Zakaria 12:1 - MUKANDA USANDU WA ZAMBI 1975

¹ Chikuma cha liji lia Yehova lia kutwala kuli A-Izalele. Yehova mukwa kuzazulula malilu, mukwa kukolesa hashi, ni kululika Spiritu ya mutu muli iye, kanambe ngwenyi,

Mukanda Wa Zambi 1970

¹ Mwene Zambi yalongesa maliji wano hakutwala kuli Aisraele. Kali Mwene Zambi yoze wazazulwile lilu, yoze watangile hashi, yoze wapwishile mutu mukwa mwono. Kanambe ngwenyi:

Zakaria 12:1 Iomraidhean Croise

Ubutukilo 1:8

Zambi yaluka kuzazuluka ngwenyi, Lilu. Yikupwa chingoloshi, yikupwa chimene, tangwa liamuchiali.

Ubutukilo 2:7

Yehova Zambi yawumba mutu wa ku fufuta ya mavu, yahwima mu mazulu jenyi mwiku wa mwono mba mutu yapwa mukwa mwono.

Jobe 26:7

Kakuzazulwila Norte homa hamokomoko. Kakuzezeleka hashi mu tetela.

Jobe 37:18

Ena te muhasa kuzazulula malilu ngwe iye halinga? Akakole ngwe katalilo wa kuzuzulula, nyi?

Miaso (Masamu) 104:2

Walifuka ni pangu ngwe uzalo; wazazulula malilu ngwe luhina.

Miaso (Masamu) 134:3

Yehova mu Zaione akuwahise; yoze watangile lilu ni hashi.

Longeshi 12:7

mba fufuta muyihiluka ku mavu chizechene yapwile, ni Chizulie muchihiluka kuli Zambi yoze wachihanyine.

Izaya 40:12

Iya wazongele kalunga-lwiji mu kwoko lienyi? Iya wafunjikile malilu ni kwoko? Iya wasele fufuta ya hashi mu njongo? Iya wapezalishile milundu yinene ha mbalansa, ni mindundena ha mbalansa yikepe?

Izaya 40:22

Iye mwene katwama helu lia kujinguluka cha hashi, mba enyaho kanapu ngwe mapasu. Iye kakuzazulula malilu ngwe hina; kakwaala ngwe mbalaka ya kutwamamo.

Izaya 42:5

Zambi Yehova, Tangi wa malilu kanda mukwa kwazazulula, yoze wazazulwile hashi ni yize yeswe yakwizaho, yoze wakuhana mwiku kuli atu eswe aliho, kakuhana Spiritu kuli akwa kwendelaho eswe, aye kanambe ngwenyi,

Izaya 44:24

Yehova, Mukwa-Kukukula, yoze wakuwumbile chize mu jimo, kanambe ngwenyi, Yami nguli Yehova, Tangi ya yuma yeswe, mukwa kuzazulula malilu ukawami, mukwa kuzazulula hashi—te iya napwile nenyi?

Izaya 45:12

Nalingile hashi, natangileho mutu. Moko ja yami mwene azazulwile malilu; yami natumine mbunga yako yeswe.

Izaya 45:18

Mumu Yehova, Tangi ya malilu (iye Zambi), yoze wawumbile hashi nikuhalinga, (wahakolesele, kahatangile ha hululu, wahatangile hanga atu akatwameho); yono Yehova kanambe ngwenyi, Yami nguli Yehova, kukushi mukwo.

Izaya 48:13

Kwoko liami Uasele fundamentu ya hashi; kwoko liami lia chindume liazazulwile malilu. Muze munguyisanyika, muyikalimanyina hamuwika.

Izaya 51:13

Hinwavulama Yehova Tangi yenu, yoze Wazazulwile malilu, wasele fundamentu ya hashi. Nunevu woma ndusu tangwa lieswe mumu ha ufwatulo wa mukwa kupinjisa, yoze kanase mbunge yenyi mukwenyeka. Ufwatulo wa mukwa kupinjisa ulihiwo?

Izaya 57:16

Mumu chichi kalitachika miaka yeswe, chipwe kutenuka, chichi katenuka matangwa eswe. Kuli yami kwakatuka spiritu ni yami mwene natangile mwiku wa mwono.

Jeremia 10:12

Iye watangile hashi ni ndundo jenyi, wakolesele muno-muze ni mana jenyi, wazazulwile malilu ni yinyingi yenyi.

Jeremia 30:10

Kashika Yehova kanambe ngwenyi, Kanda wivwa woma, yena Yakomba kavumbi kami, ni yena Izalele kanda ulishimwoka, mumu mungukakulamwina chipwe kusuku. Mungukalamwina ana je ku chifuchi cha ufunge wo. Yakomba makahiluka ni kuhola ni kuhwima, niumwe mamukolesa woma.

Jeremia 30:16

Kashika waze akukunongesa kumakanonga, akwa kole je eswe kumaya ku ufunge, e eswe lume. Waze mapunda upite we kumakaapunda. Waze eswe makupupa kumakapupiwa.

Jeremia 38:16

Mba mwanangana Zedekia yalishinga kuli Jeremia ukawo ku lumbu ngwenyi, Ni mwono wa Yehova yoze watangile alma jetu, chichi kukushiha chipwe kukukunjika kuli wano malunga anafupu kukushiha.

Jeremia 50:34

Alioze Mukwa-Kwakula tachi ali najo; jina lienyi Yehova-wa-Tujita. Kumakaahakwila hanga akahwimise hashi alioze akapinjise waze atwama mu Babilonia.

Jeremia 51:15

Iye watangile hashi ni tachi jenyi, wakolesele muno-muze ni mana jenyi, wazazulwile malilu ni chinyingi chenyi.

Lungungu 2:14

Aprofeta je hakumwena usolwelo wa mahuza, wa kwonga. Kasolwele uhenge we akahilwise kuwaha che, alioze hakumwena yilayi ya mahuza ni ya kukupiangula.

Ezekiel 18:4

Alma ja eswe nijami; alma ya tato ni alma ya mwanenyi jeswe nijami; mba alma yize muyivulumuna kumuyikafwa.

Joele 3:19

Engitu muyikapwa ya hululu, ni Endome muyikapwa puya ya hululu mumu ha upupilo uze alingile kuli A-Yunda, mumu mu chifuchi cho hamwanga manyinga a kusamba.

Joele 3:21

Kumungukakala manyinga jo aze te chaakalile; mumu Yehova katwama mu Zaione.

Zakaria 9:1

Chikuma cha liji lia Yehova chalimika ni chifuchi cha Hadrake; kumuchikatula ha Ndamaseku. Mumu meso ja atu ni ja minyachi yeswe ya A-Izalele kuli Yehova ali.

Malaki 1:1

Chikuma cha liji lia Yehova kuli A-Izalele mu kanwa lia Malakia.

Kwalula 16:22

O yafulamana hashi, yamba ngwo, Zambi, mwe Zambi ya maspiritu a atu eswe, mutu umuwika mavulumuna mba mutenuka ni chikungulwila cheswe nyi?

Hebreu 12:9

Chikwo nawa, twapwile ni atata a mu musunya akutulamba ha kufumba, twaalemesene: Shinaho chikolo kutuchi kuzeyela kuli Tato ya maspiritu, tukapwe ni mwono, nyi?