Yoshua 7:9 - MUKANDA USANDU WA ZAMBI 1975

⁹ Mumu A-Kanana ni akwa chifuchi eswe machivwa mba matuseleka nikujimuna jina lietu hashi. Mba yena, kuchi mulinga mumu ha jina lie linene?

Mukanda Wa Zambi 1970

⁹ Akanana ni atu eswe a mu chifuchi maachivwa. Maatujingilika, maatushiha yetu eswe! Nyi chocho, kuchi muulinga mumu ha jina lie lilemu?”

Yoshua 7:9 Iomraidhean Croise

Miaso (Masamu) 115:1

Yehova, hi yetu ko, hi yetu ko machichimieka, alioze jina lie linene, mumu ha utu wa zango lie ni umwenemwene we.

Miaso (Masamu) 48:10

Ngwe jina lie lili hashi heswe Zambi, chocho nawa kakukuhalisa hashi heswe. Kwoko lie lia chindume Hazala tò ni ululi.

Miaso (Masamu) 79:9

Zambi ya ulamwino wetu, utukwase kama mumu ha ulemu wa jina lie. Utupulule, utupemese ku milonga yetu mumu ha jina lie.

Miaso (Masamu) 83:4

Hamba ngwo, Tatuyenu tukaatete munyachi wo, hanga jina lia Izalele kanda akaliwuluka nawa.

Miaso (Masamu) 83:5

Mumu halitesa ni mbunge yimuwika. Kakukolesa usendo wa kulimika ni yena.

Kutuhuka 32:12

Kuchi te A-Engitu mamba ngwo, Waachijile hanga aalinge chipi, mukwashiha ha milundu, mukwaonwona lume hashi? Utewulule utenu we usasu. Ulikonyeke, kanda ulinga chuma chino chipi kuli atu je.

Ezekiel 20:9

Alioze nalingile ha kulemesa jina liami hanga kulichi kuhiluka kumeso ja mavungu kuze atwamine, kumeso jo te nalisolwele ha kwachiza mu chifuchi cha Engitu.

Joele 2:17

Asasendote, tuvumbi twa Yehova, akalilime hakachi ka chikolo ni chilumbilo, nikwamba ngwo, Yehova, vwila keke atu je. Kanda uhana chihinga che chikasauke hanga akwa mavungu akachiyule. Muchiwaha akambe hakachi ka mavungu ngwo, Zambi yo kulihi ali?

Mika 7:10

Mba mukwa kole yami makamona, ni sonyi mujikafuka yoze wangwambile ngwenyi, Yehova Zambi ye kuli ali? Meso jami kumakamutala ni kulikwiza; mba makamuliata ngwe malowa a mu tapalo.

Kwalula 14:13

Mose yamba kuli Yehova ngwenyi, Nyi chocho, A-Engitu kumachivwa, mumu yena ni ndundo je wachijile wano atu hakachi ko.

Yoano 12:28

Tata, chichimieka jina lie. Kashika liji liatuhukile mwilu ngwo, Hingunalichichimieka, kumungukalichichimieka cheka nawa.

Shimbi 9:28

kuchina akwa chifuchi chize nwatuchijilemo mamba ngwo, Mumu te Yehova kahashile kwahetesa mu chifuchi nalakenyene, mumu te iye kanaavwila kole yaachiza hanga aashihe mu puya.

Yoshua 7:10

Yehova yamba kuli Yoshua ngwenyi, Katuka! Kuchi te hiwafulamana?

Yoshua 7:8

Mwene! Kuchi mungwamba muze A-Izalele hachina kumeso ja akwa kole jo?

1 Samuel 12:22

Mumu Yehova iye kechi kwehuka atu jenyi mumu ha ulemu wa jina lienyi linene, mumu chawahila Yehova kunupwisa nukapwe atu jenyi mwene.