Zakaria 1:16 - MUKANDA USANDU WA ZAMBI 1975

¹⁶ Kashika Yehova kanambe ngwenyi, Hinahiluka ku Yerusaleme ni keke. Yehova-wa-Tujita kanambe ngwenyi, Zuwo liami malitungamo; muhipu wa kweseka mautachika ha Yerusaleme.

Mukanda Wa Zambi 1970

¹⁶ Kashika hinahiluka ku Yerusaleme hanga ngweevwile keke. Zuwo liami mungulilulika, ni lie limbo mungulitungulula.”

Zakaria 1:16 Iomraidhean Croise

Jobe 38:5

Iya wayulile cheseko chaho? Kwanyingikine? Iya watachikileho muhipu?

Izaya 12:1

Muwamba ha tangwa lize ngwe, Ngunakusakwilila Yehova, mumu chipwe watenukine ni yami, utenu we hiunakondoloka, hiwanguwumbijeka.

Izaya 34:11

Alioze toji ni chisekele machizuka; chikungulu ni chikwakwalo matungamo. Kumakachifunjika ni muhipu wa kutatajala; alemu jacho maeseka ni prumo ya ulumbuke.

Jeremia 30:18

Yehova kanambe ngwenyi, Munguhilwisa kuwaha cha mbalaka ja Yakomba; munguvwila keke mazuwo jenyi. Makatunga cheka nawa che chihunda ha mulumba wacho, ni zuwo lia mwanangana mulikamana kuze liapwile kushi.

Ezekiel 40:3

Ha kungutwalako, kumanyi kwapwile umwe lunga, kumutala ngwe kulifwa cha unengu. Kali ni muhipu wa linyu mu kwoko lienyi ni lumbungu wa kweseka nenyi; kanamana mu chikolo.

Ezekiel 47:3

Mwe lunga kanayi nikutalikisa ku Chivumbuko ni muhipu mu kwoko lienyi; yeseka kanunu ka mbandu mba yangusongwela ndusu mu meya, meya ndo ku tusendengele.

Ezekiel 48:35

Muchipwa cha kumi Ha tununu ni tununu nake a mbungu kweswe kwa kujingilika. Jina Iia chihunda chize ku tangwa lize mulipwa Yehova Mwali.

Hagai 1:14

Mba Yehova yashinjila Spiritu ya Zorobabele mwana Salatiele, nguvulu wa Yunda, ni Spiritu ya sasendote mukwa lutwe Yoshua mwana Jehozadake, ni Spiritu ya masalila eswe ja atu. Yeza; yahondangana milimo ku zuwo lia Yehova-wa-Tujita, Zambi yo,

Zakaria 10:6

Kumungukutakamisa munyachi wa Yunda; kumungukalamwina munyachi wa José. Mungukaahilwisa mumu ngunaavwila keke, mba makapwa ngwe chalitunyino, mumu yami nguli Yehova Zambi yo kashika mungukaakumbulula.

Zakaria 2:4

Yamba kuli iye ngwenyi, Zomboka uambe kuli yono mukweze ngwe, Yerusaleme muyipwa ni atu a kutwamamo ngwe yihunda yize kuyishi yipanga-ya-mawe, mumu ha kwokelamo cha atu ni yimuna.

Zakaria 2:5

Mumu Yehova kanambe ngwenyi, Yami mungupwa chipanga chayo cha kahia ka kujingilika; mungupwa nawa we uhenya muchima liayo.

Zakaria 2:6

Ivwenu! Ivwenu! Yehova kanambe ngwenyi, Chinenu chifuchi cha ku Norte. Mumu nanumwangine mwamwa ngwe fuji jiwana ja malilu. Chocho kanambe Yehova.

Zakaria 4:9

Moko ja Zorobabele hasa fundamentu ja zuwo lino, ni moko jenyi mwene malimanuna. Henaho mununyingika Yehova-wa-Tujita wangutumine kuli yenu.

Zakaria 8:3

Yehova kanambe ngwenyi, Mungukahiluka ku Zaione, mungukatwama hakachi ka Yerusaleme, mba makatongola Yerusaleme ngwo, Chihunda cha jika, ni mulundu wa Yehova-wa-Tujita, makautongola ngwo, Mulundu usandu.