Yuda 1:3 - MUKANDA USANDU WA ZAMBI 1975

³ Akwetu a zango, shimbu nalipupwishile kusoneka kuli yenu ha kutwala ku ulamwino wa eswe aali, niwenu kanda niwetu, te changutamba kusoneka kuli yenu, ni kunushinjila kulitachika chikolo ha ufulielo uze aukunjikile kuli asandu kamuwika kunahu.

Mukanda Wa Zambi 1970

³ Akwetu, nasele tachi kuhiana kunusonekena hakutwala ku ulamwino uze atulamwinyine yetu eswe. Alioze haliabwila ngunamono ngwe chinalite kunusonekena ha kunutakamisa mu kulitachika chikolo ha ufulielo uze Zambi atuhele yetu akwa Kristu chisuho chimuwika ha miaka yeswe.

Yuda 1:3 Iomraidhean Croise

Nehemia 13:25

Yingulitachika no, nikwashinga, nikulamba amwe, ni kusuta kambu jo, nikwashingisa ni Zambi ngwami, Kunuchi kuhana anenu a mapwo kuli anó a malunga, chipwe kumbata anó a mapwo hali anenu a malunga hanji hali yenwene.

Izaya 45:17

Alioze Yehova kakulamwina A-Izalele ni ulamwino wa mutolo. Enu kunuchi kevwa sonyi chipwe kutatajala ku miaka ya mutolo.

Izaya 45:22

Tewulukilenu kuli yami akanulamwine, enu eswe mu masongo a hashi! Mumu yami nguli Zambi, kukushi mukwo.

Jeremia 9:3

Kakunana malimi jo ngwe uta; mahuza hakola mu chifuchi, hi umwenemwene ko. Kakuya chize ku chipi chimwe ndo ku chipi chikwo, kangunyingikine. Chocho kanambe Yehova.

Yilinga 17:3

Nikulumbununa pundu nikulweza ngwe chatamba Kristu kwivwa lamba, nikuhinduka hakachi ka afu; ngwenyi, Yono Yesu ngunanwambulwilayo, iye mwe Kristu.

Yilinga 18:28

Mumu wakumikine chikolo A-Yunda, ni chize kumeso ja atu eswe, nikulweza ku Yisoneko Yesu iye mwe Kristu.

Yilinga 20:27

Mumu chalitwaminyine kwambujola kuli yenu mana eswe a Zambi.

Yilinga 28:28

Nyingikenu kashika ulamwino uno wa Zambi hiunatumiwa kuli akwa mavungu: o nawa kumakevwa.

Yilinga 4:12

Ulamwino wakuhi muli mukwo niumwe: mumu chipwe jina lieka liakuhi kushi lia lilu, nilimwe, lize hanalihana hakachi ka atu, chatutamba kulilamwina nalio.

Yilinga 6:7

Mba liji lia Zambi liafumanyine; tumbaji okele kuhiana mu Yerusaleme; mbunga yinene ya asasendote ononokene ku Ufulielo.

Yilinga 9:13

Ananiya wakumbulwile ngwenyi, Mwene, hingunevu kuli anji ha kutwala kuli yono lunga, ngwe yipi yinji chikolo hanalingi kuli asandu je ku Yerusaleme:

Yilinga 9:22

Alioze Saulu wahianyine ni tachi, watupiekesele A-Yunda waze atwamine ku Ndamaseku, nikwasolwela yinyingi ngwenyi, Yono mwe Kristu.

1 Korintu 15:3

Mumu nanukunjikile hatangu chize nawa yami natambwile, ngwe Kristu wafwilile milonga yetu nikulita ni yisoneko;

Galashia 2:5

o kutwaatayijile, ngwe kulizeyesa, ka, chipwe ha ola yimuwika; hanga umwenemwene wa sango lipema ukatwame hamwe ni yenu.

Galashia 3:28

Kukushi Ka-Yunda hanji Ka-Ngresia, kukushi ndungo hanji mwenya chifuchi, kukushi lunga hanji pwo; mumu yenu eswe nunapu umuwika muli Kristu Yesu.

Galashia 6:11

Talenu sona jipwapwa haha ngunasoneka kuli yenu ni kwoko lia yami mwene.

Efesu 1:1

Yami Paulu, postolo wa Kristu Yesu ku upale wa Zambi, Kuli asandu waze ali ku Efwesu, amwenemwene muli Kristu Yesu:

Shimbi 21:9

Chocho munukatwisa manyinga a kusamba mukachi kenu, ha kulinga chize chinate kumeso ja Yehova.

