Yoshua 8:20 - MUKANDA USANDU WA ZAMBI 1975

²⁰ Muze akwa Ayi atalile kunyima, kumanyi mwishi wa chihunda unafwinji ndo mwilu. Mba kapwile ni tachi ja kuchina hanji kuku hanji kuku, mumu waze achinyine ku puya yahilukila nawa hali akwa kwahanga.

Mukanda Wa Zambi 1970

^20-21 Muze malunga ja Ayi atalile kunyima, yaamona mwishi unafwindangana mu limbo ndoo kwilu. Yoshua ni tujita twenyi no yaaumona, yaanyingika ngwo, haatambula limbo. Yaalumuka, yaabutuka kushiha malunga ja Ayi. No kaamwene ko jila ya kuchinyina.

Yoshua 8:20 Iomraidhean Croise

Ubutukilo 19:28

Yatala ku Sondome ni Ngomora, ni ku chifuchi cheswe cha chana. Kumanyi mwishi wa chifuchi unafwinji ngwe mwishi wa lutengo.

Jobe 11:20

Alioze meso ja yingulungulu makahwa; kechi kuwana jila ya kwombokela; kufwa muchipwa kutalatala cho.

Miaso (Masamu) 76:5

Waze atakama mu mbunge hanaapupu; hanayi tulo two. Niumwe hakachi ka akwa ndundo kawanyine moko jo.

Izaya 34:10

Ufuku ni mwalwa kuchichi kajima; mwishi wacho muufwinda miaka yeswe. Chize ku chisemuko ndo ku chisemuko muchitwama ngwe puya; niumwe mapalikamo ku miaka ya mutolo.

Yoshua 8:19

Mba akwa kujikinyina yakatuka fuji kuze atwamine. Muze iye yolola kwoko lienyi, haze hene azombokele nikunjila mu chihunda nikuchitambula. Fujifuji achochekele kahia che chihunda.

Yoshua 8:21

Muze Yoshua ni A-Izalele eswe amwene ngwo, Akwa kujikinyina hanatambula chihunda ni chikwo nawa mwishi wa chihunda te unafwinji kulu, mba o ahilukile kunyima nikulamba akwa Ayi.

Usolwelo 18:9

Ni mianangana a hashi waze hanalingi utanji, waze hanahungumuka ni yipi hamwe nenyi, kumakalinyenga, makalila mbimbi hali iye, muze mamona mwishi wa kuwema chenyi.

Usolwelo 19:3

Ni chisuho chamuchiali yamba ngwo, Aleluya! Ni mwishi wenyi yiufwindangana ndo ku miaka yeswe ya mutolo.

Akwa Kuyula 20:38

Chilayi alisele hakachi ka A-Izalele ni akwa kujikinyina ngwo, Muze matuhwisa lelwa linene lia mwishi mu limbo,

Akwa Kuyula 20:40

Alioze muze chilayi chasoloka, mwishi unafwindangana ku limbo, A-Mbenjamine yatala kunyima, kumanyi limbo lieswe Unatuhwisa mwishi ndo kwilu.

Akwa Kuyula 20:41

Henaho A-Izalele yalumuka, mba A-Mbenjamine yevwa mwongo mumu yamona lamba hiliaakundama.