Zakaria 1:6 - MUKANDA USANDU WA ZAMBI 1975

⁶ Maliji jami ni yiyulo yami yize natumine kuli tuvumbi twami aprofeta te kuyawanyine tulamba twenu? Kashika yalikonyeka ngwo, Chizechene ngwe Yehova-wa-Tujita wanyongene kulinga ni yetu mumu ha majila jetu ni yitanga yetu, chochene hatulinga.

Mukanda Wa Zambi 1970

⁶ Nahanyine Shimbi jami ni maliji a kukanyamisa kuli tuvumbi twami akwa munanyi aalweze tushakulu twenu. Alioze yaalelesa, kashika yaamona lamba. Hohene yaalumuka ku mbunge, yaatayiza ngwo, yami Mwene Zambi Mukwa Ndundo Jeswe naamwesene lamba nikulita ni yitanga yo, ngwe chize nabatwile kulu.”

Zakaria 1:6 Iomraidhean Croise

1 MIANANGANA 15:12

Lie liji alie te lia Yehova kuli Jehu ngwenyi, Ana je kumakatwama ha ngunja ya Izalele ndo ku chisemuko chamuchiwana. Chocho chapwile.

Jobe 6:29

Litwaminenu kupatula ni uhenge. Litwaminenu, ululi wami nunasopesa.

Izaya 21:17

ni waze malisalaho a kuli ngashi a tachi ja ana ja Keta mapwa akehe wika, mumu Yehova Zambi ya Izalele hanachambe.

Izaya 44:26

kakukolesa liji lia kavumbi kenyi, kakulinga longeso lia mikeji jenyi; kakwamba ha kutwala ku Yerusaleme ngwenyi, Atu matwamamo; kakwamba ha kutwala ku yihunda ya Yunda ngwenyi, Kumuyikatungiwa; mungutungulula yize yapuzuka.

Izaya 55:1

Mweswawo uli ni pwilé! Eze ku meya. Yoze keshi mbongo, tweya ulande ukalie! Tweya ulande vinyu ni yamwa ni mbongo ka, ni ndando ka.

Izaya 55:11

chocho liji liami lize Kakutuhuka mu kanwa liami mulipwa; kulichi kuhiluka kuli yami mokomoko, alioze mulikalinga chuma chize ngunapale, mulikawaha mu milimo yize nalitumine.

Jeremia 23:20

Utenu wa Yehova kuuchi kahiluka kunyima ndo halinga ni kumanununa yize hapala mu manyonga jenyi. Ha matangwa a kusula muchinulumbunuka zwalala.

Jeremia 26:15

Alioze nyingikenu pundu nyi munungushiha munukoka hali yenu ni ha chihunda chenu ni atu jacho manyinga keshi chitela, mumu pundu Yehova wangutumine kuli yenu kuhanjika maliji ano eswe mu matwi jenu.

Jeremia 28:17

Mwaka uze wene ha kakweji wamuchishimbiali, profeta Hanania wafwile.

Jeremia 32:24

Milumba ya kuseleka hiyakundama ku chihunda kuchitambula, mumu ha katana, ni kapunga, ni chilungo chihunda chino hanachikunjika kuli A-Kaletea waze alinwa nacho. Chize wambile mba hichapwa, ni kumanyi unachimono.

Jeremia 36:28

Anda mukanda ukwo wa chivungo ukasonekemo maliji atangu aze eswe apwile ha mukanda utangu uze Jehoakime mwanangana wa Yunda hanocho.

Jeremia 39:16

Yako ukambe kuli Ka-Etiopia Ebedemeleke ngwe, Yehova-wa-Tujita, Zambi ya Izalele kanambe ngwenyi, Mungumanununa maliji jami a kutwala ku chihunda chino ha yuma yikalu, hi yuma yipema ko, mba kumakamanunuka kumeso je ha tangwa liacho.

Jeremia 4:4

Lipwisenu ngalami kuli Yehova; Chizenu misosha ya mbunge jenu, enu malunga a Yunda ni akwa Yerusaleme; kuchina ufwatulo wami muuvunduka ngwe kahia, nikulekwoka ni yoze makajima wakuhi, mumu ha upi wa yilinga yenu.

Jeremia 44:2

Yehova-wa-Tujita, Zambi ya Izalele kanambe ngwenyi, Hinwamona yikalu yeswe nakokele ha Yerusaleme ni ha yihunda yeswe ya Yunda. Musono hiyapwa ya hululu; niumwe keshimo wakuhi,

Jeremia 44:28

Waze kechi kafwa ni katana makakatuka ku chifuchi cha Engitu akahiluke ku chifuchi cha Yunda a piliwiji wika hanga masalila ja A-Yunda waze ejile kutwama mu chifuchi cha Engitu kumakanyingika liji lize mulikola shina nihami, nyi shina nilio.

Jeremia 44:29

Yehova kanambe ngwenyi, Chilayi mungunwaha cha kunulweza chize mungunwaha kastigu muno mwene hanga nukanyingike pundu maliji jami kumakakola kulimika ni yenu kunulinga yikalu.

