Yoshua 9:14 - MUKANDA USANDU WA ZAMBI 1975

¹⁴ Chocho malunga atambwile yakulia yo, alioze kechile chiyulo kuli Yehova.

Mukanda Wa Zambi 1970

¹⁴ Malunga ja Aisraele yaalia yakulia ya akwa Gibeone, alioze kaahulile ko Mwene Zambi.

Yoshua 9:14 Iomraidhean Croise

2 Samuel 2:1

Kulutwe lia yino yuma David yahula Yehova ngwenyi, Ngukanduke ku chimwe chihunda cha Yunda nyi? Yehova yamukumbulula ngwenyi, Kanduka. David yamba ngwenyi, Ku chihunda chika munguya? Iye ngwenyi, Ku Heprone.

2 Samuel 5:19

David yahula Yehova ngwenyi, Ngukanduke ngukase jita ni A-Filistea nyi? Muakunjika kuli yami, nyi? Yehova yamba kuli David ngwenyi, Kanduka, mumu pundu mungukunjika A-Filistea kuli yena.

Ezra 8:21

Mba ku Lwiji Ahava nasele shimbu lia kulitwamina kulia tukalilelese kumeso ja Zambi yetu tukafupe kuli iye atwehe jila yinalulama, hali yetu, ni ana jetu, ni upite wetu weswe.

Kutuhuka 28:30

Ukase nawa mu chipwiko cha upatwilo Urimi ni Tumimi, yikapwe ha mbunge ya Arone muze manjila kumeso ja Yehova. Arone akambate ha mbunge yenyi upatwilo wa A-Izalele kumeso ja Yehova matangwa eswe.

Kwalula 27:21

Amane kumeso ja sasendote Eleazare, iye mamuhulila ku upatwilo wa Urimi kumeso ja Yehova; ku liji lienyi o akapwe nikutuhwoka, ni ku liji lienyi akapwe nikunjilanjila, neye ni A-Izalele eswe hamwe nenyi, che chikungulwila cheswe.

Tiangu (Jake) 1:5

Alioze kachi umwe wa kuli yenu mahona mana, akete kuli Zambi, yoze wakuhana kuli eswe ni kuvungumuna, keshi kuchoka; mba kumakamwaho.

Yoshua 9:13

Tuku jino ja vinyu japwile jaha muze twajizalishile, haliapwila hijalokoka. Mazalo jetu ni haku jetu hijapapujoka mumu ha wenyi usuku.

Akwa Kuyula 1:1

Yoshua hafwa A-Izalele yahula Yehova ngwo, Yoze mahanga kukanduka kuli A-Kanana kwasa no jita hali yetu, iya?

Akwa Kuyula 20:18

A-Izalele yakatuka, yaya ku Mbetele akahule Zambi ngwo, Munyachi uka wa yetu muulianga ku jita ni A-Mbenjamine? Yehova yamba ngwenyi, A-Yunda mahanga.

Akwa Kuyula 20:28

ni Finehase mwana wa Eleazare, mwana wa Arone wavumbikile kumeso jawo ha matangwa aze). Yahula Yehova ngwo, Tuye cheka nawa mukwasa jita ni akwetu A-Mbenjamine, nyi tulitwamine? Yehova yamba ngwenyi, Yénu, mumu hamene mungwakunjika mu moko jenu.

1 Samuel 22:10

Mba Ahimeleke yahula Yehova hali iye nikumwaha ya kulia ni katana ka Ngoliate Ka-Filistea.