Zakaria 10:5 - MUKANDA USANDU WA ZAMBI 1975

⁵ Hamuwika makapwa ngwe yitakame mu jita, nikuliachila akwa kulinwa no mu malowa a ha matapalo. Makasa jita mumu Yehova hwali hamwe no, mba makakomwesa akwa kwenda hali tuvwalu.

Mukanda Wa Zambi 1970

⁵ Ayuda makabwa akwa kukumba ngwe tujita waze analiachila akwa kole jo mu malowa a mu majila. Kumaakasa jita, kumaakakumba chibwe waze akwendela ha tuvwalu, mumu Mwene Zambi makabwa hamwe no.

Zakaria 10:5 Iomraidhean Croise

2 Samuel 22:43

Mba naafwenyene ngwe fufuta ya hashi. Naaliachile ngwe malowa ha tapalo nikwamwanga.

2 Samuel 22:8

Haze hene hashi hanyikine nikuchikima, fundamentu ja malilu jachikimine, janyikine mumu iye hanatenuka.

1 MIANANGANA 9:33

Aye yamba ngwenyi, Munyasenu! Yamunyasa. Mba amwe manyinga jenyi asapukilile ha yishimi, ni hali tuvwalu; mba yamuliata.

Miaso (Masamu) 18:42

Mba naafwenyene ngwe fufuta yize fuji muyihehula. Naambilile haze ngwe malowa ha tapalo.

Miaso (Masamu) 20:7

Amwe kakufuliela matemba, amwe tuvwalu, alioze yetu mutuvulwoka jina lia Yehova Zambi yetu.

Miaso (Masamu) 33:16

Mwanangana keshi kumulamwina ha kwoka cha yizavu. Chitakame keshi kumupulula ku tachi jenyi jinji.

Miaso (Masamu) 44:5

Ku tachi je twakufungika akwa kulimika ni yetu hashi; mu jina lie twakuliata waze akulimika ni yetu.

Miaso (Masamu) 45:3

Yena chitakame lipakate katana ke mu chitongo ni uhenya we ni ulamba we.

Izaya 10:6

Ngunamutumu kulimika ni vungu lia yingandangali. Ngunanwehe shimbi kulimika ni atu ja ufwatulo wami, akatambule upite akapunde yikumba, akaaliate ngwe malowa ha tapalo.

Izaya 25:10

Mumu kwoko lia Yehova kumulikatula ha mulundu uno ni A-Moape mapwa a kuliata kuma kwo ngwe kakuliata mwambu mu wina wa wilo.

Izaya 31:1

Lamba kuli waze akupalumuka ku Engitu kufupa yikwashi. Waze akujikijila hali tuvwalu, kakufuliela matemba-a-jita mumu ha kupwa anji, kakufuliela akwa tuvwalu ha kupwa ni tachi jinji. Alioze katalile kuli mwe Musandu wa Izalele; kahulile Yehova.

Izaya 41:12

Mukafupa waze alitachikile ni yena, kuchi kaawana; Waze ashile jita ni yena makapwa nichimwe.

Izaya 41:25

Navundwile umwe ku Norte mba haneza, ni ku Chivumbuko, mba masanyika ha jina liami. Kumakaliata mianangana ngwe ndambo, ngwe tengi kakuliata uma.

Izaya 8:9

Zangumiokenu, enu mavungu, nukamakwoke; panjikenu, enu yifuchi ya kusuku; lijichikenu numakwoke tuyipinji; lijichikenu numakwoke tuyipinji.

Ezekiel 38:15

ukatuke kuma kwe ku songo lia ku Norte, ni yena ni mavungu anji hamuwika, eswe anende hali tuvwalu, chihuji chinene, tujita a ndundo.

Amose 2:15

Ngashi kechi kalikoleza; mukwa tambu kechi kalilamwina; chipwe mukwa kwenda hali kavwalu kechi kalamwina mwono wenyi.

Mika 5:8

Masalila ja Yakomba makapwa hakachi ka mavungu. Makapwa hakachi ni hakachi ka mavungu anji, ngwe ndumba hakachi ka tushitu a mu musenge; ngwe mwevu wa ndumba hakachi ka mbunga ja mapanga, yoze ha kupalika kakuliata nikupapulula, ni yoze mapulula wakuhi.

Mika 7:10

Mba mukwa kole yami makamona, ni sonyi mujikafuka yoze wangwambile ngwenyi, Yehova Zambi ye kuli ali? Meso jami kumakamutala ni kulikwiza; mba makamuliata ngwe malowa a mu tapalo.

