Yuda 1:11 - MUKANDA USANDU WA ZAMBI 1975

¹¹ Lamba lio! mumu kanayi mu jila ya Kene, hanatoko mu kupianguka cha Mbalau ha fweto, hanakuwu mu kuhamika cha Kora.

Mukanda Wa Zambi 1970

¹¹ Lamba lio! Kaakukaula jila ya Kene, kaakulihana ku ndako yibi mumu ha lwahu wa mbongo, ngwe chize alingile Balame. Hanaanongo mumu ahamikine ngwe chize alingile Kora.

Yuda 1:11 Iomraidhean Croise

1 MIANANGANA 16:16

Chocho sasendote Urija yalinga nikulita ni shimbi jeswe mwanangana Ahaze yamwaha.

Izaya 3:11

Lamba kuli yingulungulu! Muchipwa chipi kuli ayo, mumu mamulinga chize iye halinga.

Izaya 3:9

Katonde ko kukanaashindakenya; ene kakusolola shili yo ngwe Sondome, kayiswekele. Lamba lio! Mumu ene hanalikokela chipi.

Jeremia 13:27

Hinamona yizelwokeso yenu, ni utanji wenu, ni kulikumbukila chenu ni ukoi wenu wa usolo, ha milundu mu yambu. Lamba lie, Yerusaleme! Miaka yingahi ndo makupemesa?

Ezekiel 13:3

Mwene Yehova kanambe ngwenyi, Lamba kuli aprofeta yihepuke waze akukaula maspiritu jo ene; kamwene nichimwe!

Mika 6:5

Enu atu jami, iwulukenu chize Mbalake mwanangana wa Moape watakile, ni chize Mbalau mwana Mbeore wamukumbulwile; ni chize chanuwanyine chize ku Shitime ndo ku Ngilingali hanga nukanyingike yilinga ya ulamwino wa Yehova.

Zakaria 11:17

Lamba kuli kafunga wamokomoko, yoze wakwehuka mapanga! Katana amulambe mu kwoko lienyi ni mu liso lienyi lia chindume! Kwoko lienyi likasosewe liakulu ni liso lienyi lia chindume Ukafwe liakulu.

Kwalula 31:16

Ngwami, Wano, ku mana ja Mbalau yavulumwisa A-Izalele mulonga kuli Yehova ku chikuma cha Peore, chocho chilungo chapwile hakachi ka chikungulwila cha Yehova.

Mateu 11:21

Ngwenyi, Lamba kuli yena Karazene! lamba kuli yena Mbeteseta! mumu kachi yipupu yize alingile hakachi kenu, ayilingile mu Teru ni Sendone kachi alikonyekene kulu ni chikeleyi ni uto.

Shimbi 23:4

Mumu te o kanunehenene kulia ni meya mu jila muze nwakatukile ku Engitu, nawa mumu te yafweta Mbalau, mwana Mbeore wa ku Petore, ya mu Mesopotamia, alimike ni yenu nikunushinga.

Hebreu 11:4

Ku Ufulielo Abele walambwile kuli Zambi chitapo chilemu chahiana Kene, ku chize wazukile Shindakenyo ya kupwa mukwa ululi, Zambi se kanashindakenya ha yawana yenyi; ku uze, iye se wafwile, hindu achili nikuhanjika.

2 Petulu 2:15

Se hanehuka jila ya kululama, hanapianguka, se hanakaula jila ya Mbalau, mwana Mbeore, yoze wazangile fweto ya uhenge.

1 Yoano 3:12

Hi ngwe Kene ko wapwile wa kuli mwe chingulungulu, washihile mwanakwo; ha chikuma chika amushihilile? Mumu yitanga yenyi yapwile ya ungulungulu, ni yize ya mwanakwo ya ululi.

Usolwelo 2:14

Alioze yuma yikehe ngukuli nayo, mumu uli no koko waze akulalaminya ku longeso lia Mbalau, yoze walongesele Mbalake kutela chitalingiso kulutwe lia ana ja Izalele, mukulia yuma yize hanayitambula yitapo ku mahamba, mukulinga utanji.