Yoshua 7:7 - MUKANDA USANDU WA ZAMBI 1975

⁷ Yoshua yamba ngwenyi, Lwangu! Mwene Yehova. Kuchi te unakazawisa wano atu Yordau? Ukatuhane ku moko ja A-Amore akatwonwone nyi? Kachi tunakahwima mbunge nikutwama mu sali lia Yordau!

Mukanda Wa Zambi 1970

⁷ Yoshua yamba ngwenyi: “Lwangu mama! Mwene Zambi, kuchi watwechele yetu eswe tuzauke Yordau? Ni kuukunjika mu moko ja Aamore hanga atwonone, nyi? Mumu yika kuwatutayijile kutwama kwetu musali lia Yordau?

Yoshua 7:7 Iomraidhean Croise

1 MIANANGANA 3:10

Mwanangana wa Izalele yamba ngwenyi, Mama yami! Yehova hakungulula wano mianangana atatu hamuwika hanga aakunjike mu moko ja A-Moape.

Miaso (Masamu) 116:11

Ha kulipupula nambile ngwami, Atu eswe akwa mahuza.

Kutuhuka 16:3

A-Izalele yamba kuli ayo ngwo, Kachi twafwile ni kwoko lia Yehova mu chifuchi cha Engitu muze twatwamine ku ndeho ja yifwo, muze twalile nikukuta. Mumu yenu hinwatuhetesa ku puya yino mukushiha ni zala chikungulwila chino cheswe.

Kutuhuka 17:3

Kwe kuze atu evwile pwila ya meya. E atu yalinyenyeta ni Mose ngwo, Kuchi te watuchijile ku Engitu? Mukutushiha ni pwila, ni ana jetu ni yimuna jetu nyi?

Kwalula 14:16

Mumu te Yehova kahashile kuhetesa wano atu ku chifuchi chize walakenyene ni shingo kwaahacho, kashika hanaashihi mu puya.

Kwalula 14:3

Kuchi te Yehova hatuhetesa ku chifuchi chino, hanga atushihe ni katana nyi? Ni mapwo jetu ni ana jetu makapwa funge; Shinaho tuhilukenu ku Engitu?

Mateu 17:17

Yesu waakumbulwile ngwenyi, Enu chisemuko kuchishi Ufulielo, nwapiya, ndo mwiji muka mungukapwa hamwe ni yenu? Ndo mwiji muka mungukalihumikiza ni yenu? Munehenu kuno kuli yami.

Mateu 17:20

Aye yamba kuli ayo ngwenyi, Mumu ha Ufulielo wenu ukepe: mumu pundu ngunambe kuli yenu ngwami, Kachi munupwa ni Ufulielo ngwe lunona wa mosetate, munukamba ku mulundu uno ngwenu, Tutuluka kuno, uye kuze; newo kumuukatutuluka: kunuchi kachisa kenu nichimwe.

Hebreu 12:5

mba hinunavulama kushinjila chize chinanuhete ngwe kuli ana ngwo, Mwanami, kanda ulelesa kufumba cha Mwene, chipwe kanda ulezumuka muze makukumika kuli iye.

Yoshua 7:6

Mba Yoshua yasonya mazalo jenyi, yafulamana hashi kumeso ja mushete wa Yehova ndo chingoloshi, ni iye ni makulwana a Izalele. Yasa nawa mavu ha mitwe yo.

Yoshua 7:8

Mwene! Kuchi mungwamba muze A-Izalele hachina kumeso ja akwa kole jo?

Akwa Kuyula 20:23

A-Izalele yakanduka, yalila kumeso ja Yehova ndo ngoloshi. Yahula Yehova ngwo, Tuye cheka nawa ku jita ni akwetu A-Mbenjamine nyi? Yehova yakumbulula ngwenyi, Yénu, nulimike no.

1 Samuel 4:3

Muze atu ahetele ku chilombo makulwana ja A-Izalele ambile ngwo, Kuchi te Yehova hatulamba musono kumeso ja A-Filistea? Tusakenu mushete wa usendo wa Yehova ku Shilo, mba muze muuheta hakachi ketu muutulamwina kuli akwa kole jetu.