Zakaria 1:19 - MUKANDA USANDU WA ZAMBI 1975

¹⁹ Yingwamba kuli mungelo yoze unahanjika ni yami ngwami, Ajo jika? Aye yangukumbulula ngwenyi, Ajo je mbinga jamwangine Yunda, ni Izalele, ni Yerusaleme.

Mukanda Wa Zambi 1970

¹⁹ Yinguhula kanganda yoze te unahanjika ni yami ngwami: “Mbinga jino kuchi jinalumbunuka?” Yangukumbulula ngwenyi: “Mbinga jino jinalumbununa mavungu waze amwangine mu Yuda, ni Israele, ni Yerusaleme.”

Zakaria 1:19 Iomraidhean Croise

1 Yitanga Ya Mianangana 22:11

Zedekia mwana Chenana yalitungila mbinga ja utale. Yamba ngwenyi, Yehova kanambe ngwenyi, Munushinjika A-Seria ni mbinga ndo majimuka.

Ezra 4:1

Achi muze akwa kole ja A-Yunda ni A-Mbenjamine evwile ngwo, Atu ja ku unjize kanatungila tembele Yehova Zambi ya Izalele,

Ezra 4:4

Mba enya chifuchi ahongesele moko ja A-Yunda nikwahungumiona ha kutunga.

Ezra 4:7

Ha matangwa a Artasherke kwasonekene Bishalame, ni Miteredate, ni Tabiele, ni akwo masepa jo kuli Artasherke mwanangana wa Persia. Maletra apwile a limi lia Seria, ni maliji nawa mu limi lia Seria.

Ezra 5:3

Ha matangwa aze kwejile kuli ayo Tatenaia mukwa kuyula sali lize lia Lwiji, ni Shetare-bozena ni masepa jo. Yamba kuli ayo ngwo, Iya wanuhele chiyulo kutunga zuwo lino nikumanuna chipanga chino cha mawe?

Miaso (Masamu) 75:4

Nambile kuli akwa kulizata ngwami, Kanda nulizata. Kuli yingulungulu ngwami, Kanda nuhetula mbinga.

Miaso (Masamu) 75:5

Kanda nuhetula mbinga mwilu, kanda nuhanjika nikukalisa kota.

Jeremia 48:25

Lumbinga wa Moape hanamupatula; kwoko lienyi hiliamakuka. Chocho kanambe Yehova.

Daniel 12:7

Nevwile lunga yoze wa mazalo a linyu, uli helu lia meya a lwiji, muze hazoza kwoko lienyi lia chindume ni kwoko lienyi lia chimeso kwilu, walishingile ni yoze watwama ni mwono ku miaka ya mutolo ngwenyi, Kumuchi kapwa ha mwaka, ni miaka yiali, ni chihanda cha mwaka. Muze hamana kumakwona tachi ja atu asandu, mba yuma yino yeswe muyihwa.

Daniel 7:16

Yingukundama kuli umwe wa waze amanyineko; yingumuhula umwenemwene ha kutwala ku yino yeswe. Aye yangulweza, yangulumbunwina ye yuma.

Amose 6:13

Enu nwakuwahilila ni Lo-Devale nikwamba ngwenu, Te ni tachi ja yetwene kutwatambwile Karnaime?

Habakuke 3:14

Yiutuwa mitwe ya tujita twenyi ni mivu ye, waze te ejile ngwe chijimbi akangumwange. Te kanawahilila ngwe malia yiswale ku tenga.

Zakaria 1:18

Yinguhetula meso jami, yingumona mbinga jiwana.

Zakaria 1:21

Yingwamba ngwami, Wano aneza ni kulinga yika? Aye yakumbulula ngwenyi, Jize je mbinga jamwangine Yunda chocho niumwe kahashile kuhetuka; ni wano haneza kujikolesa mwongo, akanungune mbinga jize ja mavungu azundwile mbinga jo kulimika ni chifuchi cha Yunda nikuchimwanga.

Zakaria 1:9

Ami yingwamba ngwami, Aka aze, mwene wami? Mba mungelo yoze unahanjika ni yami yamba ngwenyi, Mungukulweza chize apwa.

Zakaria 2:2

Yingwamba ngwami, Kuli unayi? Aye yangukumbulula ngwenyi, Ngunayi mukweseka Yerusaleme, ngunyingike utohe wayo ni usuhe wayo.

Zakaria 8:14

Mumu Yehova-wa-Tujita kanambe ngwenyi, Chizechene ngwe napalile kulinga chuma chikalu kuli yenu muze tulamba twenu angwihile, ni yami chalikonyekene,