Yoshua 9:6 - MUKANDA USANDU WA ZAMBI 1975

⁶ Chocho ayile kuli Yoshua mu chilombo ku Ngilingali, yamba kuli iye ni malunga a Izalele ngwo, Etu twakatuka ku chifuchi chisuku, kashika kolesenu usendo ni yetu.

Mukanda Wa Zambi 1970

⁶ Yaaya ku musumba ku Gilgale, yaambila Yoshua ni malunga Aisraele ngwo: “Ku chifuchi kusuku tunakatuka. Tunazange kukolesa Usendo ni yenu.”

Yoshua 9:6 Iomraidhean Croise

1 Yitanga Ya Mianangana 8:41

Ha kutwala kuli chilambala nawa, hi Ka-Izalele ko, muze makatuka ku chifuchi kusuku mumu ha jina lie,

1 MIANANGANA 20:14

Henaho profeta Izaia yeza kuli mwanangana Hezekia ngwenyi, Wano malunga yika ambile? Kulihi akatukile heza kuli yena? Hezekia yamba ngwenyi, Akatukile ku chifuchi kusuku, ku Babilonia.

Yoshua 10:43

Mba Yoshua yahiluka, yeza ku chilombo cha Ngilingali, ni A-Izalele eswe hamwe nenyi.

Yoshua 10:6

Malunga a Ngibeone yatuma kuli Yoshua mu chilombo cha Ngilingali ngwo, Kanda nwecha yetu ngamba jenu ku kwoko lienu. Tweyenu kuli yetu fuji nutulamwine, nutukwase mumu mianangana eswe a A-Amore wano atwama mu milundu hanalikungulula kulimika ni yetu.

Yoshua 4:19

Atu atuhukile mu Yordau ha tangwa liamuchikumi lia kakweji mutangu. Yasa chilombo cho mu Ngilingali ha njiza ya Yeriku ku Chivumbuko.

Yoshua 5:10

Shimbu A-Izalele achili ku Ngilingali mu chilombo, afungile Chizomboka ha tangwa kumi ni liamuchiwana ha chingoloshi, ha yana ya Yeriku.

Yoshua 9:5

Ha yiliato yo anazala haku japapujoka, ja kusa yando, ni mazalo apapujoka. Yakulia yo yeswe yinomu chau, hiyakwata mbundu.

Yoshua 9:9

O yamukumbulula ngwo, Etu ngamba jenu ku chifuchi chisuku chikolo tunakatuka, mumu ha jina lia Yehova Zambi yenu. Mumu hitwevwa lufuma wenyi ni yuma yize yeswe alingile mu Engitu.