Zakaria 1:13 - MUKANDA USANDU WA ZAMBI 1975

¹³ Yehova aye yakumbulula ni maliji a vumbi ni kulembejeka kuli mungelo yoze te unahanjika ni yami.

Mukanda Wa Zambi 1970

¹³ Neye yakumbulula mwe kanganda ni maliji a kuhuhumiona.

Zakaria 1:13 Iomraidhean Croise

Izaya 57:18

Hinamona ndako jenyi, alioze mungumuwuka. Mungumusongwela ni kumwononona ni kulembejeka, kuli iye ni kuli waze akumulilila.

Jeremia 29:10

Mumu Yehova kanambe ngwenyi, Muze makumi shimbiali a miaka hamanunuka ku Babilonia mungununangisa; mungumanununa kuli yenu chize nalakenyene. Mungunuhilwisa ku chifuchi chino.

Daniel 12:6

Umwe wambile kuli lunga yoze unazala mahina a linyu, yoze te unamana helu lia meya a lwiji ngwenyi, Miaka yingahi ndo ku songo lia yikomokeso yino?

Zakaria 1:9

Ami yingwamba ngwami, Aka aze, mwene wami? Mba mungelo yoze unahanjika ni yami yamba ngwenyi, Mungukulweza chize apwa.

Zakaria 4:1

Mungelo yoze wahanjikile ni yami yeza nawa yangukasumuna, ngwe umwé yoze mamukasumuna ku tulo.

Zakaria 8:19

Yehova-wa-Tujita kanambe ngwenyi, Kulitwamina kulia ha kakweji wamuchiwana, ni ha kakweji wamuchitano, ni ha kakweji wamuchishimbiali, ni ha kakweji wamuchikumi, yeswe muyipwa kuli akwa munyachi wa Yunda matangwa a uwahililo ni chiseke, ni yiwanyino ya maseho. Kashika zangenu umwenemwene ni sambukila.