Jeremia 44:6

Kashika ufwatulo wami ni utenu wami hinauzukula ni kuusambiza mu yihunda ya Yunda ni mu matapalo ja Yerusaleme. Ayo hiyalumuka yamokomoko ni ya hululu ndo tangwa lia musono.

Jeremia 5:14

Kashika Yehova, Zambi-ya-Tujita kanambe ngwenyi, Mumu o hanambe liji lino ami ngunapwisa maliji jami kahia mu kanwa lie, ni wano atu mapwa kunyi, ni kahia kumukaanongesa.

Lungungu 1:18

Yehova kanasambe, mumu nakolemene liji lienyi; alioze ivwenu enu mavungu eswe nukamone yikola yami. Anami a mapwo ni akweze jami hanayi funge.

Lungungu 2:17

Yehova halinga chize wapalile, halinga chize watowezele. Chizechene ngwe wafunjikile kushi, chocho hapuzula ni keke yakuhi. Hapwisa mukwa kole ni uwahililo helu lia yena, hanangamisa ndundo ja akwa kulimika je.

Lungungu 3:42

Hitwavulumuna, hitwakolema, ni yena kwatukonekenene.

Ezekiel 20:43

Kwenako munukewuluka ndako jenu ni yitanga yenu yeswe yize nwalichishile nayo, mba munukalivwila lwaji yenwene ha mukunda wa yipi yeswe hinwalinga.

Ezekiel 37:11

Mba iye yamba kuli yami ngwenyi, Mwana mutu, yifwaha yino we munyachi weswe wa Izalele. O kakwamba ngwo, Yifwaha yetu hiyoma; kutalatala chetu hichatoka; hanatutetaho ngwi.

Daniel 4:28

Chino cheswe chawanyine mwanangana Nabukanezore.

Hosea 5:9

Eframe muyalumuka ya hululu ha tangwa lia kastigu. Ngunatoweza chuma chize chinakolo hakachi ka minyachi ya Izalele.

Hosea 9:15

Yipi yo yeswe mu Ngilingali yili; kwenako naputukile kwavwila kole. Mungwahuma mu zuwo liami mumu ha ungulungulu wa yitanga yo. Chichi kwazanga nawa; alemu jo eswe kapwa akwa kukolema.

Amose 9:10

Yivulumunyi eswe a atu jami makafwa ni katana waze akwamba ngwo, Chipi kuchichi kutuwana chipwe kutakana ni yetu.

Zakaria 1:7

Ha tangwa makumi aali ni liamuchiwana lia kakweji kumi ni kashi (ngwami kakweji Shebate) mu mwaka wamuchiali wa Dariu, liji lia Yehova yiliza kuli profeta Zekaria mwana Mberekia, mwana Ido, mba Zekaria yamba ngwenyi,

Malaki 3:18

Henaho mba munuhandununa hakachi ka akwa ululi ni yingulungulu; hakachi ka mukwa kulingila Zambi ni yoze kamulingilile.

Kwalula 23:19

Zambi hi mutu ko ahanjike mahuza, ka; chipwe mwana wa mutu, alikonyeke, ka. Hamba chimwe chuma, kechi kuchilinga? Hanji hachihanjika chimwe chuma, mba kechi kuchimanununa?

Kwalula 32:23

Alioze nyi kunuchi kalinga chocho, kumanyi, nwavulumuna Yehova, nunyingike chamwenemwene, ngwami, shili yenu muyikanukumika.

Kwalula 33:56

Ngwami, Chizechene ngwe nanyongene kulinga kuli ayo, chocho mungukalinga kuli yenu.

Mateu 24:35

Lilu ni hashi kumuyikahwa, alioze maliji jami kechi kahwa nichimwe.

Shimbi 28:15

Nyi kunuchi kapanjika ku liji lia Yehova Zambi yenu, ni kukanyama kulinga shimbi jenyi jeswe, ni yiyulo yenyi ngunanwambeyo musono, mba mashingo ano eswe makapwa hali yenu, makanuwana.

Shimbi 28:2

Yiwape yino yeswe muyikapwa kuli yenu, muyikanuwana, kachi munupanjika ku liji lia Yehova Zambi yenu.

Shimbi 28:20

Yehova makanutuma shingo, ni kupinda, ni kwámbila, ku yuma yeswe munukalinga ni moko jenu, ndo makanwonwona, ndo munukakuwa washiwashi, mumu te ha yipi ya yilinga yenu, nwangwehukile nayo.

Shimbi 28:45

Mashingo ano eswe makapwa kuli yenu, makanuhanga, makanuwana, ndo makanwonwona, mumu te kunwapanjikile ku liji lia Yehova Zambi yenu, mukufunga maliji jenyi a shimbi, ni yiyulo yenyi iye wanwambile.

1 Tesalonika 5:4

Alioze yenu, mandumbu, kunushi mu milima, tangwa lize likanuwane ngwe mwiji.