Yuda 1:7 - MUKANDA USANDU WA ZAMBI 1975

⁷ Chizechene ngwe Sondome ni Ngomora, ni membo a kwajingilika, se chizechene ngwe wano alitumbikilile ku utanji, nikukaula musunya weka, hanaasela ngwe chilweza, ha kwivwa upatwilo wa kahia ka mutolo.

Mukanda Wa Zambi 1970

⁷ Iwulukenu chize alingile akwa Sodome ni akwa Gomora ni yihunda yakusulangana, chimuwika nawa ni chize alingile tunganda a mwilu. Yaalinga utanji, yaabwa ni ndako yibi ya uutu. Kaali mu lamba lia kahia ka miaka yeswe, chilweze chize chakutukanyamisa yetu eswe.

Yuda 1:7 Iomraidhean Croise

Ubutukilo 13:13

Alioze atu a mu Sondome yingulungulu, akwa kuvulumiona Yehova kuhiana.

Ubutukilo 18:20

Mba Yehova yamba ngwenyi, Mumu lufuma wa Sondome ni Ngomora munene; shili yo yapiha naye,

Ubutukilo 19:5

Yatambika kuli Lote ngwo, Malunga aze ezanga kuli yena ha ufuku kulihi ali? Utuneheno haze tukalimone no.

1 Yitanga Ya Mianangana 22:46

Akwa utumwa waze asalile ku matangwa ja tato Asa waachijile mu chifuchi.

Izaya 1:9

Nyi kachi Yehova-wa-Tujita katuhichikilile amwe akehe a kulisalaho, kachi twapwa ngwe Sondome, kachi twalumuka ngwe Ngomora.

Izaya 13:19

Babilonia, uhenya wa yifuchi yeswe, ulamba ni kulengumuka cha A-Kaletea, kumuyikapwa ngwe Sondome ni Ngomora muze Zambi wayinungwine.

Izaya 33:14

Woma hiweza hali yivulumunyi mu Zaione; yitanganyanyi kanachikima. Iya hakachi ketu mahasa kutwama ni kahia ka kulalisa? Iya hakachi ketu mahasa kutwama ni mbwemena ya miaka yeswe?

Jeremia 20:16

Au mutu akapwe ngwe yihunda yize Yehova wanungwine ni keke ka. Akevwe muteto ha chimene ni mutambi tangwa ha muchima,

Jeremia 50:40

Chizechene ngwe muze Zambi wanungwine Sondome ni Ngomora, ni yihunda ya kuyijingilika, chocho niumwe mutu matungamo, niumwe mwana mutu matwamamo njize. Chocho kanambe Yehova.

Lungungu 4:6

Mumu uhenge wa mwana wa pwo atu jami wahiana shili ya Sondome, yize ayinungwine susumuku ni kusaho kama kwoko ka.

Hosea 11:8

Ena Eframe, kuchi munguhasa kukwecha? Ena Izalele, kuchi munguhasa kukukunjika? Kuchi munguhasa kukupwisa ngwe Andama? Kuchi mungukulinga ngwe Zepoime? Mbunge yami kuyatayile muchima; keke yami yinaliwezela chivukuminya ni vumbi.

Amose 4:11

Nanungwine amwe hakachi kenu ngwe Zambi wanungwine Sondome ni Ngomora, ni yenu nwapwile ngwe lukunyi wa kuchanga mu mbwemena. Hindu kunwahilukile kuli yami. Chocho kanambe Yehova.

Mateu 10:15

Pundu ngunambe kuli yenu ngwami, Kumuchikapwa chashi ha chifuchi cha Sondome ni Ngomora ha tangwa lia upatwilo, kumuchikapwa chikalu ha limbo lize.

Mateu 11:24

Alioze ngunambe kuli yena ngwami, Kumuchikapwa chashi ha chifuchi cha Sondome ha tangwa lia upatwilo, chikalu hali yena.

Mateu 25:41

Hohene makamba nawa kuli waze ali ku chimeso ngwenyi, Katukenu kuli yami, yenu kunwashingiwa, nuye ku kahia ka mutolo kaze alulikile hali Ndiapu ni angelo jenyi.

Luka 17:29

alioze ah tangwa lize Lote watuhukile mu Sondome kwanokene kahia ni fundanga mwilu, chonwene eswe;

1 Korintu 6:9

Hanji kunwanyingikine yihenge kechi kahinga wanangana wa Zambi. Kanda nulionga: chipwe mapangala, chipwe akwa kukombelela mahamba, chipwe yitanji, chipwe akwa luchisa, chipwe akwa utumwa,

Shimbi 29:23

Chifuchi cheswe chapwa fundanga, ni mungwa, ni mbwemena, chifuchi kachikuwile ni mbuto, kuchemine, chipwe mwambu niumwe kuwasokelemo, ngwe apupile Sondome ni Ngomora, ni Andama, ni Zepoime, Yehova wayipupile ni utenu wenyi, ni ufwatulo wenyi.

2 A-TESALONIKA 1:7

ni kuli yenu, kananupinjisa, munukahwima hamwe ni yetu, ha usolwelo wa Mwene Yesu mwilu hamwe ni angelo ja tachi jenyi,

2 A-TESALONIKA 1:8

mu kahia ka kulekwoka, akakale milonga ya waze kanyingikine Zambi, ni waze keshi kwononoka ku sango lipema lia Mwene wetu Yesu.

2 Petulu 2:2

Ni anji kumakakaula yilinga yo ya ujila; mumu hali ayo makashililika jila ya umwenemwene.

2 Petulu 2:6

Wajindwolele membo ja Sondome ni Ngomora ku uto, waahishile ni kupupa, se waapwishile chilweza kuli waze menda ni utanganyanyi.

2 Petulu 3:7

Alioze malilu aze a haliapwila, ni hashi, ku liji limuwika hanayitulikila kahia, kanayifungu ndo ku tangwa lia upatwilo ni kwonwona cha yitanganyani.