa ndo ku yishikwa musenge wa kupiepietesa. Kasumuka! Kasumuka umane ha molu.

Jeremia 25:15

Yehova Zambi ya Izalele kanambe kuli yami ngwenyi, Tambula ku kwoko liami musenge uno wa vinyu ya ufwatulo ukanwise mavungu eswe kuze ngunakutumu.

Jeremia 25:17

Chocho natambwile musenge ku kwoko lia Yehova, ni mavungu kuze Yehova wangutumine naanwishinewo.

Jeremia 49:12

Mumu Yehova kanambe ngwenyi, Nyi waze musenge uno kuwaatele chaatamba kuunwa, enu te munuya ni kastigu ka? Kunuchi kuya ni kastigu ka. Chanutamba kunwa.

Jeremia 51:57

Munguzengewesa alemu jenyi ni akwa mana jenyi, ni anguvulu jenyi, ni tupitau twenyi, ni tujita twenyi. Kumakapomba tulo twa mutolo nikulaula ka. Chocho kanambe mwe Mwanangana, jina lienyi Yehova-wa-Tujita.

Jeremia 51:7

Babilonia wapwile musenge wa oru mu kwoko lia Yehova, wa kuzengewesa akwa hashi eswe. Mavungu eswe anwine vinyu yenyi, kashika mavungu eswe azalukile.

Jeremia 8:14

Kuchi te tunatwama chizechene? Kungulukenu, tuye ku yihunda ya kukolesa tukakuweko; mumu Yehova Zambi yetu hanatufunjikila kukuwa; hanatwehe meya a kasashisa tukanwe, mumu hitunavulumuna Yehova.

Habakuke 2:16

Makuzalisa ni sau, hi uhenya ko. Nwako yena mwene ukapwe ngwe chilima! Musenge wa ku kwoko lia chindume lia Yehova muukuheta mba sonyi mujikafuka uhenya we.

Zakaria 14:14

Chipwe Yunda makasa jita ni Yerusaleme. Ni yikumba ya mavungu eswe a kujingilika makayikunga ya kulumbama, ya oru, ni prata, ni uzalo.

Zakaria 14:2

Mumu mungukakonga mavungu eswe akungulukile kulimika ni Yerusaleme ni jita. Makatambula che chihunda; makapupa mazuwo nikupikapika mapwo. Chihanda cha ha muchima cha chihunda muchiya ku unjize alioze masalila ja atu kechi kaateta ku chihunda.

Usolwelo 14:10

iye nawa kumakanwa vinyu ya ufwatulo wa Zambi, yize hanayilulika chizechene, kayiwezele meya, mu musenge wa utenu wenyi: kumakamumwesa lamba mu kahia ni fundanga kumeso ja angelo asandu ni kumeso ja mwe Mwana-panga.

Usolwelo 16:19

Ni limbo Hapulikile yihanda yitatu; ni membo ja mavungu apuzukile: ewulukile Babilonia kumeso ja Zambi, mukunwaha musenge wa vinyu ya ufwatulo wa utenu wenyi.

Usolwelo 18:6

Mufwetenu chizechene ngwe hanafwetesa, ni yisuho yiali, nikulita ni yitanga yenyi; mu musenge uze hanauchinge, muchingilenu yisuho yiali.