Zakaria 1:9 - MUKANDA USANDU WA ZAMBI 1975

⁹ Ami yingwamba ngwami, Aka aze, mwene wami? Mba mungelo yoze unahanjika ni yami yamba ngwenyi, Mungukulweza chize apwa.

Mukanda Wa Zambi 1970

⁹ Yingumuhula ngwami: “A mwata, tuvwalu wano kuchi analumbunuka?” Yangukumbulula ngwenyi: “Mungukulweza chize analumbunuka.

Zakaria 1:9 Iomraidhean Croise

Ubutukilo 31:11

Mba mungelo wa Zambi yamba kuli yami mu chilota chami ngwenyi, Yakomba. Ami namba ngwami, Yami uno.

Daniel 7:16

Yingukundama kuli umwe wa waze amanyineko; yingumuhula umwenemwene ha kutwala ku yino yeswe. Aye yangulweza, yangulumbunwina ye yuma.

Zakaria 1:13

Yehova aye yakumbulula ni maliji a vumbi ni kulembejeka kuli mungelo yoze te unahanjika ni yami.

Zakaria 1:19

Yingwamba kuli mungelo yoze unahanjika ni yami ngwami, Ajo jika? Aye yangukumbulula ngwenyi, Ajo je mbinga jamwangine Yunda, ni Izalele, ni Yerusaleme.

Zakaria 2:3

Mwe mungelo yoze te unahanjika ni yami yakundama, ni mungelo mukwo yakundama akatakane nenyi.

Zakaria 4:1

Mungelo yoze wahanjikile ni yami yeza nawa yangukasumuna, ngwe umwé yoze mamukasumuna ku tulo.

Zakaria 4:11

Yingwamba kuli iye ngwami, Mitondo yino yiali ya olevwe yili ha chindume cha ndeya ni ha chimeso, ayo kuchi yapwa?

Zakaria 5:5

Mba mungelo yoze wahanjikile ni yami yakundama, yamba ngwenyi, Hetula meso je umone. Chino chinayi, chika?