Zakaria 1:8 - MUKANDA USANDU WA ZAMBI 1975

⁸ Namona ha ufuku kumanyi umwe lunga kanende hali kavwalu muchila. Kanamana hakachi ka mitondo ya miluta mu mungulunga; kunyima yenyi te kunamana tuvwalu achila, ni a yipeka, ni atoma.

Mukanda Wa Zambi 1970

⁸ Yingumona kanganda ka Mwene Zambi kanende ha kavwalu muchila, yamana mukachi ka mitondo mirtre mu chikulo. Kunyima lienyi yikubwa tuvwalu akwo achila, ni ayibeka yibeka, ni atoma.

Zakaria 1:8 Iomraidhean Croise

Ubutukilo 20:3

Alioze Zambi yeza kuli Apimeleke mu chilota ha ufuku ngwenyi, Tala, uli mufu lume mumu hali pwo yoze watambulanga, mumu iye pwo lia mbala.

Ubutukilo 46:2

Zambi yahanjika ni Izalele ni usolwelo wa ufuku ngwenyi, Yakomba, Yakomba. Iye yamba ngwenyi, Yami uno.

1 Yitanga Ya Mianangana 3:5

Ku Ngibeone Yehova yasoloka kuli Solomone mu chilota ha ufuku. Zambi yamba ngwenyi, Eta cheswacho unazange; mungukwahacho.

Nehemia 8:15

ni chize chaatamba kufumanyisa ni mutambi mu yihunda yo yeswe ni mu Yerusaleme ngwo, Yénu ku mulundu nukanehe mitango ya olevwe, ni ya olevwe wa mu musenge, ni ya miluta, ni ya mingaji, ni ya mitondo yajika nukatunge yisakila nikulita ni chize asonekene.

Jobe 4:13

Mu manyonga a usolwelo wa ufuku muze tulo anji akwiza hali atu,

Mwaso Ubema Wahiana 2:16

Mukwa zango liami kapwa niwami, ni yami napwa niwenyi. Kakulisa mapanga jenyi hakachi ka yitemo ya lirio.

Mwaso Ubema Wahiana 6:2

Mukwa zango liami hapalumukina ku jardine yenyi, ku matumbo a tumbuto twa lupembo mupema, akalise mapanga jenyi mu jardine nikuheta yitemo ya lirio.

Izaya 41:19

Mu puya mungutumba mitondo ya sedru, ni mikesha, ni miluta, ni mitondo ya olevwe. Mungusa mu kango mitondo ya kupresu, ni muzunge, ni mupinyu hamuwika,

Izaya 55:13

Mitondo ya kupresu muyikasoka kusalakana mingonga, ni miluta muyikasoka kusalakana mikalale. Mba chino muchipwa kuli Yehova ngwe Chiwulwiso; chilayi cha mutolo kuchichi kapatuka.

Izaya 57:15

Mumu mwe Chitunda mukwa kunangama, mukwa kutunga kuma kwa mutolo, jina lienyi Musandu, kanambe ngwenyi, Kunatwama kuma kwanangama, kusandu. Natwama nawa ni mukwa spiritu ya kuhia ni kulikehesa, hanga ngukahuzulule Spiritu ya mukwa kulikehesa ni kuhuzulula mbunge ya mukwa kuhia.

Daniel 2:19

Henaho chijimbikilo achijimbwile kuli Daniel mu usolwelo ha ufuku. Kashika Daniel yahalisa Zambi ya mwilu.

Daniel 7:13

Namwene ha usolwelo wa ufuku, kumanyi hamwe ni malelwa a mwilu kwejile umwe ngwe mwana mutu; yakundama kuli mwe Mukulu-wa-Matangwa, yamusolola kuli iye.

Daniel 7:2

Daniel yamba ngwenyi, Namwene mu usolwelo wami ha ufuku, kumanyi fuji jiwana ja mwilu jinavundula kalunga-lwiji munene.

Zakaria 1:10

Kashika lunga yoze te unamana hakachi ka mitondo ya miluta yamba ngwenyi, Wano Yehova haatuma kwendeleza hashi.

Zakaria 1:11

Yakumbulula nawa kuli mungelo wa Yehova yoze unamana hakachi ka mitondo ya miluta ngwo, Hitwendeleza hashi heswe. Hashi heswe kuhanahwimi.

Zakaria 1:7

Ha tangwa makumi aali ni liamuchiwana lia kakweji kumi ni kashi (ngwami kakweji Shebate) mu mwaka wamuchiali wa Dariu, liji lia Yehova yiliza kuli profeta Zekaria mwana Mberekia, mwana Ido, mba Zekaria yamba ngwenyi,

Zakaria 13:7

Yehova-wa-Tujita kanambe ngwenyi, Yena katana, laula kulimika ni kafunga kami, kulimika ni yoze walikunda ni yami. Lamba kafunga, mapanga amwangane; mungutalikisa kwoko liami kulimika ni ana akepe.

Kwalula 12:6

Ngwenyi, Panjikenu maliji jami. Kachi profeta hwali hakachi kenu, yami Yehova kumungulisolola kuli iye mu usolwelo, kumunguhanjika nenyi mu chilota.

Yoshua 5:13

Muze te Yoshua ku Yeriku ali, yahetula meso jenyi kutala, kumanyi umwe tanga kanamana kumeso jenyi ni katana kenyi wa kutomona mu kwoko lienyi. Yoshua yakundama kuli iye ngwenyi, Ena uli ha sali lia yetu nyi uli ha sali lia akwa kole jetu?

Usolwelo 2:1

Kuli mungelo wa chikungulwila cha ku Efwesu Soneka ngwe, Yino yuma kanambe yoze wakukwata matongonoshi shimbiali mu kwoko lienyi lia chindume, yoze wakwenda mukachi ka yikwachilo shimbiali ya ndeya ya oru, ngwenyi,

Usolwelo 6:2

Namwene kavwalu mutoma, ni yoze watwamineho, kali ni uta wa kazenga; amuhele chipangula, iye watuhukile mukukumba, hanga akakumbe.

Usolwelo 6:4

Ni kavwalu mukwo muchila watuhukile: ahanyine kuli yoze watwamineho mukuchiza sambukila hashi, hanga akalishihe umwe ni mukwo ni mukwo; mba amuhele katana munene.