Zakaria 10:1 - MUKANDA USANDU WA ZAMBI 1975

¹ Etenu vula kuli Yehova ha kakweji wa vula musazu. Etenu kuli Yehova mukwa kutanga njaji mukwa kuhana vula wa samakwasa, mukwa kuhana mwambu mu chifuchi.

Mukanda Wa Zambi 1970

¹ Mwitenu Mwene Zambi anwehe vula musazu ha mwaka. Mwene Zambi mwe wakutuma malelwa a vula, mwe wakutatwishila atu eswe mwambu wa wisu.

Zakaria 10:1 Iomraidhean Croise

1 Yitanga Ya Mianangana 17:1

Eliya Ka-Tishibe wa hakachi ka njize ja mu Ngiliate yamba kuli Ahabe ngwenyi, Ni mwono wa Yehova Zambi ya Izalele yoze nakumana kumeso jenyi, kukuchi kapwa mume hanji vula ha miaka yino ndo ni liji liami.

Jobe 29:23

Angutwaminyinyine ngwe kakutwaminyina vula; apakwile makanwa jo ngwe ha vula musazu.

Miaso (Masamu) 104:13

Ku yipatulo ya mwilu kakuhinjila meya ha milundu; hashi kuhakuyuka ni yitanga ye.

Miaso (Masamu) 135:7

Kakwandula chishichishi ku masongo a hashi. Katutanga mihenyo ya vula. Kakuchiza fuji ku upite wenyi.

Miaso (Masamu) 65:9

Wakunangisa hashi nikuhinjilaho meya; wakuwahisaho chikolo. Lwiji wa Zambi kazala ni meya; wakwaaha tiliku muze hiwalulika hashi chocho.

Miaso (Masamu) 72:6

Kumakapwila ngwe vula ha mwambu wa kuteta, ngwe kavula ka kutuchikisa mavu.

Yishima 16:15

Mwono watwama mu pangu lia ku meso ja mwanangana; vumbi lienvi liapwa ngwe lelwa lia vula wa samakwasa.

Izaya 30:23

Iye kumakanwaha vula ha mbuto yize munukakuwa hashi, ni mbuto yize muyima ku mavu, mba muyipwa yipema ya kulumbama. Ha tangwa lize nawa yimuna jenu makalia ku ulilo unene.

Izaya 44:3

Mumu munguzukula meya ha chifuchi cha pwila, mungusa yitwetwe hashi homu. Munguzukula Spiritu yami hali ana je; munguzukula uwape wami hali waze mukasema.

Izaya 5:6

Munguupwisa puya, kechi kauteta hanji kuusangula, mba mikalale ni mingonga muyikasoka. Mungutumina malelwa kanda anokaho vula.

Jeremia 10:13

Muze mahiohiesa liji lienyi kwapwa lundunjila wa meya mu malilu. Kakwandula mbundu ku masongo a hashi. Kakutanga njaji ja vula; kakuchiza fuji ku machila jenyi.

Jeremia 14:22

Umwe hakachi ka mazambi aze a mahuza a mavungu mahasa kuneha vula? Te malilu ene mahasa kunokesa vula? Hi yena ko te, Yehova Zambi yetu? Tunatalatala kuli yena, mumu yena kuwakulinga yino yuma yeswe.

Jeremia 5:24

Kambile mu mbunge jo ngwo, Tuvwilenu woma Yehova Zambi yetu, yoze wakutwaha vula ha kangonde kenyi, vula wa samakwasa ni vula musazu, ni kakutufungila semana ja kufunjika ja kucha.

Jeremia 51:16

Muze matuhwisa liji lienyi kwakupwa kunuma cha meya mwilu, kakwandula mbundu ndo ku masongo a hashi. Kakutuma njaji ja vula, kakuchiza fuji mu mazuwo jenyi a kuswekela.

Ezekiel 34:26

Mungukaapwisa akwa kuwahisa akwo, ni yihela yeswe ya kujingilika mulundu wami mungukayipwisa yikwa kuwahisa. Mungukatuma vula ha mwaka wenyi, vula wa kuwahisa.

Ezekiel 36:37

Mwene Yehova kanambe ngwenyi, Chino nawa mungutayiza akwa munyachi wa Izalele akete kuli yami, ngukaokese malunga jo ngwe mbunga ya mapanga.

Hosea 10:12

Likuwilenu mbuto ya ululi; helenu mihuko ya utu wa zango; chipenu mavu aze helila; mumu mwaka wa kufupa Yehova hiweza hanga akeze nikununokesa ulamwino.

Hosea 6:3

Tunyingike, tuyenu kulutwe tunyingike Yehova. Kutuhuka chenyi cha pundu, ngwe kuvumbuka cha tangwa. Iye meza kuli yetu ngwe vula wa chehu; ngwe vula musazu yoze wakutuchikisa hashi.

Amose 4:7

Nanuminyine vula muze kwasala hindu tukweji atatu ku matangwa a kucha. Napwile nikutuma vula ha chihunda chimwe ni kukwika vula ha chihunda chikwo. Munda umwe watambwile vula; shimbu munda ukwo kuwatambwile mba womine.

Mika 5:7

Henaho masalila ja Yakomba makapwa hakachi ka mavungu anji ngwe mume wa kuli Yehova; ngwe vula ha mwambu yoze kazeyele kuli atu chipwe kutwaminyina atu.

Yoano 16:23

Ha tangwa lize kunuchi kanguhula nichimwe. Pundu, pundu, ngunambe kuli yenu ngwami, Cheswacho munwita kuli Tata mu jina liami, kumakanwahacho.

1 Korintu 3:6

Ami natumbile, Apolu wahinjilile; alioze Zambi watatwishile.

Shimbi 28:23

Lilu lienu lili helu lia mitwe yenu mulikapwa unengu, hashi hali kushi lia yenu muhakapwa utale.

Tiangu (Jake) 5:7

Kashika lihumikizenu, mandumbu, ndo ku kuheta cha Mwene. Talenu, njimi matalatala mihuko yilemu ya hashi, malihumikiza ndo muyitambula vula wa musazu ni vula wa samakwasa.