Zakaria 11:3 - MUKANDA USANDU WA ZAMBI 1975

³ Halakanenu mbimbi ya tufunga; mumu uhenya wo haupupa! Halakanenu kuhiohia cha ndumba, mumu mushitu ya Yordau hayiteta!

Mukanda Wa Zambi 1970

³ Akwa kuyula kaanalili mbimbi mumu uhenya wo hiwahwa! Banjikenu kuhiohia cha tambwe mumu mishitu yo ku mbumbulu ya Yordau haayipakula.

Zakaria 11:3 Iomraidhean Croise

Miaso (Masamu) 22:21

Ngulamwine ku kanwa lia ndumba, ewa, ku mbinga ja mbau hiwangukumbulula.

Izaya 5:29

Kuteta cho ngwe cha ndumba; kanatete ngwe mievu ja ndumba. Kanakenana ha kukwata yifwo yo; kanayimbata mba niumwe mahasa kupulula.

Izaya 65:15

Munukahichika jina lienu ngwe shingo kuli waze naatongwele, mba Mwene Yehova makanushiha; alioze matuka tuvumbi twenyi jina lieka.

Jeremia 2:15

Ndumba hanatete hali iye, hanatete ni tachi. Hanahichika chifuchi chenyi ngwe puya, yihunda yenyi yinapuzuka, kuyishi atu.

Jeremia 2:30

Hinalamba ana jenu alioze chamokomoko, mumu katambwile kufumba nichimwe. Katana ka yenwene wonwene aprofeta jenu ngwe ndumba mukwa kupapulula.

Jeremia 26:6

nyi chocho, mungupwisa zuwo lino ngwe Shilo, mungupwisa chihunda chino shingo lia mavungu eswe a hashi.

Jeremia 49:19

Chizechene ngwe ndumba makatuka ku mushitu wa Yordau kulimika ni limba lia tachi lia mapanga chocho ni yami susumuku mungwahuma kuli iye, mba mungusela kumuyula mweswawo ngunazange yami. Mumu iya walifwa ni yami? Iya mangusanyika? Kafunga muka mahasa kumana kumeso jami?

Jeremia 50:44

Chizechene ngwe ndumba makatuka ku mushitu wa Yordau kulimika ni limba lia tachi lia mapanga chocho ni yami susumuku mungwahuma kuli iye; mba mungusela kumuyula mweswawo ngunazange. Mumu iya walifwa ni yami? Iya mangusanyika? Kafunga muka mahasa kumana kumeso jami?

Jeremia 7:4

Kanda nufuliela maliji wano a kwonga ngwo, Yino yinapu tembele ya Yehova, tembele ya Yehova, tembele ya Yehova.

Ezekiel 19:2

ngwe, Ndumba wa chihwo wa tachi hakachi ka ndumba ni akwo, chocho wapwile noko! Wautaminyine hakachi ka mievu ja ndumba nikulela ana jenyi.

Hosea 10:5

Akwa Samaria kakuchikimina mwana-ngombe wa ku Mbete-Avene. Atu jenyi makamulilila ni asasendote jenyi a mahamba mamuhula mbimbi mumu ha uhenya wenyi uze hiwamukatuka.

Joele 1:13

Enu asasendote, lijikenu yikeleyi nukalinyenge. Enu tuvumbi twa chilumbilo, lilenu mbimbi. Enu tuvumbi twa Zambi yami, tweyenu nukapombe ufuku weswe mu yikeleyi, mumu mulambu wa wunga ni mulambu wa kunwa hanayimina mu zuwo lia Zambi yenu.

Amose 8:8

Te chifuchi kuchichi kachikima ha chikuma chino? Ni waze eswe atwamamo kechi kalishimwoka? Cheswe te kuchichi kazunduka ngwe lwiji Nilo, ni kupindangana ni kuhuwa nawa ngwe Nilo wa Engitu?

Zefania 1:10

Yehova kanambe ngwenyi, Ha tangwa lize makevwa muteto ku chikolo cha yishi, ni mbimbi ku chihanda chamuchiali, ni zungo linene ku milundu.

Zefania 3:11

Ha tangwa lize kechi kunukolesa sonyi ha mukunda wa yitanga yize nwangukatukilile nayo; mumu ha mwaka uze munguchiza hakachi kenu waze akulisamba ni kulengumuka cho, ni yenu kunuchi kulizata nawa mu mulundu wami usandu.

Zefania 3:3

Akwa kuyula muchima lienyi kapwa ngwe ndumba a kuhiohia. Ngaji jenyi ngwe tungunga a ha chingoloshi waze kahichikile nichimwe ndo chimene.

Zakaria 11:2

Ena mutondo wa kupresu, lila mbimbi mumu musedru halimbuka; mitondo ya uhenya hiyalumbuka! Carvalho ja ku Mbashanu, lilenu mbimbi, mumu usaki uze wajika haupakula!

Zakaria 11:8

Ha kakweji umuwika nonwene tufunga atatu, mumu janguhwa no; no te kananguvwila kupiha.

Mateu 15:14

Ahichikenu: tupuputa kanafupu kusongwela tupuputa, nyi kachi kapuputa masongwela kapuputa, eswe aali kumakalimbukila mu wina.

Yilinga 7:52

Iya hakachi ka aprofeta, tulamba twenu kamuhungumioneneko? O hanashihi waze ambulwile Shimbu-kanda ha kutwala ku kwiza cha Mukwa Ululi; kuli iye yenu nunapu haliapwila akwa kuhandukulula ni yingalwe.