Yoshua 8:29 - MUKANDA USANDU WA ZAMBI 1975

²⁹ Yasukika mwanangana wa Ayi ha mutondo ndo chingoloshi. Ha kutoka cha tangwa Yoshua yatuma, yachiza mujimba wenyi ku mutondo, yaumbila mu chikolo cha chihunda nikulumbikilaho mulumba wa mawe. Kokwene kuuli ndo musono.

Mukanda Wa Zambi 1970

²⁹ Yasukika mwanangana wa Ayi, mujimba wenyi yiubwa ko ndoo chingoloshi. Yoshua yahana Shimbi aumbile. No yaaumbila ku chikolo cha chipanga cha limbo. Yaaulumbika chingina cha mawe. Kwe chili ndoo ni musono.

Yoshua 8:29 Iomraidhean Croise

2 Samuel 18:17

O yanda Absalome, yamumbila mu wina umwe unene mu usaki, yamulumbika mulumba unene chikolo wa mawe, mba A-Izalele eswe yachinyina mutu ku zuwo lienyi, mutu ku zuwo lienyi.

Estere 7:10

Chocho yasukika Hamane ha mutondo iye te halulika hali Mordekai. Mba ufwatulo wa mwanangana yiutula.

Miaso (Masamu) 107:40

Kakuzukwila kaleleso hali yilolo. Kakwatuma akendangane mu puya muze kumushi jila.

Miaso (Masamu) 110:5

Mwene kwali ku chindume che, kumakalokola ndusu mianangana ha tangwa lia ufwatulo wenyi.

Yoano 19:31

Kashika A-Yunda, hanga mijimba kuyichi kasala ha makulusu ha tangwa lia Sambata, mumu chapwile Kululika, (mumu tangwa lia Sambata lize liapwile tangwa linene,) alembele kuli Pilatu, hanga akamakune molu jo, akaachizeho.

Yilinga 12:23

Haze hene mungelo wa Mwene wamulambile, mumu kachichimiekene Zambi; iye wafwile, wa kuliwa ni mavuno.

Yoshua 10:30

Yehova yachikunjika mu moko ja A-Izalele hamuwika ni mwanangana wako. Atu eswe atwamamo yaalamba ni katana, niumwe wasala wakuhi. Kuli mwanangana wako yalinga chizechene ngwe halinga kuli mwanangana wa Yeriku.

Yoshua 10:33

Henaho Horame mwanangana wa Ngezere yaheta nikukwasa akwa Lakishi. Yoshua yamulamba hamwe ni atu jenyi ndo niumwe wasala wakuhi.

Yoshua 12:9

Mwanangana wa Yeriku, umuwika, ni mwanangana wa Ayi hehi ni Mbetele, umuwika,

Yoshua 7:26

Yalumbika hali iye mulumba unene wa mawe. Wasala ndo musono. Mba Yehova watewulukile ku kusasaminya cha utenu wenyi. Kashika jina liako ndo musono ngwo, Chikulo cha Akore.

Yoshua 8:23

Alioze mwanangana wa Ayi yamukwata wa mwono, yamutwala kuli Yoshua.