Zakaria 10:9 - MUKANDA USANDU WA ZAMBI 1975

⁹ Chipwe naamwangine hakachi ka mavungu, hindu ku yifuchi ya kusuku makangwiwuluka; mba makatwama ni mwono, makahiluka hamwe ni ana jo.

Mukanda Wa Zambi 1970

⁹ Chibwe naamwanginyine mukachi ka mavungu, hindu kumaakangwiwuluka, chibwe kusuku kuze atwama. Ayo ni e ana jo kumaakatwama ni mwono, kumaakahiluka eswe hamuwika ku mahio.

Zakaria 10:9 Iomraidhean Croise

Nehemia 1:9

Alioze nyi munuhiluka kuli yami ni kufunga shimbi jami ni kujilinga, chipwe akwa kumwangana haya ku masongo a hashi, hindu mungwachizako ni kwaneha kuma kuze binatongola kusako jina liami.

Estere 8:17

Ni mu yifuchi yeswe ni yihunda yeswe kuze kwahetele liji lia mwanangana ni shimbi yenyi A-Yunda apwile ni chiseke, ni uwahililo, ni yiteleka, ni tangwa lia kuwaha. Anji a kuli mavungu a chifuchi alumukine A-Yunda mumu apwile ni woma wa A-Yunda.

Izaya 44:21

Iwuluka yino yuma Yakomba, ni Izalele, mumu uli kavumbi kami. Nakuwumbile, Izalele, uli kavumbi kami. Chichi kakuvulama.

Izaya 64:4

Chize ku shakulu niumwe kandevwa, chipwe kusa chinyingi ni matwi jenyi, nilimwe liso kanda limona umwe Zambi shina yena mwene, yoze wakulingila akwa kumutwaminyina.

Izaya 65:23

Kechi kahondangana mokomoko; kechi kasema ana a kumona kuji-ni-tomo, mumu kumakapwa ana ja waze hanaawahisa kuli Yehova, ni ana jo hamwe no.

Izaya 65:9

Yakomba makangwaha ana. Yunda makangwaha amwe kuswana milundu yami. Waze naatongwele mayihinga, tuvumbi twami makatwamako.

Jeremia 31:27

Yehova kanambe ngwenyi, Matangwa kaneza muze munyachi wa Izalele ni munyachi wa Yunda mungukuwako mbuto ya atu ni mbuto ya tushitu.

Jeremia 51:50

Enu kunwafwile ni katana yénu, kanda numana chizechene! Iwulukenu Yehova chipwe nuli kusuku. Yerusaleme nuyiwuluke mu manyonga jenu ngwenu,

Ezekiel 6:9

mba waze kafwile makangwiwuluka hakachi ka mavungu kuze haatwala funge, chize hanangumakuna ni mbunge jo ja ukoi jize hijinangukatuka, ni meso jo aze hanaatalikisa ni ukoi ku mahamba jo. Ene meza kulivwila kupiha kumeso jo ene mumu ha yipi yize halinga ni yuma yo ya lwaji.

Hosea 2:23

mba mungukamutumba hali yami mwene mu chifuchi. Mungukavwila keke Lo-Ruhama; kuli Lo-Ami mungukamba ngwami, Atu jami, mba iye makamba ngwenyi, Uli Zambi yami.

Amose 9:9

Mumu mungukatuma kusakumuna munyachi wa Izalele hakachi ka mavungu ngwe umwe kakusakumuna musalo wa masekeseke, alioze nikamwe kaliwe mukaholoka hashi kakuhi.

Mika 5:7

Henaho masalila ja Yakomba makapwa hakachi ka mavungu anji ngwe mume wa kuli Yehova; ngwe vula ha mwambu yoze kazeyele kuli atu chipwe kutwaminyina atu.

Yilinga 8:1

Saulu te kanatayiza kufwa chenyi. Ha tangwa lize kwakatukile yihungumiona yinene ha chikungulwila chize chapwile mu Yerusaleme; ni eswe amwanganyine mwamwa mu yifuchi ya Yundeya ni Samaria, alioze apostolo, ka.

Yilinga 8:4

Waze kashika amwanganyine ayile kweswe nikwambujola lie liji.

A-ROMA 11:24

Mumu nyi yena akupatwile ku uze nikulita ni chisemewa wapwa olevwe wa mu yambu; nikulimika ni chisemewa akunungine mu we olevwe; Shinaho chikolo wano, mitango ya ku chisemewa, makaanunga ni olevwe wo ene, nyi?