Shimbi 9:10

Yehova yakunjika kuli yami ye mikanda yiali ya mawe ya kusoneka ni munwe wa Zambi, kwasoneweneho nikulita ni maliji eswe Yehova wambile kuli yenu ha mulundu, liji Unatuhuka mukachi ka kahia, ha tangwa lia chikungulwila.

Filipu 1:1

Yetu, Paulu ni Timoteu, ndungo ja Kristu Yesu. Kuli asandu muli Kristu Yesu, waze atwama mu Fwilipu, hamwe ni tulayi ni tuvumbi:

Filipu 1:27

Chino wika, kwenda chenu chikapwe ngwe chinatela sango lipema lia Kristu: hanga chipwe mungwiza ni kunumona, chipwe chishiko, ngukevwe ha kutwala kuli yenu, ngwe nwakumana ngú, ni kunyonga chimuwika, ni mbunge yimuwika, nikulinjika hamuwika ha Ufulielo wa sango lipema.

Kolosu 1:2

Kuli asandu kanda mandumbu amwenemwene muli Kristu, waze atwama mu Kolosu: Vumbi kuli yenu ni sambukila ya kuli Zambi Tata.

1 Tesalonika 2:2

alioze se twevwile lamba kunyima, kuze atulingile chipi, chizechene ngwe nunanyingika, mu Fwilipu, twahamukine muli Zambi yetu kuhanjika kuli yenu sango lipema lia Zambi, hamwe ni kulitachika chinji.

1 Timoteu 1:18

Shimbi yino ngunakukunjikayo, mwanami Timoteu, nikulita ni uprofeto wa kutwala kuli yena, hanga ukase nawo jita yipema.

1 Timoteu 6:12

Litachike kulitachika chipema cha Ufulielo, kwata ku mwono wa mutolo, uze akutambikilile, ni yena watayijile kutayiza chipema kumeso ja yela anji.

2 Timoteu 1:13

Lalaminya ku cheseko cha maliji angunu aze hiunevu kuli yami, ni Ufulielo ni zango, yize yili muli Kristu Yesu.

Titu 1:4

Kuli Titu, mwanami pundu mu Ufulielo wa eswe aali, niwe kanda niwami: Vumbi ni sambukila ya kuli Zambi Tata ni Kristu Yesu Chilamwina chetu.

Hebreu 13:22

Alioze ngunaliumbu kuli yenu mandumbu, lihumikizenu ni liji lia kushinjila: mumu ngunasoneka kuli yenu ni maliji akehe.

Hebreu 6:9

Alioze tunakunuka yuma yipema yahiana yino ha kutwala kuli yenu, akwetu a zango, ni yuma ya kulikaula ni ulamwino, chipwe tunahanjika chocho.

1 Petulu 5:12

Ku kwoko lia Selevwanu, ndumbu wamwenemwene, chocho ngunamumono, hinasoneka kuli yenu ni maliji akehe, nikushinjila nikushindakenya chikolo ngwami, Lino lie vumbi liamwenemwene lia Zambi: manenumo ngú.

2 Petulu 1:1

Yami Semone Petulu, ndungo kanda postolo wa Yesu Kristu, Kuli waze hanazuku Ufulielo ulemu wa kulita ni uze niwetu, ku ululi wa Zambi yetu kanda Chilamwina Yesu Kristu:

2 Petulu 2:21

Mumu hapwa hali ayo kachi kanyingikine jila ya ululi, shina, muze te hayinyingika, kuchinduluka ku liji lisandu lia shimbi lize aakunjikile.

Yuda 1:1

Yami Yundase, ndungo ya Yesu Kristu, kanda mwanakwo wa Tiangu, Kuli waze hanaatambika, kanaazange muli Zambi mwe Tata, kanaafungu hali Yesu Kristu:

Yuda 1:17

Alioze yenu, akwetu a zango, iwulukenu maliji aze ahanjikile kushi ku makanwa ja apostolo ja Mwene wetu Yesu Kristu;

Yuda 1:20

Alioze yenu, akwetu a zango, lijikijilenu ha Ufulielo wenu usandu wahiana, nikulemba muli Spiritu Musandu.

Usolwelo 12:11

O amukumbile, mumu ha manyinga ja Mwana-panga, ni mumu ha liji lia Shindakenyo yo; kalemesene mwono wo, ewa chipwe ndo ku kufwa.

Usolwelo 2:10

Kanda ukevwa woma wa yuma yize munuyivwila lamba: Ndiapu mambila amwe a kuli yenu mu zuwo lia ususu, hanga akanweseke, mba munukapwa ni luyinda kumi lia matangwa. Pwako mukwa jika ndo ku kufwa, mba mungukakwaha chipangula cha mwono.