Yuda 1:14 - MUKANDA USANDU WA ZAMBI 1975

¹⁴ Enoke, wamuchishimbiali kuli Alama, waprofetezele hali wano, ngwenyi, Mwene kumeza hamwe ni yizavu yinji ya asandu jenyi,

Mukanda Wa Zambi 1970

¹⁴ Kashakulu ketu, Enoke, wa Chisemuko cha muchishimbiali chize kuli Samutu, yahanga kwambulula shimbu kanda hakutwala kuli ayo ngwenyi: “Achivwenu, Mwene makeza hamwe ni yizavu yinji ya akwa kulinanga jenyi a mwilu,

Yuda 1:14 Iomraidhean Croise

Ubutukilo 5:18

Yara yatwama kulakaji lia miaka ni makumi asambano a miaka ni miaka yiali, yasema Enoke.

Izaya 26:21

Mumu Yehova kanakatuka kuma kwenyi, kaneza akafwetese akwa hashi mumu ha uhenge wo. He hashi muhafukula manyinga aze hamwangaho, kuhechi kafuka nawa waze afwileho.

Zakaria 14:5

Mba mungulunga wa milundu yami makaujika, mumu mungulunga wa milundu muukakwata kwe ku lumbu liawo, mba munukachina ngwe nwachinyine ku munyiko ha matangwa ja Uzia mwanangana wa Yunda. Henaho Yehova Zambi yenu kumakeza ni asandu jenyi eswe hamwe nenyi.

Mateu 16:27

Mumu mwe Mwana Mutu kumakeza mu uhenya wa Tato hamwe ni angelo jenyi, hohene kumakahana kuli mweswe nikulita ni yilinga yenyi.

Mateu 25:31

Alioze muze mwe Mwana Mutu meza mu uhenya wenyi, ni angelo asandu eswe hamwe nenyi, hohene makatwama ha ngunja yenyi ya uhenya:

Shimbi 33:2

ngwenyi, Yehova wakatukile ku Sinai, ku Sere wavumbukile hali ayo ngwe mwalwa. Ku mulundu wa Parane wapangulukile. Yakatuka ku kumi lia tununu twa asandu ni shimbi ya kahia mu kwoko lienyi lia chindume.

1 Tesalonika 3:13

hanga akatakamise mbunge jenu kujishi chitela, jisandu kumeso ja Zambi kanda Tata yetu, ha kuheta cha Mwene wetu hamwe ni asandu jenyi eswe.

Hebreu 12:22

Alioze yenu hinuneza ku mulundu wa Zaione, ni ku limbo lia Zambi ya mwono, Yerusaleme ya mwilu; ni ku yizavu yinji ya angelo;

Usolwelo 1:7

Talenu, kumeza ni malelwa; ni meso eswe kumakamumona, ni waze amutuwile; ni mavungu eswe a hashi kumakahia mbimbi hali iye. Chochene. Amene.

Usolwelo 5:11

Namwene, nevwile liji lia angelo anji ha kujingilika ngunja, ni akwa mwono awana ni makulwana; ni chize aalwile ngwo, Chihuji cha yihuji ni tununu twa tununu.