Zakaria 1:15 - MUKANDA USANDU WA ZAMBI 1975

¹⁵ Ngunatenuka ni mavungu aze anatwama nikuhwima mumu natenukine hakehe wika alioze o awezele ku luyinda.

Mukanda Wa Zambi 1970

¹⁵ alioze mavungu waze anatwama kanawa mu uhwimino ngunaatenukina. Mumu muze nalihumikijine ni atu jami, e mavungu yaahungumiona kuhiana.

Zakaria 1:15 Iomraidhean Croise

Jobe 30:13

Kakwonwona jila yami, kakuweza ku kuji-ni-tomo liami; niumwe kaakanjishile.

Miaso (Masamu) 123:4

Mbunge jetu jazala tò ni lenyo lia waze anatwama kanawa, ni kusaula cha akwa kulengumuka.

Miaso (Masamu) 137:7

Yehova, iwuluka cha kulimika ni Endome, tangwa lia Yerusaleme, waze ambile ngwo, Puzulenu! Puzulenu! ni ye fundamentu yalio.

Miaso (Masamu) 69:26

Mumu kakuhungumiona yoze wamulamba yena. Kakwambulula chinyengo cha waze waalemeka yena.

Izaya 54:8

Ha kashimbu kakepekepe nakuswekelele meso jami ni ufwatulo umwe wa kuhungumuna, alioze ni zango lia mutolo mungukakuvwila keke. Chocho kanambe Yehova, Mukwa-Kukukula.

Jeremia 30:16

Kashika waze akukunongesa kumakanonga, akwa kole je eswe kumaya ku ufunge, e eswe lume. Waze mapunda upite we kumakaapunda. Waze eswe makupupa kumakapupiwa.

Jeremia 50:33

Yehova-wa-Tujita kanambe ngwenyi, A-Izalele kanaapinjisa, ni A-Yunda hamwe no. Waze eswe aakwachile funge, hanaakakaminya; kasolo kwatusula.

Jeremia 51:24

Mungufwetesa Babilonia ni waze eswe atwama mu Kaletea, kumeso jenu, ha yipi yeswe halinga mu Zaione. Chocho kanambe Yehova.

Ezekiel 26:2

Mwana mutu, mumu Teru wambile ha kutwala ku Yerusaleme ngwo, Oló! Chajilo cha atu hichafwa, hichangwazulukila. Iye hamwenyeka, kashika ami munguyuka,

Amose 6:1

Lamba kuli waze anatwama nikwoloka mu Zaione, ni waze anatwama kawape ha mulundu wa Samaria, malunga alemu a mavungu akwa lutwe, kuli ayo akwa munyachi wa Izalele kakuya.

Habakuke 3:12

Yiutangunukina hashi ni ufwatulo, nikuliata mavungu ni utenu.

Zakaria 1:11

Yakumbulula nawa kuli mungelo wa Yehova yoze unamana hakachi ka mitondo ya miluta ngwo, Hitwendeleza hashi heswe. Hashi heswe kuhanahwimi.

Zakaria 1:2

Yehova watenukine chikolo ni tulamba twenu

Zakaria 14:12

Yehova makalamba ni musongo mavungu aze eswe makasa jita ni Yerusaleme. Musunya wo muukapola shimbu anachimana ha molu jo; meso jo makapola mu mitwe yo; malimi jo makapola mu makanwa jo.

Zakaria 6:8

Mba yakololoka kuli yami ngwenyi, Waze hatalikisa ku chifuchi cha ku Norte hatulisa Spiritu yami ha chifuchi cha ku Norte.