Yuda 1:4 - MUKANDA USANDU WA ZAMBI 1975

⁴ Mumu amwe atu aliombele nikunjila ku tenga, waze ku shakulu aavulukile Shimbu-kanda ha uhiso uno, yitanganyanyi, waze akwalumuna vumbi lia Zambi ujila, kakulikata Mwata wetu umuwika, kanda Mwene wetu Yesu Kristu.

Mukanda Wa Zambi 1970

⁴ Mumu amwe atu abi aliombele ni kunjila mukachi ketu, alioze te kutwanyingikine ngwetu, haananjila. Kaakwalumuna liji liakutwala ku utu wa Zambi yetu hanga alisambise ku utanji wo. Kaakwehuka Yesu Kristu, Mwata wetu umuwika, kanda Mwene wetu. Mukanda wa Zambi hiunahanjika munanyi shimbu kanda ngwo, maakamona lamba, ni haalimona kulu.

Yuda 1:4 Iomraidhean Croise

2 Samuel 22:5

Mikanya ya kufwa yangujingilikile, masanga a ungandangali angukolesele woma.

Miaso (Masamu) 1:1

Kawaha mutu yoze keshi kwenda mu chiyulo cha yingulungulu, keshi kumana mu jila ya yivulumunyi, keshi kutwama mu chitwamo cha akwa kulenya.

Miaso (Masamu) 62:2

Iye wika kapwa liwe liami kanda ulamwino wami. Iye kaposhi kami musuku, kashika chichi kukokoloka chikolo.

Mateu 13:25

alioze shimbu atu apwile mu tulo, mukwa kole yenyi wejile nikukuwa mwambu wamokomoko hakachi ka tiliku, mba wayile kwenyi.

Yoano 17:3

Uno we mwono wa mutolo, hanga akanyingike yena mwe Zambi wamwenemwene umuwika, ni Yesu Kristu yoze yena wamutumine.

Yilinga 11:23

Iye, muze ahetele, ha kumona vumbi lia Zambi, wawahililile; waashinjile eswe hanga ni mbunge yeswe alalaminye kuli Mwene.

Yilinga 15:24

Mumu te hitunevu ngwo, Amwe a kukatuka kuli yetu, hananupikala ni maliji, nikulumbula mbunge jenu, ngwo, Chanutamba kupwa ngalami, nukatunge shimbi, alioze yetu kutwaahele poko niyimwe.

Galashia 2:4

Alioze mumu hali mandumbu a kwonga aanjishile ku tenga, eno anjilile ku tenga mukutala ngwe ngendeshi utuswilo uze tuli nawo muli Kristu Yesu, hanga akatutwale ku undungo;

Galashia 5:13

Mumu anutambikile, mandumbu, nukatusuke; chino wika, kanda nukalumuna kutusuka chenu kaliongelo ka kulingila musunya, alioze ku zango lilingilenu umwe ni mukwo.

Efesu 4:14

hanga kutuchi kapwa ana-akemba nawa, ngwe tukahunguke ni mikanya ni kuhungumioka kweka ni kweka ni fuji yeswe ya longeso, ku kwonga cha atu ni unjiliji nikulita ni maliji a kuhengesa;

1 Timoteu 5:8

Alioze kachi umwe keshi kulisa atu jenyi mwene, ni kuhiana chikolo akwa zuwo lienyi, kachi hanalikate Ufulielo, kapiha kuhiana yoze keshi kufuliela.

2 Timoteu 2:12

Kachi mutunyongonona mu lamba kachi mutukayula hamwe nenyi nawa: kachi mutulikala iye, kachi iye nawa makalikala yetu.

2 Timoteu 3:6

Hakachi ko kwali waze akuliomba nikunjila mu mazuwo, akatwale ku ufunge mapwo a kuhepuka, a kulemewa ni milonga, kanahunguka ku usolo weka ni weka.

1 Petulu 2:16

Ngwe akwa kutusuka, aiioze kanda nutenga kutusuka chenu chifuko cha uhuka, aiioze ngwe ndungo ja Zambi.

1 Petulu 2:8

Chikwo ngwo, liwe lia kuhukanyisa, ni luliwe lwa kutalingisa; mumu kakuhukana ku liji, se keshi kwononoka: ku chize aatongwelele.

1 Petulu 4:18

Nyi kachi muchikapwa chikalu hali mukwa ululi kulilamwina, kulihi chitanganyanyi ni chivulumunyi makasoloka?

2 Petulu 2:10

aiioze kuhiana chikolo waze akwenda nikulita ni musunya ni usolo wa luchisa, akulelesa ulemu. Akwa kuhunuka, akwa pami, keshi woma wa kutuka alemu.

2 Petulu 2:7

Wapulwile Lote, mukwa ululi, wamwene lamba ku kwenda cha ujila cha yingulungulu;

2 Petulu 3:7

Alioze malilu aze a haliapwila, ni hashi, ku liji limuwika hanayitulikila kahia, kanayifungu ndo ku tangwa lia upatwilo ni kwonwona cha yitanganyani.

1 Yoano 2:22

Iya mukwa mahuza shina yoze malikala ngwenyi, Yesu hi Kristu ko? Yono mwe mukwa kulimika ni Kristu, te yoze malikala ni mwe Tata ni mwe Mwana.

Yuda 1:15

mukulinga upatwilo hali eswe, mukukumika yitanganyanyi eswe ha yitanga yo yeswe ya utanganyanyi, yize alingile ni utanganyanyi, ni ha yuma yeswe yikalu yize yivulumunyi a utanganyanyi hanahanjika ya kulimika nenyi.

Yuda 1:18

ngwe ambile kuli yenu ngwo, Ha mwaka wa kusula kumukukapwa akwa kukekuna, waze akwenda nikulita ni usolo wo ene wa utanganyanyi.

Usolwelo 15:4

Mwene, iya kechi kakuvwila woma, iya kechi kuchichimieka jina lie? Mumu yena wika uli musandu; mumu mavungu eswe kumakawayila kumeso je; mumu yilinga ye ya ululi hanayisolola.