Yuda 1:20 - MUKANDA USANDU WA ZAMBI 1975

²⁰ Alioze yenu, akwetu a zango, lijikijilenu ha Ufulielo wenu usandu wahiana, nikulemba muli Spiritu Musandu.

Mukanda Wa Zambi 1970

²⁰ Alioze yenu, akwetu, takamenu mu ufulielo wenu wa kulinanga, lembenu ni tachi ja Mwiku wa Linanga,

Yuda 1:20 Iomraidhean Croise

Zakaria 12:10

Mungukazukula ha munyachi wa David ni hali akwa Yerusaleme Spiritu ya vumbi ni kulembela. Kumakahulikila meso yoze amutuwile. Kumakalishimwoka hali iye ngwe mutu kakulishimwoka hali mwanenyi wa lunga wa wika. Makamuvwila chinyengo ngwe chinyengo chize cha mutu hali mwanenyi mutangu.

Yilinga 15:9

kapwishile kulipalikila hakachi ketu ni ayo, alioze wapemesene mbunge jo ku Ufulielo.

Yilinga 26:18

Mukulawisa meso jo, hanga akatewuluke ku milima ndo ku pangu, ku tachi ja Satana ndo kuli Zambi, hanga akatambule ukonekeno wa milonga, ni chihinga hakachi ka waze hanaasela ku usandu ku Ufulielo kuli yami.

Yilinga 6:7

Mba liji lia Zambi liafumanyine; tumbaji okele kuhiana mu Yerusaleme; mbunga yinene ya asasendote ononokene ku Ufulielo.

Yilinga 9:31

Chocho chikungulwila mu Yundeya mweswe ni Ngalileya ni Samaria ahwimine, alikolezele; endele mu woma wa Mwene ni mu kulembejeka cha Spiritu Musandu, mba okele.

A-ROMA 15:2

Mutu ni mutu wa kuli yetu, awahise mwenyembo wenyi nikumulinga yipema mukumukolesa.

A-ROMA 8:15

Mumu yenu kunwatambwile Spiritu ya undungo cheka nawa mukwivwa woma; alioze nwatambwile Spiritu ya kunupwisa ana, yoze twakuteta nenyi ngwetu, Ta-ta, Tata.

1 Korintu 1:8

Yoze nawa kumakanukolesa ndo ku songo, hanga nukasambe ha tangwa lia Mwene wetu Yesu Kristu.

1 Korintu 10:23

Kuli yami yuma yeswe yinalite ni shimbi; alioze yuma yeswe kuyishi kufumbula; yuma yeswe yinalite ni shimbi hali yami; alioze yuma yeswe kuyishi kukolesa.

1 Korintu 14:15

Mba kuchi? Mungulemba ni Spiritu, mungulemba ni kunyonga nawa: mungwimba uhaliso ni Spiritu, mungwimba uhaliso ni kunyonga nawa.

1 Korintu 14:26

Mba kuchi, mandumbu? Muze munukunguluka, mweswe wa kuli yenu mwaso ali nawo, longeso ali nalio, usolwelo ali nawo, limi ali nalio, ulumbunwiso ali nawo. Alinge yuma yeswe mukukolesa.

Galashia 4:6

Mba se nuli ana, Zambi hanatumu Spiritu ya Mwanenyi mu mbunge jetu, kanatambika ngwenyi, Ta-ta, Tata.

Efesu 4:12

kululika asandu ha milimo ya uvumbiko, mukukolesa mujimba wa Kristu,

Efesu 4:16

Kuli iye we mujimba weswe wakusepekenya nikununga, ni chize makonekeno eswe akuhana, nikulita ni cheseko cha kulinga cha chihanda cheswe, chakuweza ku kulitatwisa cha mujimba wene mu zango.

Efesu 4:29

Liji lia kupihisa nilimwe kanda lituhuka mu makanwa jenu, alioze lize Unapeme ha kukolesa, nikulita ni chize muchitamba, hanga Ukahane vumbi kuli waze akwivwa.

Efesu 6:18

Lembenu matangwa eswe ni kuliumba cheswe ni kuliondela cheswe muli Spiritu, nikulayilako, ni kunyongonona cheswe, nikuliumba hali asandu eswe.

Kolosu 2:7

nukatande miji, nukondomoke muli iye, nukalikoleze mu Ufulielo wenu, chizechene ngwe anulongesele, nikulumbama mu kusakwila.

1 Tesalonika 5:11

Kashika lishinjilenu umwe ni mukwo, likolesenu umwe ni umwe, chizechene ngwe nwakulinga.

1 Timoteu 1:4

Chipwe kanda apanjika ku yishima yamokomoko, ni kujichika miya yize kuyishi songo, yenayo kuyakuneha mbandanga, alioze kuyishi kusenyesa kulutwe uselo wa Zambi, uze uli mu Ufulielo.

2 Timoteu 1:5

ha kwiwuluka Ufulielo uze kuushi ulembekese, uze uli muli yena; uze wene watwamine hatangu muli kakenu Loye, ni muli noko Uhise mba ngunakunuka ngwami, Watwama muli yena nawa.

Titu 1:1

Yami Paulu, ndungo ya Zambi, kanda postolo wa Yesu Kristu, nikulita ni Ufulielo wa waze a kutongola kuli Zambi, nikulita ni yinyingi ya umwenemwene uze wakulita ni uwayilo;

Tiangu (Jake) 2:22

Unamono ngwe Ufulielo wenyi walingile hamwe ni yitanga yenyi, ngwe ku yitanga apwishile Ufulielo wenyi ungunu.

2 Petulu 1:1

Yami Semone Petulu, ndungo kanda postolo wa Yesu Kristu, Kuli waze hanazuku Ufulielo ulemu wa kulita ni uze niwetu, ku ululi wa Zambi yetu kanda Chilamwina Yesu Kristu:

1 Yoano 5:4

Mumu mweswawo masemuka kuli Zambi, makumba hashi: ni chino che kukumba chize hichinakumbu hashi, te Ufulielo wetu.

Yuda 1:3

Akwetu a zango, shimbu nalipupwishile kusoneka kuli yenu ha kutwala ku ulamwino wa eswe aali, niwenu kanda niwetu, te changutamba kusoneka kuli yenu, ni kunushinjila kulitachika chikolo ha ufulielo uze aukunjikile kuli asandu kamuwika kunahu.

Usolwelo 13:10

Kachi umwe matwala ku ufunge, kachi makaya ku ufunge: kachi umwe mashiha ni katana, kachi chatamba kumushiha ni katana. Muno muchili che kunyongonona ni Ufulielo wa asandu.