Yoshua 7:25 - MUKANDA USANDU WA ZAMBI 1975

²⁵ Yoshua yamba ngwenyi, Kuchi te hiwatukokela lamba? Kashika Yehova makulamba musono. A-Izalele eswe yamwasa mawe. Yaocha ni kahia nikwaasa mawe.

Mukanda Wa Zambi 1970

²⁵ Yoshua yamuhula ngwenyi: “Kuchi mba unakatukokela lamba libwa haha? Haliabwila Mwene Zambi makumwesa lamba!” Atu eswe yaamushiha ni mawe. Yaashiha nawa akwa jiko lienyi ni mawe, ni kwocha yuma yenyi yeswe.

Yoshua 7:25 Iomraidhean Croise

Ubutukilo 34:30

Yakomba yamba kuli Simeone ni Levi ngwenyi, Lamba nwangunehena. Nwangupwisa ngwe vumba lipi hakachi ka akwa chifuchi, A-Kanana ni A-Perize. Se yami chishi ni atu anji malikungulula hamuwika akalikwate ni yami akangulambe. Kumungunonga, ni yami ni akwa zuwo liami.

Ubutukilo 38:24

Mba kulutwe lia tukweji atatu, yambulwila Yunda ngwo, Tembwa-mwané Tama halipwisa chikoi, chikwo nawa, hapwa ni ufumba wa ku ukoi wenyi. Yunda ngwenyi, Mutuhwisenu, numwoche.

1 Sango Ja Mianangana 2:7

Ana ja Kame a malunga wano: Akare, mukwa kupinjisa A-Izalele ha kwanda chize hanachijilila ha kwonwona.

Yishima 1:19

Chocho japwa majila ja waze akufupa upite wa upupilo; kuwakushihisa enyawo.

Yishima 15:27

Mukwa chipululu kakupinjisa zuwo lienyi mwene; alioze yoze keshi kuzanga yawana matwama ni mwono.

Alevi 20:14

Nyi lunga mambata pwo hamuwika ni naye, acho ungulungulu. Kashika akaoche ni kahia ni mwe lunga ni mapwo eswe aali, nukachize ungulungulu hakachi kenu.

Alevi 20:2

Amba kuli A-Izalele ngwe, Mutu mweswawo wa A-Izalele, hanji wa njize waze atwama mu Izalele, mahana umwe mwanenyi kuli Moleke, akamushihe, akwa chifuchi akamwase mawe.

Alevi 21:9

Nyi mwana wa pwo wa umwe sasendote malijilula ha kulinga ukoi, hajilula tato, akamwoche ni kahia.

Alevi 24:14

Mukwa kutuka numunehe haze lia chilombo, waze eswe amuvwile kutukana akase moko jo ha mutwe wenyi, mba akwa chikungulwila eswe akamwase mawe.

Galashia 5:12

Ngunazange kachi waze akunupinjisa akaliteteho.

Shimbi 13:10

Umwase mawe, afwe, mumu iye te wafupile kukuhambulwisa kuli Yehova Zambi ye wakuchijile mu chifuchi cha Engitu, ku zuwo lia upinji.

Shimbi 13:11

A-Izalele eswe achivwe, evwe woma, kanda alinga nawa ungulungulu upwa hoho ngwe uno uli mukachi kenu.

Shimbi 17:5

nuhetese mwe lunga ku yikolo, hanji mwe pwo walinga chipi chino, numwase mawe, afwe.

Shimbi 21:21

Malunga eswe a limbo lize amwase mawe afwe, chocho munukatwisa chipi mukachi kenu, A-Izalele eswe evwe, apwe ni woma.

2 A-TESALONIKA 1:6

se chapwa chuma cha ululi kuli Zambi kufweta luyinda kuli waze akunupinjisa;

Hebreu 12:15

Talenu kanawa kuchina mapwa umwe wakuhona vumbi lia Zambi, kuchina muji umwe wa usasu muze wasoka, muunupinjisa, ni anji malichisa nawo;

Yoshua 6:18

Alioze yenu, lifungenu ku yuma yize hanayijilila ha kwonwona, kuchina muze hinwayijilila munwanda yize hinwajilila, chocho munwalumuna chilombo cha Izalele chuma cha kwonwona, nikunehenako lamba.

Yoshua 7:15

Mba yoze mamuwana ni ye yuma yajila akamwoche ni kahia, ni mwene ni yuma yenyi yeswe, mumu hanatangula usendo wa Yehova. Chikwo nawa hanalingi chuma cha kukolesa sonyi mu Izalele.

1 Samuel 14:29

Mba Jonatas yamba ngwenyi, Tata kanapinjisa chifuchi. Tala kama, chize meso jami halaula mumu ha kulia kawuchi kano kakepe.