Zakaria 10:3 - MUKANDA USANDU WA ZAMBI 1975

³ Utenu wami unasasaminyina hali tufunga; mungulamba kastigu tusongo. Mumu Yehova-wa-Tujita kakusa mbunge yenyi hali mapanga jenyi, munyachi wa Yunda; kumakaapwisa ngwe kavwalu wa uhenya mu jita.

Mukanda Wa Zambi 1970

³ Mwene Zambi kanambe ngwenyi: “Yilambala waze akuyula atu jami nguneevwila ufwatulo, mungukaamwesa lamba. Ayuda kaali niami, yami, Mwene Zambi Mukwa Ndundo Jeswe, mungukaafunga. Maakabwa ngwe tuvwalu twami a tachi a jita.

Zakaria 10:3 Iomraidhean Croise

Jobe 39:25

Ha kuhiohia chitavwi kakulinga—Hoi! Kakuhumbika jita chipwe kusuku ni kukulunguza cha tupitau ni kukalumioka.

Kutuhuka 4:31

E atu afulielele mba muze evwile ngwo, Yehova te hanangisa A-Izalele, hamona luyinda wo, hohene yahetamisa mitwe yo nikuwayila.

Yishima 21:31

Kakululika kavwalu ha tangwa lia jita, alioze kuwaha chinakatuka kuli Yehova.

Mwaso Ubema Wahiana 1:9

Mukwa zango liami, ngunakumono ngwe kavwalu mu matemba ja Falau.

Izaya 10:12

Muze Mwene hamana milimo yenyi yeswe ha mulundu wa Zaione ni mu Yerusaleme kumakafwetesa kulisamba cha kulizata cha mwanangana wa Asuria ni kulengumuka chenyi cha kulifuza.

Izaya 24:21

Ha tangwa lize Yehova makafwetesa mbunga ya mwilu, mwilu, ni mianangana ja hashi, hashi.

Jeremia 10:21

Mumu tufunga kapwa yelo, kahulile kuli Yehova. Kashika kawahile mu milimo yo, ni mbunga yo yeswe ya mapanga hiyamwangana.

Jeremia 11:22

kashika Yehova-wa-Tujita kanambe ngwenyi, Mungwaaha kastigu. Akweze jo kumafwa ni katana, ni ana jo a malunga ni a mapwo kumafwa ni kapunga;

Jeremia 25:12

Mba ha kuhwa makumi shimbiali a miaka munguhana kastigu kuli mwanangana wa Babilonia ni vungu lienyi, chifuchi cha A-Kaletea, mumu ha uhenge wo, ni kupwisa chifuchi cha kwenyeka ndo ku miaka. Chocho kanambe Yehova.

Jeremia 25:34

Enu tufunga lilenu mbimbi, litetwokenu ni yenu miata ja mapanga lilangumunenu mu uto mumu matangwa a kunushiha ni kunumwanga haneza, mba munufwa ngwe kuji a mapanga a kusakula.

Jeremia 50:6

Atu jami te hanapu mapanga a kutoka. Tufunga two hanaahukisa, ni kwasongwela ha milundu. Hakatuka ku mulundu, haya ku mundundena; hanavulama limba lio.

Ezekiel 34:11

Mumu Mwene Yehova kanambe ngwenyi, Yami, yami mwene mungukahenguta hali mapanga jami nikwafupa.

Ezekiel 34:12

Ngwe kafunga kakufupa mapanga jenyi muze amwe hakachi ko kanamwangana, chocho mungukafupa mapanga jami; mungukaapulula kweswako hanamwanganyina ha tangwa lia malelwa ni milima pwi.

Ezekiel 34:2

Mwana mutu, profeteza kulimika ni tufunga twa Izalele. Profeteza wambe kuli ayo, kuli tufunga, ngwe, Mwene Yehova kanambe ngwenyi, Enu! Tufunga twa A-Izalele, enu nwakulilisa yenwene! Kuchatambile tufunga kulisa mapanga?

Daniel 11:32

Waze akulinga chipi ni usendo makaapepieka nikwahengesa; alioze atu aze ananyingika Zambi yo makatakama, makalinga.

Zefania 1:8

Mba ha tangwa lia chitapo cha Yehova— munguhana kastigu kuli akwa chiyulo ni ana ja mwanangana, ni waze eswe akuzala mazalo a tundaka.

Zefania 2:7

Mbaka muyipwa chihinga cha masalila ja munyachi wa A-Yunda kuze Analishila yimuna. Mu mazuwo ja Asekalone mapomba ha chingoloshi; mumu Yehova Zambi yo maewuluka ni kwahilwisa kuwaha cho.

Zakaria 11:17

Lamba kuli kafunga wamokomoko, yoze wakwehuka mapanga! Katana amulambe mu kwoko lienyi ni mu liso lienyi lia chindume! Kwoko lienyi likasosewe liakulu ni liso lienyi lia chindume Ukafwe liakulu.

Luka 1:68

Mwene Zambi ya Izalele afumane; mumu hanatale hali atu jenyi, hanaalingila ukule.

1 Petulu 2:12

Pwenu ni kwenda chenu ngwe chinate hakachi ka akwa mavungu: hanga chipwe manuhanjika ngwe akwa kulinga yipi, ku yitanga yenu yipema yize akumona, akachichimieke Zambi ha tangwa lia kukala ni lia kwononona.

Rute 1:6

Mba yakatuka ni atembwa-anenyi ahiluke ku chifuchi cha Moape mumu te hevwa mu chifuchi cha Moape ngwo, Yehova hanangisa atu jenyi, haaha kulia.