Hagai 2:22

mungununguna ngunja ja mawanangana; mungwonwona tachi ja mawanangana ja mavungu, nikununguna matemba-a-jita ni akwa kwaendesa. Tuvwalu ni akwa kwaendesa malimbuka mweswe ku katana wa mukwo.

Zakaria 12:4

Yehova kanambe ngwenyi, Ha tangwa lize munguvwisa mwongo tuvwalu eswe; munguzalwisa waze akwaendesa. Alioze ku munyachi wa Yunda mungukalawishila meso jami muze mungukafwisa meso ja tuvwalu eswe a mavungu.

Zakaria 12:8

Ha tangwa lize Yehova majingilika akwa Yerusaleme ni lukepwe, chocho chipwe alelu chikolo hakachi ko ha tangwa lize makapwa ngwe David, mba akwa munyachi wa David makapwa ngwe Zambi, ngwe mungelo wa Yehova kulutwe lio.

Zakaria 14:13

Ha tangwa lize umwe mwongo unene wa kuli Yehova muukaakwata, chocho mutu mweswe makwata ku kwoko lia mukwo, ni kwoko lia umwe mulikazunduka kulimika ni kwoko lia mukwo.

Zakaria 14:3

Mba Yehova makatuhuka mukwasa jita ni mavungu aze ngwe akulinga ha tangwa lia jita.

Zakaria 9:13

Mumu hinanana Yunda ngwe uta wami, hinapwisa Eframe mwivu wami. Ena Zaione, mungulinga ni ane a malunga kulamba ana a malunga a yena Ngresia. Mungulinga ni yena ngwe uli katana wa kajita.

Mateu 28:20

nikwalongesa kufunga yuma yize yeswe nanuhele shimbi: nyingikenu, yami kunguli hamuwika ni yenu matangwa eswe ndo kumanunuka cha mwaka. Amene.

Mateu 4:3

Mukwa kweseka wejile nikwamba ngwenyi, Kachi yena uli mwe Mwana Zambi, amba mawe ano alumuke mbolo.

Luka 24:19

Iye wambile ngwenyi, Yuma yika? O ambile kuli iye ngwo, Yuma yize ya kutwala kuli Yesu Ka-Nazare, mwenawo wapwile profeta mukwa tachi ni chitanga ni liji kumeso ja Zambi ni atu eswe.

Yilinga 18:24

Achi, umwe Ka-Yunda, jina lienyi Apolu, mukwa Alezandre ku munyachi wenyi, mukwa kulongoloka, wahetele ku Efwesu; iye mukwa tachi mu yisoneko.

Yilinga 7:22

Mose wafumbiwile ni mana eswe a Engitu, wapwile mukwa tachi ha maliji jenyi ni yitanga yenyi.

2 Korintu 10:4

(Mumu yitwa yetu ya jita hi ya musunya ko, alioze ya tachi nikulita ni Zambi ya kupupa yuma ya tachi;)

Shimbi 20:1

Muze munutuhuka mukwasa jita ni akwa kole jenu, ha kumona tuvwalu, ni matemba, ni atu amwe ananuhiana ha kwoka, kanda nwavwila woma; mumu Yehova Zambi yenu kwali hamwe ni yenu, iye wanuchijile mu chifuchi cha Engitu.

2 Timoteu 4:17

Alioze Mwene wamanyine hamwe ni yami, iye wanguhele tachi; hanga ku kanwa liami akambujole liakulu sango lipema; hanga akwa mavungu eswe akevwe; angupulwile ku kanwa lia ndumba.

2 Timoteu 4:7

Hingunalitachika kulitachika chipema, hingunamanununa kuma kwami kwa kuzomboka, hingunafungu Ufulielo.

Yoshua 10:14

Kukwapwile tangwa ngwe lize, chipwe kuze kanda chipwe kuno kanda muze Yehova yapanjika ku liji lia mutu. Mumu Yehova yasa jita hali A-Izalele.

Yoshua 10:42

Yoshua watambwile wano mianangana eswe ni chifuchi cho hamuwika mumu Yehova Zambi ya Izalele washilile jita Izalele.

Usolwelo 19:17

Mba namwene mungelo, kanamana mu tangwa, iye wakololokele ni liji linene, kanambe kuli tujila waze eswe akuhumuka mukachi ka lilu ngwenyi, Tweyenu, nulikungulule ku chiteleka chinene cha Zambi;

1 Samuel 16:18

Umwe mukweze wakumbulwile ngwenyi, Hinamona umwe mwana wa Yese wa ku Mbeteleme kananyingika kwimba kanawa. Kapwa nawa chitakame, mukwa hamu, kajita, chikanyame, mupema ku meso, ni Yehova kali nenyi hamuwika.