Zakaria 1:3 - MUKANDA USANDU WA ZAMBI 1975

³ kashika amba kuli ayo ngwe, Yehova-wa-Tujita kanambe ngwenyi, Hilukenu kuli yami ni yami munguhiluka kuli yenu. Chocho kanambe Yehova-wa-Tujita.

Mukanda Wa Zambi 1970

³ alioze haliabwila ngunanwambe ngwami: Hilukenu kuli yami, mba ni yami munguhiluka kuli yenu.

Zakaria 1:3 Iomraidhean Croise

2 Sango Ja Mianangana 15:2

mba yaya kupatwiza Asa. Yamba kuli iye ngwenyi, Ngwivwenu, Asa ni A-Yunda ni A-Mbenjamine eswe; Yehova mapwa hamwe ni yenu nyi yenu munupwa hamwe nenyi. Nyi munumufupa munumuwana, alioze nyi munumwehuka iye manwehuka.

2 Sango Ja Mianangana 15:4

Alioze mu lamba lio muze alumukinyine kuli Yehova Zambi ya Izalele ni kumufupa, yamuwana.

Nehemia 9:28

Alioze muze hahwima alingile chipi nawa kumeso je, kashika waahichikile mu moko ja akwa kole jo akaayule. Hindu muze ahilukile nikuteta kuli yena mwilu waapanjikile, mba kanji kanji waapulwile nikulita ni keke ye.

Jobe 22:23

Nyi muhiluka kuli Mukwa-Ndundo-Jeswe makutungisa, nyi muchiza uhenge ku mazuwo je,

Izaya 31:6

Hilukenu nawa kuli yoze nwakolemene chikolo, enu atu ja Izalele.

Izaya 44:22

Hinajimuna utanguko we ngwe lelwa. Hinajimuna milonga ye ngwe mbundu. Hiluka kuli yami mumu nakukulile.

Jeremia 12:15

Alioze muchikapwa muze te hinaatukula munguhiluka, mungwavwila keke. Mungwaneha nawa mutu mweswe ku chihinga chenyi, mutu mweswe ku chifuchi chenyi.

Jeremia 25:5

Alumukenu eswe, ku ndako jenu jipi ni ku yitanga yenu yipi, nukatwame mu chifuchi chino Yehova hanwaha, kuli yenu ni kuli tulamba twenu chize ku shakulu ndo ku miaka.

Jeremia 3:1

Nyi mutu malakula pwo lienyi aye makatuka kuli iye, maya ulo weka, te mamuhilukila nawa? Chifuchi chize te kuchichi kupiha chikolo nyi chocho? Mba Yehova kanambe ngwenyi, Yena hiwalinga ukoi ni akwa kukuzanga anji; mba muhiluka nawa kuli yami?

Jeremia 3:22

Enu ana a mafwefwe hilukenu, mba munguwuka mafwefwe jenu. Tuneza kuli yena mumu uli Yehova Zambi yetu.

Jeremia 35:15

Hinatuma tuvumbi twami aprofeta eswe ni kulitwamina ka, ngwami, Alumukenu yenu eswe nukahichike mutu mweswe ndako jenyi jipi. Pemesenu yitanga yenu; kanda nukaula mazambi akwo nukaalingile, hanga nukatwame mu chifuchi chino nahanyine kuli yenu ni kuli tulamba twenu. Alioze kunwatelele matwi jenu, chipwe kungwivwa.

Jeremia 4:1

Yehova kanambe ngwenyi, Ena Izalele, nyi muhiluka chatamba kuhiluka kuli yami. Nyi muchiza yizelwokeso ye kumeso jami nikukakashana ka;

Ezekiel 18:19

Hindu munwamba ngwenu, Kuchi te mwana kechi kamona lamba ha uhenge wa tato? Nyi mwana halinga chize chinalite ni shimbi, Chinalulama; hatala kanawa akafunge yiyulo yami yeswe, aye kumakatwama ni mwono.

Ezekiel 18:31

Mbilenu Utanguko weswe uze hinwalinga kulimika ni yami, nukatambule mbunge jaha ni Spiritu jaha! Kuchi te munufwa, enu akwa munyachi wa Izalele?

Ezekiel 18:32

Mumu chishi kuwahilila ha kufwa cha niumwe, kashika alumukenu nukatwame ni mwono. Chocho kanambe Mwene Yehova.

Ezekiel 33:11

Amba kuli ayo ngwe, Mwene Yehova kanambe ngwenyi, Ni mwono wami, chevwile kuwaha ni kufwa cha chingulungulu. Ngunazange chingulungulu ahichike ndako jenyi atwame ni mwono. Alumukenu! Alumukenu! Katukenu ku ndako jenu jipi. Kuchi te nunazange kufwa, enu akwa munyachi wa Izalele?

Hosea 14:1

Enu A-Izalele, hilukenu kuli Yehova Zambi yenu, mumu hinwalimbuka ha mukunda wa uhenge wenu.

Hosea 14:4

Mungukawuka kukokoloka cho; mungukaazanga liakulu, mumu utenu wami hiwatewuluka kuli ayo.

Hosea 6:1

Tatuyenu tukahiluke kuli Yehova, mumu iye hatupapulula, mba iye matuwuka. Iye hatulamba, mba iye matukasakasa.

Joele 2:12

Hindu chipwe haliapwila Yehova kanambe ngwenyi, Tewulukilenu kuli yami ni mbunge jenu jeswe, ni kulitwamina kulia, ni kulila, ni kulishimwoka.

Malaki 3:7

Chize ku matangwa ja tulamba twenu hinwahambuluka ku shimbi jami, kunwaatungile. Hilukenu kuli yami, ni yami munguhiluka kuli yenu. Chocho kanambe Yehova-wa-Tujita. Alioze yenu nwakwamba ngwenu, Tuhiluke kuchi?