Yuda 1:12 - MUKANDA USANDU WA ZAMBI 1975

¹² Wano anapu yipeka mu yiteleka yenu ya zango, muze maliangana hamwe ni yenu, tufunga waze keshi woma, kakulilisa ene; malelwa aze keshi meya, a kuhungumioka kweka ni kweka ku fuji; mitondo ya lushiho kuyakakaminya, kuyinafu kaali, ya kutangumuka;

Mukanda Wa Zambi 1970

¹² Muze yenu akwa Kristu nwakulia ku yiteleka yenu ya zango, atu wano kaali ngwe yibeka muze akulia ni kunwa kuhiana, keeshi sonyi. Kaakulinyonga ayo ene. Kaali ngwe malelwa waze akuhungumuka ni fuji, alioze keeshi kunoka vula. Kaali ngwe mitondo yize kuyishi kwima mihuko chibwe tangwa lia mihuko hiliaheta, mitondo yize hiyinatangumuka, yakuma liakulu.

Yuda 1:12 Iomraidhean Croise

2 Sango Ja Mianangana 7:20

mba mungwatukula ku chifuchi chami chino hinaahacho; ni zuwo lino hinasela ku usandu mumu ha jina liami mungulimbila kumeso jami, mungulipwisa chishima ni kashilikilo hakachi ka mavungu eswe.

Jobe 8:17

Miji yenyi kuyakutanda ndo ku milumba ya mawe; kuyakutwama kwe ku yimawe.

Miaso (Masamu) 1:3

Iye kumapwa ngwe mutondo wa kutumba ku tupila twa meya, uze wakwima mihuko yawo ha tungonde twayo. Lifwo liawo kulishi kuma. Cheswacho malinga muchiwaha.

Miaso (Masamu) 37:2

Mumu nikawashi maateta ngwe mwambu, malela ngwe yambu ya wisu.

Yishima 25:14

Yoze malisamba nikulionga ha kujama chenyi, kapwa ngwe malelwa ni fuji yize kuyishi vula.

Ezekiel 17:9

Amba ngwe, Mwene Yehova kanambe ngwenyi, Te muutatuka? Kechi kuutukula nikutetaho mihuko yawo yeswe ukome, hanga mafwo jawo eswe a wisu a kusokoloka akome? Kuchatambile kwoko lia tachi jinji, hanji atu anji kuutukula ni miji yawo.

Ezekiel 34:10

Mwene Yehova kanambe ngwenyi, Kunalimika ni e tufunga, mba mapanga jami mungwahula kuli ayo; mungwachiza ku kulisa mapanga. Tufunga kechi kalilisa ene nawa. Mangupulula mapanga jami ku makanwa jo; kechi kapwa nawa kulia cho.

Ezekiel 34:18

Kuli yenu kuchanuhwile muze munulia kelo jipema? Ndo munuliata ni molu jenu kelo jize jasala? Kunwa meya apema, ku-chahetele? Ndo munupihisa aze asala ni molu jenu?

Ezekiel 34:2

Mwana mutu, profeteza kulimika ni tufunga twa Izalele. Profeteza wambe kuli ayo, kuli tufunga, ngwe, Mwene Yehova kanambe ngwenyi, Enu! Tufunga twa A-Izalele, enu nwakulilisa yenwene! Kuchatambile tufunga kulisa mapanga?

Ezekiel 34:8

Mwene Yehova kanambe ngwenyi, Ni mwono wami, se mapanga jami hanalumuka a kupunda kuli akwo, mapanga jami hanalumuka kulia cha tushitu eswe asasu, se kukwapwile kafunga, ni tufu ga twami kafupile mapanga jami, alioze tufunga alilishile ene, kalishile mapanga,

Hosea 6:4

Ngulinge yika ni yena Eframe? Ngulinge yika ni yena Yunda? Zango lie Hapwa ngwe lelwa lia chimene; ngwe mume uze wakuya washiwashi.

Alevi 14:43

Nyi musongo muukasangumuka nawa mu zuwo muze te hachiza mawe aze, hakwala muchima lia zuwo nikulishingula nawa,

Mateu 13:6

Muze tangwa liavumbukile yapapiwile; mba se kuyapwile ni miji, yomine.

Mateu 15:13

Alioze waakumbulwile ngwenyi, Mitondo yize yeswe Tata wa mwilu kayitumbile kumakayitukula.

Marku 4:6

muze tangwa liavumbukile, yapapiwile; se kuyapwile ni miji, yomine.

Luka 12:45

Alioze kachi ndungo yoze mamba mu mbunge yenyi ngwenyi, Mwene wami kanashimbula; maputuka kulamba akweze ni ana-mapwo akwa milimo, nikulialia, nikunwanwa, nikuzengewa.

Luka 16:19

Achi, kwapwile umwe pichi, iye wazalile mahina ja ufungo ni linyu lipema, nikutwama ni usehejelo ni uhenya tangwa ha tangwa.

Luka 21:34

Alioze keyelenu kuli yenwene kuchina hanji mbunge jenu mujilema ni upulutu, ni kuzengewa, ni yipikalo ya mwono uno, ni tangwa lize mulitulumuka hali yenu ngwe muheto susumuku hiliasoloka.

Luka 8:6

Yikwo yaholokelele ha mawe; muze yasokele, yomine, mumu meya akuhi.

Efesu 4:14

hanga kutuchi kapwa ana-akemba nawa, ngwe tukahunguke ni mikanya ni kuhungumioka kweka ni kweka ni fuji yeswe ya longeso, ku kwonga cha atu ni unjiliji nikulita ni maliji a kuhengesa;

Filipu 3:19

songo lio, kwonwona; zambi yo, jimo; ni uhenya wo, sonyi jo; kakunyonga yuma ya hashi.

1 Timoteu 5:6

Alioze yoze matwama ni kuliyukisa usona weswe, kanafu shimbu achili ni mwono.

Hebreu 13:9

Kanda nuhungumioka ni longeso lieka ni lieka, lize kulialumbunukine; mumu chinawaha mbunge yikakole mu vumbi; hi mu kulia ko, mumu kuchafumbukile kuli waze endelemo.

Tiangu (Jake) 5:5

Hinunatwama ni upite wunji ni kuwaha hano hashi, hinunaluyukisa usona weswe; hinunahoko mbunge jenu ha tangwa lia kushika.