Yuda 1:16 - MUKANDA USANDU WA ZAMBI 1975

¹⁶ Wano akwa kulinyenyeta, akwa kulinyengetela, akwenda nikulita ni usolo wo ene; (ni makanwa jo kakuhanjika maliji anene a kulivwimba), kakulinga ni katonde, akafumbuke ene.

Mukanda Wa Zambi 1970

¹⁶ Atu waze kaakulinyenyeta ni kubihilila matangwa eswe. Kaakulinga nikulita ni usolo wo ubi. Kaakuhanjika maliji a kulengumuka, kaakuhuhumiona atu akwo ha kwalembejeka.

Yuda 1:16 Iomraidhean Croise

Jobe 32:21

Chichi kupwa ni katonde kuli niumwe; chichi kupepieka niumwe.

Jobe 34:19

Iya keshi ni katonde kuli akwa kuyula? Iya kalemesene pichi kuhiana chiswale mumu eswe yitanga ya moko jenyi?

Miaso (Masamu) 106:25

Alinyengetelele mu mbalaka jo; kapanjikile ku liji lia Yehova.

Miaso (Masamu) 15:4

Ku meso jenyi chizazali kapwa mulelu; alioze kakulemesa waze akuvwila woma Yehova. Chipwe halishinga ha kulilinga chipi mwene, keshi kwalumuka.

Miaso (Masamu) 17:10

Hanajiki mu maji jo. Kakuhanjika nikulengumuka.

Miaso (Masamu) 73:8

Kakulenya; mu ungulungulu kakuvulwoka yuma ya kupinjisa. Kakuhanjika cha kulivwimba.

Yishima 28:21

Kupwa ni katonde kuchapemene; chipwe kuvulumuna ha pinji ya kulia.

Izaya 29:24

Ni waze a kuhenga mu mbunge mazuka chinyingi, ni waze akulinyenga matambula longeso.

Alevi 19:15

Kanda nupatula ni uhenge hanji ni katonde kuli chiswale, hanji ni ulemeso kuli mulemu. Alioze munukapatwila mukwenu ni ululi.

Kwalula 14:36

E malunga aatumine kuli Mose mukusembula chifuchi; waze ahilukile, anyenyetesele chikungulwila cheswe kuli iye ha kuhetesa lusango mupi ha kutwala ku chifuchi,

Kwalula 16:11

Kashika ni yena ni mbunga ye yeswe nunakunguluka nikulimika ni Yehova. Arone kuchi apwa, nunalinyenyeta hali iye?

Kwalula 16:41

Mukwachako chikungulwila cheswe cha A-Izalele yalinyenyeta hali Mose ni hali Arone ngwo, Hinwashiha atu a Yehova.

Luka 15:2

Mba A-Fwariseu ni akwa kusonyeka alinyenyetene ngwo, Yono kakutambula yivulumunyi, kakulia hamwe no.

Luka 19:7

Muze achimwene, o eswe anyenyetene, ngwo, Haya nikutula ku zuwo lia lunga yoze wapwa chivulumunyi.

Luka 5:30

A-Fwariseu ni akwa kusonyeka jo alinyenyetene hali tumbaji twenyi, nikwamba ngwo, Kuchi te nunali, nunanu hamwe ni akwa kufwetesa lijimu ni yivulumunyi?

Yoano 6:41

Kashika A-Yunda alinyenyetene hali iye, mumu wambile ngwenyi, Mbolo yize yahulumukine mwilu yami.

Yoano 6:61

Alioze Yesu se kananyingika muli iye mwene ngwe tumbaji twenyi alinyenyetene ha chino, wambile kuli ayo ngwenyi, Chino chinanutalingisa, nyi?

1 Korintu 10:10

Chipwe kanda nulinyenyeta ngwe amwe a kuli ayo alinyenyetene, mba aonwene kuli chenyeke.

Galashia 5:16

Alioze ngwami, Endenu muli Spiritu, mba kunuchi kamanununa usolo wa musunya.

Galashia 5:24

Alioze atu a Kristu, hanahachila ha kulusu musunya ni kusasaminya chawo ni usolo wawo.

Shimbi 1:27

Yinulinyenyeta mu mbalaka jenu ngwenu, Mumu te Yehova anatuvwila kole, iye watuchijile ku chifuchi cha Engitu, mukutukunjika ku moko ja A-Amore, atukuwise.

Filipu 2:14

Lingenu yuma yeswe ni kulinyenyeta nichimwe, ni kuhangulula nichimwe;

1 Tesalonika 4:5

Hi ni kusasaminya cha usolo ko, chizechene ngwe akwa mavungu waze kanyingikine Zambi.

1 Timoteu 6:5

kumbalanga cha atu a kupiha mu kunyonga cho, akuhona umwenemwene, waze anashinginyeka ngwo, Uwayilo unapu jila ya kufumbuka. Lihandunune ni atu ngwe wano.

2 Timoteu 4:3

Mumu mwaka muukapwa muze kechi kulihumikiza ni longeso lingunu; alioze mapwa ni matwi a kuzwa, makalilunjikila alongeshi nikulita ni usolo wo ene.

1 Petulu 1:14

Chizechene ngwe akwa kwononoka, kanda nulitesa ni usolo wenu wa kunyima mu kwalajala chenu:

1 Petulu 2:11

Akwetu a zango, ngunaliumbu kuli yenu ngwe ngeji ni njize nukasúle ku usolo wa musunya uze wakwasa jita ni mbunge.

1 Petulu 4:2

hanga kunuchi katwama nawa mu musunya ha miaka yenu yize yinasala, mukulinga usolo wa atu, aiioze mukulinga upale wa Zambi.

2 Petulu 2:10

aiioze kuhiana chikolo waze akwenda nikulita ni musunya ni usolo wa luchisa, akulelesa ulemu. Akwa kuhunuka, akwa pami, keshi woma wa kutuka alemu.

2 Petulu 2:18

Mumu nikuhanjika maliji anene a kulivwimba amokomoko, kakusondojola mu usolo wa musunya, ni ujila, waze anambe kwomboka kuli waze akwenda mu maliji a kupiangula.

2 Petulu 3:3

Chuma chitangu nyingikenu ha matangwa a kusula, akwa kukekuna kumakeza ni kukekuna, nikwenda nikulita ni usolo wo ene.

Yuda 1:15

mukulinga upatwilo hali eswe, mukukumika yitanganyanyi eswe ha yitanga yo yeswe ya utanganyanyi, yize alingile ni utanganyanyi, ni ha yuma yeswe yikalu yize yivulumunyi a utanganyanyi hanahanjika ya kulimika nenyi.

Yuda 1:18

ngwe ambile kuli yenu ngwo, Ha mwaka wa kusula kumukukapwa akwa kukekuna, waze akwenda nikulita ni usolo wo ene wa utanganyanyi.