Yoshua 9:24 - MUKANDA USANDU WA ZAMBI 1975

²⁴ O yakumbulula kuli Yoshua ngwo, Mumu atwambulwilile yetu ngamba jenu ni umwenemwene ngwo, Yehova Zambi yo hatuma kavumbi kenyi Mose akaahe chifuchi cheswe, akanongese akwa chifuchi eswe kumeso jo. Kashika mumu hali yenu tunakalinga chuma chino mumu ha woma wunji twevwile ha mwono wetu.

Mukanda Wa Zambi 1970

²⁴ Yaakumbulula ngwo: “Yetu ngamba jenu twachilingile, mumu twevwile kulu ngwo, Mwene Zambi, Zambi yenu, hanambila kavumbi kenyi Mose anwehe chifuchi chino cheswe ni kushiha eswe waze atwama mo. Twachilingile mumu te tunanuvwila mwongo; ngwetu, nyi ka, munutushiha.

Yoshua 9:24 Iomraidhean Croise

Jobe 2:4

Satana yakumbulula Yehova ngwenyi, E, chikowa ha chikowa. Mutu mecha yeswe ali nayo ha kulamwina mwono wenyi.

Mateu 10:28

Kanda nukavwila woma waze akushiha mujimba, hindu kahashile kushiha alma: alioze Shinaho muvwilenu woma yoze mahasa kwonwona ni alma ni mujimba mu Ngehena.

Yoshua 10:2

Mba muze evwile yuma yino woma wunji wamukwachile mumu Ngibeone wapwile te chihunda chinene, ngwe yimwe mbala ya mwanangana; te chapwile chinene, Ayi chikepe, ni malunga jamo eswe apwile yitakame.

Yoshua 2:11

Muze twachivwile mbunge jetu jasangunukine; niumwe mutu kapwile ni hamu nawa mumu hali yenu. Mumu Yehova Zambi yenu iye Zambi mwilu ni hashi.

Yoshua 2:9

Yamba kuli malunga ngwenyi, Ngunanyingika ngwami, Yehova hanwaha chifuchi, ni woma wa yenu hiwatukwata. Chikwo nawa akwa chifuchi eswe anasangunuka kumeso jenu.

Yoshua 6:21

Aho onwene liakulu waze eswe apwile mu chihunda, ni malunga ni mapwo, twanuke ni makulwana, ni ngombe, ni mapanga, ni yimbulu, eswe ni katana.

Yoshua 9:9

O yamukumbulula ngwo, Etu ngamba jenu ku chifuchi chisuku chikolo tunakatuka, mumu ha jina lia Yehova Zambi yenu. Mumu hitwevwa lufuma wenyi ni yuma yize yeswe alingile mu Engitu.