Yoshua 7:24 - MUKANDA USANDU WA ZAMBI 1975

²⁴ Mba Yoshua ni A-Izalele eswe yanda Akane mwana Zera, ni prata, ni chikuto, ni chipinji cha oru, ni anenyi a malunga ni a mapwo, ni ngombe jenyi, ni yimbulu jenyi, ni mapanga jenyi, ni mbalaka yenyi, ni upite wenyi weswe, yayitwala ku chikulo cha Akore.

Mukanda Wa Zambi 1970

²⁴ Yoshua ni Aisraele eswe yaakwata Akane, ni prata, ni chikuto, ni oru, hamwe ni anenyi a malunga ni a mapwo, ni ngombe, ni yimbulu ni mapanga jenyi ni zuwo lienyi lia makubu, ni yuma yenyi yikwo yeswe. Yaatwala atu ni ye yuma ku chikulo cha Lamba.

Yoshua 7:24 Iomraidhean Croise

Ubutukilo 18:25

Chikapwe kusuku ni yena kulinga chuma chipwa haha, ukashihe akwa ululi hamwe ni yingulungulu. Chocho akwa ululi mapwa ngwe yingulungulu. Ka, chikapwe kusuku ni yena. Te Chisopa-mulonga wa akwa hashi eswe kechi kulinga ni ululi nyi?

Jobe 20:15

Kakumina upite nikuusaza nawa; Zambi kakuuchiza muchima lienyi.

Kutuhuka 20:5

Kanda ukafukama kuli ayo, chipwe kwalingila, ka, mumu yami Yehova Zambi ye, nguli Zambi ya ukwa, nikufwetesa ana uhenge wa atato ndo ku chisemuko chamuchitatu ni chamuchiwana cha waze akunguvwila kole;

Yishima 15:27

Mukwa chipululu kakupinjisa zuwo lienyi mwene; alioze yoze keshi kuzanga yawana matwama ni mwono.

Longeshi 5:13

Chuma chipi chikolo namona kushi lia tangwa ngwami, Umwe kupita upite wa kumulemeka.

Izaya 65:10

Sharone muyikapwa ulilo wa mapanga, chikulo cha Akore muchikapwa kuma kwa kuutamina ngombe, ni hali atu jami waze hangufupa.

Hosea 2:15

Kwenako mungukamwaha minda ya uva, ni kupwisa chikulo cha Akore chikolo cha kutalatala. Kwenako makatá ngwe ha matangwa ja wana-mapwo wenyi, ngwe ha miaka muze machikatuka ku Engitu.

Yoshua 15:7

Njiza yakanduka ku Ndebire chize ku chikulo cha Akore. Chocho yaya ku Norte nikutalikisa ku Ngilingali yatalangana ni ukandukilo wa Andumime ha sali lia chikulo ku Sule. Njiza yapalika ndo ku meya a Ene-Shemeshe. Yasulila ku Ene-Rogele.

Yoshua 22:20

Akane mwana wa Zera te kalingile ni mafwefwe mu chikuma cha yuma yajila, mba ufwatulo kuwaholokelele ha chikungulwila cheswe cha Izalele nyi? Kafwile ukawenyi ha uhenge wenyi.

Yoshua 6:18

Alioze yenu, lifungenu ku yuma yize hanayijilila ha kwonwona, kuchina muze hinwayijilila munwanda yize hinwajilila, chocho munwalumuna chilombo cha Izalele chuma cha kwonwona, nikunehenako lamba.

Yoshua 6:21

Aho onwene liakulu waze eswe apwile mu chihunda, ni malunga ni mapwo, twanuke ni makulwana, ni ngombe, ni mapanga, ni yimbulu, eswe ni katana.

Yoshua 7:1

Alioze A-Izalele avulumwine ha kutwala ku yuma yajila. Mumu Akane mwana wa Kame, mwana wa Zapati, mwana wa Zera wa ku munyachi wa Yunda wanjile yimwe ya yuma yajila. Kashika utenu wa Yehova walekwokele kuli A-Izalele.

Yoshua 7:23

Yayichiza mu mbalaka yayineha kuli Yoshua ni atu eswe a Izalele, yayitumbika kumeso ja Yehova.

Yoshua 7:26

Yalumbika hali iye mulumba unene wa mawe. Wasala ndo musono. Mba Yehova watewulukile ku kusasaminya cha utenu wenyi. Kashika jina liako ndo musono ngwo, Chikulo cha Akore.