Zakaria 10:6 - MUKANDA USANDU WA ZAMBI 1975

⁶ Kumungukutakamisa munyachi wa Yunda; kumungukalamwina munyachi wa José. Mungukaahilwisa mumu ngunaavwila keke, mba makapwa ngwe chalitunyino, mumu yami nguli Yehova Zambi yo kashika mungukaakumbulula.

Mukanda Wa Zambi 1970

⁶ “Mungukatakamisa Ayuda; mungukalamwina Aisraele. Mungukeevwila keke; mungukaahilwisa eswe ku mahio. Kumaakabwa ngwe cheehukile ko nichimwe. Yami nguli Mwene Zambi, Zambi yo; mungukakumbulula yilemba yo.

Zakaria 10:6 Iomraidhean Croise

Miaso (Masamu) 89:21

Kwoko liami mulikatakama nenyi. Kwoko liami nawa mulikamutakamisa.

Izaya 11:12

Kumakamika mbandeira hali mavungu, kumakakungulula A-Izalele a kumbilambila, ni kukonga A-Yunda waze anamwangana ku mbango jiwana ja hashi.

Izaya 14:1

Yehova kumakavwila keke A-Yakomba; kumakatongola cheka nawa A-Izalele, ni kwasa mu chifuchi cho ene. Chipwe tundaka malifutula no ni kulalaminya ku munyachi wa Yakomba.

Izaya 41:10

ngwami, Kanda wivwa woma, nguli hamwe ni yena, kanda ulishimwoka, nguli Zambi ye. Kumungukutakamisa, kumungukukwasa, kumungukuzundula ni kwoko liami lia chindume lia ululi.

Izaya 54:4

Kanda wivwa woma, kuchi kwivwa sonyi; kanda utatajala, kechi kukukolesa sonyi. Mumu mukavulama sonyi ja wana-mapwo we, ni luchoko wa utwamishi we kuchi kamwiwuluka nawa.

Izaya 54:8

Ha kashimbu kakepekepe nakuswekelele meso jami ni ufwatulo umwe wa kuhungumuna, alioze ni zango lia mutolo mungukakuvwila keke. Chocho kanambe Yehova, Mukwa-Kukukula.

Jeremia 23:6

Ha matangwa jenyi malamwina Yunda, ni Izalele matwama ni sambukila. Jina lize mamwaha ngwo, Yehova ululi wetu.

Jeremia 3:18

Ha matangwa aze munyachi wa Yunda muulinunga ni munyachi wa Izalele mba hamuwika makatuka ku chifuchi cha Norte ni kwiza ku chifuchi chino nahanyine chihinga kuli tulamba twenu.

Jeremia 30:18

Yehova kanambe ngwenyi, Munguhilwisa kuwaha cha mbalaka ja Yakomba; munguvwila keke mazuwo jenyi. Makatunga cheka nawa che chihunda ha mulumba wacho, ni zuwo lia mwanangana mulikamana kuze liapwile kushi.

Jeremia 30:20

Ana jo makapwa chizechene apwile kushi, ni chikungulwila cho muchikakola kumeso jami. Mungukahana kastigu kuli waze eswe maapinjisa.

Jeremia 31:1

Yehova kanambe ngwenyi, Ha mwaka uze mungukapwa Zambi ya minyachi yeswe ya A-Izalele mba o kumakapwa atu jami.

Jeremia 31:20

Eframe iye mwanami wa lunga mulemu nyi? Iye mwanami wa zango nyi? Mumu cheswe munguhanjika cha kulimika nenyi kunakumwiwuluka hindu. Kashika mbunge yami yakumuvwila usona. Pundu, mungumuvwila keke. Chocho kanambe Yehova.

Jeremia 31:31

Yehova kanambe ngwenyi, Matangwa kaneza muze mungukolesa usendo waha ni akwa munyachi wa Izalele ni akwa munyachi wa Yunda.

Ezekiel 36:11

Mba mungukaokesa hali yenu ni atu ni tushitu, no makaoka ni kusema, mba makatwama muli yenu ngwe ku miaka ya shakulu. Makanulinga chipema kuhiana chipema chize cheswe cha kunyima. Henaho munukanyingika yami nguli Yehova.

Ezekiel 36:37

Mwene Yehova kanambe ngwenyi, Chino nawa mungutayiza akwa munyachi wa Izalele akete kuli yami, ngukaokese malunga jo ngwe mbunga ya mapanga.

