Zakaria 10:11 - MUKANDA USANDU WA ZAMBI 1975

¹¹ Makapalika ndusu mu kalunga-lwiji wa luyinda. Mikanya ya kalunga-lwiji muyikalambiwa, ni majinga eswe a Nilo makoma. Ulemu wa Asuria makaununguna, ni lukanda wa Engitu makachina.

Mukanda Wa Zambi 1970

¹¹ Muze maakazauka kalunga lwiji wo wa lamba yami, Mwene Zambi, mungukalamba ye miavu, mba majinga ja Nile maakoma. Aasuria, akwa kulengumuka, mungukaakehesa, yitakame mu Egiptu, tachi jo kumujikahwa.

Zakaria 10:11 Iomraidhean Croise

Ubutukilo 8:1

Alioze Zambi yewuluka Noe ni akwa mwono eswe ni yimuna eswe apwile hamwe nenyi mu ulungu. Zambi yapalikisa fuji hashi chocho meya ahuwile.

1 MIANANGANA 2:14

Yakwata hina lia Eliya lize hiliaholoka kuli iye, yalamba e meya, yamba ngwenyi, Yehova Zambi ya Eliya Ulihiye? Muze te halamba meya o yahandunuka sali ni sali, mba Elisha yapalika.

1 MIANANGANA 2:8

Mba Eliya yanda hina lienyi, yalivunga hamuwika, yalamba e meya. Meya yahandunuka sali ni sali, mba o aali yapalika ndusu ha mavu omu.

Ezra 6:22

Yafunga nawa chiwanyino cha mbolo kuyishi futunwiso matangwa shimbiali ni uwahililo. Mumu Yehova hanaahe uwahililo; hatewulwila mbunge ya mwanangana wa Asuria kuli ayo akatakamise moko jo mu milimo ya zuwo lia Zambi, mwe Zambi ya Izalele.

Miaso (Masamu) 114:3

Kalunga-lwiji wachimwene, yachina. Yordau wahilukile kunyima.

Miaso (Masamu) 114:5

Kuchi unevu, yena kalunga-lwiji hiwachina? Ena Yordau, mba wahiluka kunyima?

Izaya 14:25

Mungumakuna mwe Ka-Asuria mu chifuchi chami, mungumuliachila ha milundu yami; kanga yenyi muyiakatuka, ni chiteli chenyi muchikatuka ha yipaya yo.

Izaya 19:16

Ha tangwa lize A-Engitu mapwa ngwe mapwo. Machikima ni woma shimbu te kwoko lia Yehova-wa-Tujita kanda lichinyika hali ayo.

Izaya 43:2

Ha kupalika mu meya mungukapwa hamwe ni yena, ndusu mu njiji, kujichi kakukumba. Ha kwenda mu kahia kuchi kawema; mulengi wako kuuchi kakulalisa.

Izaya 44:27

Kakwamba ku kalunga-lwiji ngwenyi, Oma, munguumisa njiji je.

Izaya 51:10

Hi yena ko womishine kalunga-lwiji, meya ja mu jondo? Watengele mashima ja kalunga-lwiji jila hanga e kule akapalike.

Izaya 51:9

Kwoko lia Yehova, laula, laula uzale tachi. Laula ngwe ha matangwa a shakulu, ha yisemuko ya kushi. Te hi yena ko watetele Rahape tuyipinji? Hi yena ko watuwile ndragau?

Ezekiel 30:13

Mwene Yehova kanambe ngwenyi, Mungukonwona mahamba, mungukasulisa tuponya mu Nofe. Kumuchi kapwa nawa mulemu mu chifuchi cha Engitu; chocho mungukakolesa woma chifuchi cha Engitu.

Zefania 2:13

Kumakolola kwoko lienyi ku Norte nikwonwona Asuria; kumakapwisa Ninive ya hululu; chifuchi cha kwenyeka chau, ngwe puya.

Usolwelo 16:12

Mungelo wamuchisambano wamwangine musenge wenyi ha lwiji munene, ha Ufrateze; ni meya jenyi omine chau, hanga jila ya mianangana a ku chivumbuko cha tangwa yikalulike.