Yuda 1:8 - MUKANDA USANDU WA ZAMBI 1975

⁸ Hindu chizechene ni wano nawa, ha kulota cho kakuchisa musunya, kakulelesa yiyulo, kakutuka e alemu.

Mukanda Wa Zambi 1970

⁸ Atu waze aliombele mukachi ketu, kaakulinga nawa chizechene. Yilota yize akulota yakwaha manyonga ha kuvulumwisa mijimba yo ene. Kaakusaula chiyulo cha Zambi, kaakushililika tunganda a mwilu alemu.

Yuda 1:8 Iomraidhean Croise

Ubutukilo 3:5

mumu Zambi kananyingika ngwenyi, Ha tangwa lize munuliako meso jenu malaula, munupwa ngwe Zambi, nikunyingika chipema ni chipi.

Kutuhuka 22:28

Kanda ukashililika Zambi. Chipwe kanda ukatuka mukwa kuyula atu je.

Yishima 30:11

Kuchili chisemuko chakutukana atato; keshi kuwahisa anaye.

Yishima 30:17

Liso lize liakuyunga tato, Kakulelesa lufumbo wa naye; yikwakwalo a mu chikulo makalitombongona; ana ja pupa makalilia.

Longeshi 10:20

Chipwe mu manyonga je kanda utuka mwanangana; chipwe mu chipatulo cha kupomba kanda utuka pichi; mumu kajila wa mu tetela mambata liji lie, hanji umwe mukwa mapulwa mambulula je pande.

Kwalula 16:3

Yalikungulula nikulimika ni Mose ni Arone, yamba kuli ayo ngwo, Hikwahwa ni yenu! Mumu akwa chikungulwila eswe asandu, mutu mweswe, Yehova hwali hakachi ko. Kuchi te nunalitangala helu lia mbunga ya Yehova?

Luka 11:25

Iye se heza, maliwana lia kukomba, lia kululika.

Luka 12:11

Muze manuneha kumeso ja masunangonga ni mianangana ni akwa kuyula, kanda nulipikala ha chize numukumbulula, hanji chize munukamba:

Luka 19:14

Alioze enya chifuchi chenyi amuvwilile kole, atumine tunganda kunyima yenyi, ngwo, Kutusolo yono kutuyula.

Yilinga 23:5

Paulu wambile ngwenyi, Chanyingikine ngwami, Iye sasendote mukwa lutwe; mumu chinasonewa ngwo, Kanda ukahanjika chipi hali mukwa kuyula atu je.

Yilinga 7:27

Alioze yoze walingile chipi kuli mwenyembo wenyi, wamuchinjile ngwenyi, Iya wakupwishile mukwa kuyula ni sopi hali yetu?

Yilinga 7:39

kuli iye tulamba twetu katayile kwononoka, alioze amuchinjile kuli ayo, atewulukilile kunyima mu mbunge jo ku Engitu.

1 Korintu 3:17

Kachi umwe malumbula tembele ya Zambi, kachi Zambi makamulumbula; mumu tembele ya Zambi yisandu, yenayo nunapu yenu.

1 Tesalonika 4:8

Kashika yoze malituna, malituna hi atu ko, alioze Zambi, yoze wakunwaha Spiritu yenyi Musandu.

1 Timoteu 1:10

ni yitanji, ni akwa utumwa, ni yikwachi, ni akwa mahuza, ni akwa kulishinga ni mahuza, nyi kachi muchipwa chuma chimwe chikwo cha kulimika ni longeso lingunu;

Hebreu 13:17

Ononokenu kuli waze apwa tusongo twenu, nukazeye kuli ayo: mumu kakulawoka ha mbunge jenu, chizechene ngwe waze makalumbununa kuli Zambi, hanga akalinge chino ni uwahililo, hi ni kutwa mikuma ko, mumu chino kuchichi kanufumbula.

1 Petulu 2:17

Lemesenu atu eswe, zangenu mandumbu, ivwenu woma kuli Zambi, lemesenu mwanangana.