Ezekiel 37:16

Mwana mutu, anda mutondo usonekeho: Hali Yunda ni A-Izalele aze halifutula nenyi. Mba anda mutondo ukwo usonekeho: Hali José (mutondo wa Eframe) ni akwa munyachi wa Izalele aze halifutula nenyi,

Ezekiel 39:25

Kashika Mwene Yehova kanambe ngwenyi, Haliapwila mungukahilwisa kuwaha cha Yakomba, mungukavwila keke munyachi weswe wa Izalele. Mungukevwa ukwa ha jina liami lisandu.

Hosea 1:11

Atu ja Yunda ni atu ja Izalele makaakungulula, mba makalitongwela kasongo umuwika mba makatuka ku chifuchi, mumu lie tangwa lia Yezerele mulipwa linene.

Hosea 1:7

Alioze munguvwila keke munyachi wa Yunda, mba mungukaapulula ni kwoko lia Yehova Zambi yo. Chichi kaapulula ni uta, hanji ni katana, hanji ni jita, hanji ni tuvwalu, hanji ni akwa kwendesa tuvwalu.

Hosea 14:9

Mweswe uli ni mana akase chinyingi yino yuma. Mweswe kali ni meso yikamulumbunuke; mumu majila ja Yehova kanapeme kashika akwa ululi kakwendelamo; alioze yitanguke malimbukilamo.

Hosea 2:23

mba mungukamutumba hali yami mwene mu chifuchi. Mungukavwila keke Lo-Ruhama; kuli Lo-Ami mungukamba ngwami, Atu jami, mba iye makamba ngwenyi, Uli Zambi yami.

Obadia 1:18

Munyachi wa Yakomba muupwa kahia; munyachi wa José muupwa mulengi; mba munyachi wa Esau muupwa mwambu umu. Kumakalengenya hakachi ko ni kwalalisa. Kukuchi kasala niumwe wa ku munyachi wa Esau, mumu Yehova hachamba.

Mika 4:13

Mwana-pwo Zaione, katuka uzungule! Mumu mungupwisa mbinga ye ya utale, ni sende je ja unengu ukapalwole mavungu anji. Kumukatumbikila kufumbuka cho kuli Yehova; upite wo mukauhana kuli Mwene wa hashi heswe.

Mika 4:6

Yehova kanambe ngwenyi, Ha tangwa lize mungukakungulula yilema; mungukakonga waze aahumine ni waze nayindamishine.

Mika 5:3

Kashika kumakaakunjika ndo mwaka uze mukwa kufumbajala hasema. Henaho masalila ja usoko wenyi makahiluka kuli atu ja Izalele.

Mika 5:8

Masalila ja Yakomba makapwa hakachi ka mavungu. Makapwa hakachi ni hakachi ka mavungu anji, ngwe ndumba hakachi ka tushitu a mu musenge; ngwe mwevu wa ndumba hakachi ka mbunga ja mapanga, yoze ha kupalika kakuliata nikupapulula, ni yoze mapulula wakuhi.

Mika 7:16

Akwa mavungu mamona mba mavwila sonyi ndundo jo. Masa moko jo ku makanwa jo ni matwi jo makafwa.

Zakaria 1:16

Kashika Yehova kanambe ngwenyi, Hinahiluka ku Yerusaleme ni keke. Yehova-wa-Tujita kanambe ngwenyi, Zuwo liami malitungamo; muhipu wa kweseka mautachika ha Yerusaleme.

Zakaria 10:12

Mungukaatakamisa muli Yehova mba kumakenda mu jina lienyi. Chocho kanambe Yehova.

Zakaria 13:9

Mba chino chihanda chamuchitatu mungukachisa mu kahia nikwapemesa chize atu kakupemesa prata. Mungukaeseka ngwe akweseka oru. Kumakatambika ha jina liami, mba mungukaakumbulula. Mungukamba ngwami, O atu jami. O makamba ngwo, Yehova iye Zambi yami.

Zakaria 8:11

Alioze haliapwila Yehova-wa-Tujita kanambe ngwenyi, Chichi kulinga ni masalila ja vungu lino ngwe nalingile kunyima.

Zakaria 9:16

Ha tangwa lize Yehova Zambi yo makaalamwina, mumu o te mbunga ya atu jenyi. Kumakahenya ha chifuchi chenyi ngwe diamante ha chipangula chenyi.