Yuda 1:15 - MUKANDA USANDU WA ZAMBI 1975

¹⁵ mukulinga upatwilo hali eswe, mukukumika yitanganyanyi eswe ha yitanga yo yeswe ya utanganyanyi, yize alingile ni utanganyanyi, ni ha yuma yeswe yikalu yize yivulumunyi a utanganyanyi hanahanjika ya kulimika nenyi.

Mukanda Wa Zambi 1970

¹⁵ ha kubatwila eswe, ni kuhisa yitanganyanyi eswe mumu ha yitanga yo yibi yize te akulinga ni mumu ha maliji abi waze te akumushililika no.”

Yuda 1:15 Iomraidhean Croise

Miaso (Masamu) 139:20

Mumu kakuhanjika cha kulimika ni yena ni ungulungulu. Akwa kole je kakuvulwoka jina lie ngwe liamokomoko.

Miaso (Masamu) 149:9

Akalinge kuli ayo upatwilo uze hanausoneka. Ulemu uno asandu jenyi eswe ali nawo. Halisenu Yehova.

Miaso (Masamu) 31:18

Mivumbo ya mahuza yikalumuke ngwe ya tumama, mumu kakuhanjika ni shino, nikulengumuka, ni kaleleso wa kulimika ni akwa ululi.

Miaso (Masamu) 37:6

Iye kumafumanyisa ululi we ngwe pangu, ni chiyulo che ngwe tangwa ha muchima.

Miaso (Masamu) 73:9

Kakusa makanwa jo a kulimika ni malilu. Malimi jo kakwendangana hashi heswe.

Miaso (Masamu) 94:4

Ndo mwiji muka malusukila yuma ya kulivwimba? Akwa kulinga yipi eswe kakulinga.

Miaso (Masamu) 98:9

kumeso ja Yehova, mumu kaneza mukupatwila hashi. Kumakapatwila muno-muze ni ululi. Kumakapatwila mavungu ja atu nikulita.

Kutuhuka 16:8

Mose yamba ngwenyi, Muze ha chingoloshi Yehova makanwaha yifwo nukalie; mba ha kucha mbolo nukakute mununyingika Yehova kanevu kulinyenyeta chenu ni iye. Yetu aya kevwe? Kunwalinyenyetene ni yetu, ka, alioze ni Yehova.

Longeshi 11:9

Wahilila mukweze mu ukweze we, mbunge ye yikuwahise ha matangwa a ukweze we; enda mu majila ja mbunge ye, ni mu kutala cha meso je. Alioze nyingika, ha yuma yino yeswe Zambi makusopesa.

Longeshi 12:14

Mumu Zambi makokela chitanga cheswe ku usopelo, ni chuma cheswe cha kuhengama, chipwe chipema, chipwe chipi.

Ezekiel 35:13

Enu nwalifujile kulimika ni yami ni makanwa jenu. Nwokesele maliji jenu kulimika ni yami, mba ami nachivwile.

Daniel 11:36

Mwe mwanangana makalinga nikulita ni upale wenyi mwene. Makalinangamisa, ni kulifuza helu lia mazambi eswe. Makahanjika yuma ya kukomwesa ya kulimika ni mwe Zambi wa mazambi. Kumakaya kulutwe ndo utenu hiwamanunuka; mumu chize hanafunjika kumuchikalingiwa.

Daniel 7:20

Yinguhula ha kutwala ku mbinga jenyi kumi ha mutwe wenyi, ni mbinga yize yikwo yasokako, mba mbinga jitatu jaholoka kumeso jenyi, ye mbinga yize yapwile ni meso, ni kanwa lia kuhanjika yuma yinene, ayo yasolokele kutoha kuhiana jikwo.

Yoano 5:27

Hanamwehe chiyulo cha kulinga upatwilo, mumu iye mwe Mwana Mutu.

Yilinga 17:31

Mumu te hanasela tangwa muze makapatwila akwa yifuchi yeswe ya hashi mu ululi kuli yoze lunga hanamuselacho; ha chino hanahana chinyingi kuli atu eswe, se hanamuhindwisa hakachi ka afu.

A-ROMA 14:10

Alioze yena, ika te wakupatwila ndumbwe? Hanji ika te wakulelesa ndumbwe? Mumu yetu eswe kumutukamana kulutwe lia chitwamo cha upatwilo wa Zambi.

A-ROMA 2:16

ha tangwa lize muze Zambi makapatula yuma ya kuhengama ya atu, nikulita ni sango lipema lia yami, kuli Yesu Kristu.

A-ROMA 2:5

Alioze nikulita ni kukala cha mbunge yize kuyishi kulikonyeka, kuwakulitulikila utenu ha tangwa lia utenu muze masolola upatwilo wa ululi wa Zambi;

1 Korintu 4:5

Kashika kanda nukapatula nichimwe shimbu te mwaka kanda uheta, ndo Mwene meza, iye makaneha ku pangu yuma ya kuhengama ya milima, makasolola manyonga ja mbunge; hohene mutu ni mutu makapwa ni uhaliso wenyi wa kuli Zambi.

1 Korintu 5:13

Alioze waze ali haze Zambi kakwapatwila. Chizenu yoze chingulungulu hakachi kenu.

1 Timoteu 1:9

Nikunyingika chino, shimbi kayikolesele hali mukwa ululi, alioze ayikolesele hali yihulia ni akwa kulolema, ni yitanganyanyi ni yivulumunyi, ni akwa luchisa ni yijiluke, ni akwa kulamba atato, ni akwa kulamba anaye, ni yingalwe,

Yuda 1:16

Wano akwa kulinyenyeta, akwa kulinyengetela, akwenda nikulita ni usolo wo ene; (ni makanwa jo kakuhanjika maliji anene a kulivwimba), kakulinga ni katonde, akafumbuke ene.

Usolwelo 13:11

N amwene ngongo mukwo kanavumbuka, iye wapwile ni mbinga jiali ja kulifwa ni mwana-panga, wahanjikile ngwe ndragau.

Usolwelo 22:20

Yoze wakushindakenya yino yuma kanambe ngwenyi, Ewa, nguneza nikawashi. Amene; tweya, Mwene Yesu.

1 Samuel 2:3

Kanda nuhanjika nawa nikulengumuka kuhiana. Kanda nulivwimba mu makanwa jenu. Mumu Yehova iye Zambi ya yinyingi, iye kakupezalisa yitanga.