Zakaria 11:9 - MUKANDA USANDU WA ZAMBI 1975

⁹ Chocho yingwaamba ngwami, Chichi kapwa kafunga kenu. Yoze hamufunjikila kufwa, akafwe; yoze hamufunjikila kwonwona, amwonwone; waze malisalaho akalie musunya wo, umwe kuli mukwo ni mukwo.

Mukanda Wa Zambi 1970

⁹ Mba yingwambila mapanga ngwami: “Hichichi kubwa nawa kafunga kenu. Waze chaatamba kufwa, afwe kwo; waze chaatamba kwonona, onoone kwo. Waze haasala ho maalionona ene ni ene.”

Zakaria 11:9 Iomraidhean Croise

Jeremia 19:9

Mungukaakunjika kulia musunya wa ana jo a malunga ni a mapwo. Mweswe malia musunya wa mwenyembo wenyi mumu ha lamba muze maseleka chihunda kuli akwa kole jo waze anafupu kwashiha.

Jeremia 23:33

Muze umwe wa wano atu, hanji profeta, hanji sasendote makuhula ngwenyi, Chiteli cha Yehova chika? Muwamba kuli ayo ngwe, Yena mwene uli chiteli, mba Yehova kanambe ngwenyi, Ngunambe kukumbila.

Jeremia 23:39

kashika mungunuzundula ni kunumbila kumeso jami, ni yena ni chihunda chino nanuhele ni tulamba twenu.

Jeremia 43:11

Kumakeza ni kulamba chifuchi cha Engitu, ni kuhana ku chilungo waze hanaafunjikila chilungo, ni kukunjika ku ufunge waze hanaafunjikila ufunge, ni kukunjika ku katana waze hanaafunjikila katana.

Ezekiel 5:10

Kashika malunga malia ana jo a malunga hakachi kenu; ni ana a malunga malia atato, mba mungulinga upatwilo hali yenu, ni waze malisalaho mungukanumwangina ku fuji jeswe.

Hosea 4:6

Atu jami hanaonwona mumu ha kuhona yinyingi. Se hinwambila yinyingi, kashika ni yami ngunanumbila ku usasendote wami. Se hinwavulama shimbi ya Zambi yenu, ni yami nawa munguvulama ana jenu.

Zakaria 13:8

Yehova kanambe ngwenyi, Mu chifuchi cheswe, yihanda yiali mayitetaho, manonga. Chihanda chamuchitatu muchikasala ni mwono.

Mateu 15:14

Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.

Mateu 21:19

mba ha kumona mukuyu ku sesa lia jila, wakundamineko alioze kawanyineko nichimwe, shina mafwo wika; neye ngwenyi, Kanda ukema nawa mihuko ndo ku miaka ya mutolo. Haze hene mukuyu womine chau.

Mateu 21:43

Kashika ngwami, Kumakachiza wanangana wa Zambi kuli yenu, makauhana ku vungu limwe lia waze mema mihuko yawo.

Yoano 12:35

Yesu kashika wambile kuli ayo ngwenyi, Hindu shimbu likepe nawa pangu lichili hakachi kenu. Endenu shimbu nuli ni pangu, hanga milima kuyichi kanuwana; ni yoze menda mu milima kanyingikine kuze maya.

Yoano 8:21

Yesu kashika wambile kuli ayo cheka nawa ngwenyi, Munguya kwami, kumunukangufupa, munukafwa mu milonga yenu: ni kuze munguya, kunwahashile kuhetako.

Yoano 8:24

Hinamba kuli yenu ngwami, Munukafwa mu milonga yenu: mumu kumunukafwa mu milonga yenu shina munufuliela yoze nguli.

Usolwelo 22:11

Ngwami, Yoze wakulinga uhenge, akalinge uhenge nawa; ni mukwa majilo, akalipwise mukwa majilo nawa; ni mukwa ululi, akalinge ululi nawa; ni musandu, akapwe musandu nawa.