Yoshua 8:2 - MUKANDA USANDU WA ZAMBI 1975

² Munukalinga ku Ayi ni mwanangana wacho chizechene ngwe nuna-kalinga ku Yeriku ni mwanangana wacho, alioze upite wamo ni yimuna jamo munutambula yikapwe upite wenu. Sako akwa kujikinyina kwe kunyima lia chihunda.

Mukanda Wa Zambi 1970

² Chanutamba kulinga ku limbo lia Ayi, ni mwe mwanangana walio, ngwe chize nwalingile ku limbo lia Yeriku ni mwanangana walio. Alioze yuma ni yimuna yize munukabuba mo muyikabwa ni yenu. Longa akwa kujikinyina kunyima lia limbo.”

Yoshua 8:2 Iomraidhean Croise

2 Sango Ja Mianangana 13:13

Alioze Jeroboame yatuma amwe kujinga kunyima yo; chocho o apwile kulutwe lia A-Yunda ni akwa kujinga apwile kunyima yo.

2 Sango Ja Mianangana 20:22

Mba muze o haputuka kwimba ni kuhalisa, Yehova yatuma akwa kujikinyina akalimike ni A-Amone, ni A-Moape, ni akwa mulundu wa Sere waze ejile kwasa jita ni A-Yunda, mba yaakumba.

Miaso (Masamu) 39:6

Chamwenemwene atu eswe kakwenda mu kulinga chamokomoko; pundu kakupinda chamokomoko. Kakulumbika upite alioze kanyingikine yoze maukongolola.

Yishima 13:22

Mutu mupema kakuhichika chihinga kuli ana ja ana jenyi; alioze mukwa shili kakutulika upite hali mukwa ululi.

Yishima 28:20

Mukwa jika mapwa ni yiwape ya kulumbama; alioze yoze malipupwisa kupwa pichi kechi kasamba.

Jeremia 17:11

Ngwe ngwali yoze makunga ana aze katotele, chocho mapwa yoze makunga upite ni uhenge. Hakachi ni hakachi ka matangwa jenyi muumukatuka, mba ku songo iye mapwa chihepuke.

Jeremia 51:12

Mikenu mbandeira ya kulimika ni yipanga ya Babilonia ya mawe; kolesenu tulayi; tongolenu tulayi; lulikenu kujikinyina. Mumu Yehova hanalulika, hanalingi chize ahanjikile ha kutwala kuli waze atwama mu Babilonia.

Shimbi 2:35

Yitutambula yimuna wika akapwe nijetu, hamuwika ni yikumba ya mu membo twalwile.

Shimbi 20:14

Hindu, mapwo ni ana akepe, ni yimuna, ni yeswe yili mu limbo, te upite wamo weswe, nukahchijile yenwene, mba nukalie upite wa akwa kole jenu, Yehova Zambi yenu ananwehewo.

Shimbi 3:2

Yehova wambile kuli yami ngwenyi, Kanda umuvwila woma, mumu te hinamukunjika mu kwoko lie ni atu jenyi eswe, ni chifuchi chenyi, ukamulinge ngwe walingile ni Sahone, mwanangana wa A-Amore atwamine ku Heshebone.

Yoshua 10:1

Adonezedeke mwanangana wa Yerusaleme wevwile chize Yoshua hatambula Ayi nikuchonwona liakulu, nikulinga ku Ayi ni mwanangana wacho chizechene ngwe halinga ku Yeriku ni mwanangana wacho. Wevwile nawa ngwe akwa Ngibeone hawana ni A-Izalele, hatwama hakachi ko.

Yoshua 10:28

Tangwa lioliene Yoshua yatambula chihunda cha Makeda nikulamba atu jako ni mwanangana wako ni katana. Yanongesa liakulu atu jamo eswe, niumwe wasala wakuhi. Kuli mwanangana wa Makeda yalinga chizechene ngwe halinga ni mwanangana wa Yeriku.

Yoshua 11:14

Upite weswe wa yihunda yize hamwe ni yimuna A-Izalele yatambula yikapwe niyo. Alioze e atu aashihile eswe ni katana ndo haanongesa. Kukwasalile niumwe ni mwiku wa mwono.

Yoshua 6:21

Aho onwene liakulu waze eswe apwile mu chihunda, ni malunga ni mapwo, twanuke ni makulwana, ni ngombe, ni mapanga, ni yimbulu, eswe ni katana.

Yoshua 8:12

Yasakula ngwe tununu atano a malunga, yaatuma kujikinyina hakachi ka Mbetele ni Ayi, sali lia chihunda ku Chitokelo.

Yoshua 8:14

Muze mwanangana wa Ayi wachimwene, iye ni atu jenyi, malunga eswe a mu chihunda alipupwishile, yatuhuka akase jita ni A-Izalele kuma kuze kwa kutongola ku Arapa. Kanyingikine ngwenyi, Anangujikinyina kunyima ha chihunda.

Yoshua 8:19

Mba akwa kujikinyina yakatuka fuji kuze atwamine. Muze iye yolola kwoko lienyi, haze hene azombokele nikunjila mu chihunda nikuchitambula. Fujifuji achochekele kahia che chihunda.

Yoshua 8:24

Muze A-Izalele hamana kushiha akwa Ayi ku puya kuze aakawile ndo mwe wasula hafwa ni katana, mba A-Izalele yahilukila chihunda cha Ayi nikuchipupa ni katana.

Yoshua 8:3

Chocho Yoshua yakatuka ni tujita eswe akaye ku Ayi. Yoshua yasakula makumi atatu a tununu twa yitakame, akwa hamu, yaatuma ha ufuku.

Yoshua 8:7

Henaho yenu munukatuka kuze nunajikinyina, nukatambule che chihunda, mumu Yehova Zambi yenu makanwahacho mu kwoko lienu.

Yoshua 8:8

Muze hinwatambula chihunda munuchocha ni kahia chizechene ngwe Yehova hanwamba. Hinanutuma.

Yoshua 8:9

Chocho Yoshua yaatuma. O ayile kuma kuze kwa kujikinyina, hakachi ka Mbetele ni Ayi, sali lia Chitokelo lia Ayi. Alioze Yoshua yapomba ufuku uze hakachi ka e atu.

Yoshua 9:3

Alioze akwa Ngibeone muze evwile chize Yoshua halinga kuli A-Yeriku ni A-Ayi,