Zakaria 10:4 - MUKANDA USANDU WA ZAMBI 1975

⁴ Kuli ayo mukukakatuka liwe lia mbango; kuli ayo mukukakatuka lumbambo wa mbalaka; kuli ayo mukukakatuka uta wa jita; kuli ayo mukukakatuka mukwa kuyula mweswe.

Mukanda Wa Zambi 1970

⁴ Mukachi ko mumukatuhuka akwa kuyula, ni tetekeli, ni miata a tujita waze maakayula atu jami.

Zakaria 10:4 Iomraidhean Croise

Ubutukilo 49:24

Hindu uta wenyi watwama ni tachi. Moko jenyi aatakamishine ku moko ja Mukwa-Ndundo wa Yakomba. (Kwenako mukukatuka mwe kafunga, lie liwe lia Izalele;)

Ezra 9:8

Haliapwila ha kamwe kashimbu hatwaha vumbi kuli Yehova Zambi yetu akatwehe amwe masalila akwomboka, akatwehe ngwe lumbambo muma mwenyi musandu, hanga Zambi yetu akatupangulwise meso jetu, akatwehe kuhuzuluka hakehe mu undungo wetu.

Miaso (Masamu) 118:22

Liwe lize alitunyine tungi, hilinapu lia helu lia mbango.

Izaya 19:13

Alemu a Zoane hanalumuka yihepuke; alemu a Nofe hanongoloka. Waze anapu mawe a ha mbango ja minyachi hanapiangula Engitu mu jila.

Izaya 28:16

Kashika Mwene Yehova kanambe ngwenyi, Talenu, ngunase yimwe fundamentu mu Zaione, liwe, liwe lia kweseka, liwe lilemu lia ha mbango, fundamentu ya ngú. Mweswe mafuliela kechi kalipupula.

Izaya 49:2

Wapwishile kanwa liami ngwe katana wa kuhela, mu Chizulie cha kwoko lienyi wanguswekele, wangupwishile ngwe mwivu wa kucheka, wanguswekele mu chindalo chenyi.

Izaya 54:16

Hinatanga fuli yoze wakuheha makala, akafule chikungo ha chikuma chacho. Hinatanga nawa chenyeke akanongese.

Jeremia 1:18

Ni yami, tala, ngunakupwisa musono chihunda cha kukolesa, kanda nguji lia utale, kanda ni yipanga ya unengu kulimika ni chifuchi cheswe. Mulimika ni mianangana ja A-Yunda, ni alemu jako, ni asasendote jako ni e atu a mu chifuchi.

Jeremia 51:20

Alioze yena uli muhato wami kanda chitwa cha jita; ni yena mungupatwola mavungu yipalupalu; ni yena mungwonwona mawanangana.

Zakaria 9:10

Temba lia jita mungukaliteta ku Eframe; kavwalu wa jita mungukamuteta ku Yerusaleme. Uta wa jita makautetako, mba iye kumakatumina sambukila ku mavungu. Chiyulo chenyi muchikapwa chize ku kalunga-lwiji ndo ku kalunga-lwiji; chize ku Lwiji ndo ku masongo a hashi.

Zakaria 9:8

Henaho mungukatwama ku zuwo liami ngwe kalayi, niamwe kechi kendako ngwe maswalale; niumwe mukwa kupinjisa makaakumba nawa mumu haliapwila ngunamono ni meso ja yami mwene.

Kwalula 24:17

Ngunamumono, ahoze hi haliapwila ko; ngunamutale, ahoze hi hakamwihi ko: Kumukuvumbuka Lutongonoshi wa kuli Yakomba, Lukanda kumakasoloka muli Izalele. Kumakalemeka ndusu mahuma ja A-Moape. Kumakanunguna ana eswe a Shete.

Mateu 9:38

Liumbenu kashika kuli Mwenya kucha, hanga atume akwa milimo aye ku kucha chenyi.

Luka 20:17

Alioze watalile meso kuli ayo, ngwenyi, Chino chinasonewa chika? Ngwo, Liwe lize alitunyine tungi, lienalio kuliapwa liwe lia helu lia mbango.

Efesu 2:20

Hanutungisa ha fundamentu ya apostolo ni aprofeta, Yesu Kristu mwene iye liwe lia lutwe lia ha mbango.

2 Timoteu 2:4

Swalale niumwe malilimba ni yuma ya mwono uno; hanga akapemene kuli yoze hanamusela ku uswalale.

1 Petulu 2:6

Mumu chinasonewa mu chisoneko ngwo, Talenu, mungusa mu Zaione liwe lia lutwe lia mbango, lia kutongola, lilemu; yoze mamufuliela kechi kevwa sonyi.

Usolwelo 17:14

Wano kumakasa jita ni mwe Mwana-panga, ni mwe Mwana-panga kumakaakumba, mumu iye Mwene wa ene, Mwanangana wa mianangana; ni waze ali hamwe nenyi, hanaatambika, aze hanaatongola, aze amwenemwene.

1 Samuel 14:38

Saulu yamba ngwenyi, Kundamenu kuno, enu miata eswe nunyingike, numone kuze kwapwa mulonga musono.