Yoshua 9:21 - MUKANDA USANDU WA ZAMBI 1975

²¹ Akwa lutwe ambile kuli ayo ngwo, Akatwame ni mwono. Alioze aapwishile akwa kuchá kunyi ni akwa kutaha meya hali akwa chikungulwila eswe, chizechene ngwe akwa lutwe ambile.

Mukanda Wa Zambi 1970

²¹ Tweechenu atwame ni mwono, alioze maabwa akwa kutuchayila kunyi ni kututahila meya.” Chenacho che alulikile miata.

Yoshua 9:21 Iomraidhean Croise

Jeremia 46:22

Kakulinga zungo ngwe lia kapela muze machina, mumu akwa kole jenyi kanende anji, nikulimika nenyi ni njimbu ngwe akwa kupakula mitondo.

Shimbi 29:10

Yenu eswe nunamana musono kumeso ja Yehova Zambi yenu, ni akwa lutwe ja minyachi yenu, ni makulwana jenu, ni yilolo jenu, te malunga eswe a Izalele,

Shimbi 29:11

ni ana jenu akepe ni mapwo jenu, ni njize uli mukachi ka chilombo chenu, chize kuli akwa kuchá kunyi jenu ndo kuli akwa kutaha meya jenu,

Yoshua 10:1

Adonezedeke mwanangana wa Yerusaleme wevwile chize Yoshua hatambula Ayi nikuchonwona liakulu, nikulinga ku Ayi ni mwanangana wacho chizechene ngwe halinga ku Yeriku ni mwanangana wacho. Wevwile nawa ngwe akwa Ngibeone hawana ni A-Izalele, hatwama hakachi ko.

Yoshua 9:15

Yoshua wawanyine no. Yakolesa no usendo akatwame ni mwono. Akwa lutwe a chikungulwila alalikenyene no ni shingo.

Yoshua 9:20

Mutulinga no chino. Akatwame ni mwono kuchina ufwatulo muwiza hali yetu mumu ha shingo lize twalishingile nalio kuli ayo.

Yoshua 9:23

Kashika nwashingiwa, mba amwe hakachi kenu munupwa ndungo ja mutolo ja kuchá kunyi ni kutaha meya ha zuwo lia Zambi yami.

Yoshua 9:27

Alioze tangwa lienalio Yoshua waapwishile akwa kuchá kunyi ni akwa kutaha meya ha chikungulwila ni ha chilumbilo cha Yehova, akachilinge ndo musono kuma kuze maatongwela.