Yoshua 7:21 - MUKANDA USANDU WA ZAMBI 1975

²¹ Muze namwene hakachi ka yuma ya kupupa chikuto chimwe chipema cha ku Babilonia, ni kulakaji aali a shekele ja prata, ni chipinji cha oru cha makumi atano a shekele nayivwilile kuzo, yinguyitambula. Kuyili ya kusweka mu mavu muchima lia mbalaka yami. Prata kushi yili.

Mukanda Wa Zambi 1970

²¹ Mu yuma yize twabubile ku jita yingumona mo chikuto chibema cha ku Babilonia, ni kilo jaali ja prata, ni kilo yimuwika ya Chipinji cha oru. Nayivwilile chipululu, mba yinguyanda. Kuyili mu wina mu zuwo liami, prata yili kushi.”

Yoshua 7:21 Iomraidhean Croise

Ubutukilo 10:10

Uputukilo wa wanangana wenyi Mbapele, ni Ereke, ni Akate, ni Kalenehe mu chifuchi cha Shinare.

Ubutukilo 3:6

Muze pwo yamona ngwenyi, Mutondo upema wa kulia, chikwo nawa unawaha ku meso, mutondo wa kuzanga hanga akapwe ni mana, yahelako mihuko, yalia. Yahana nawa kuli mukwo-lunga hamwe nenyi, neye yalia.

Ubutukilo 34:27

Mba ana ja Yakomba ejile kuli waze haashiha, yapupa limbo mumu te halumbula ndumbwo.

Ubutukilo 6:2

ana a Zambi a malunga amwene ana a mapwo ja atu ngwo, Apema, kashika ambachile mapwo hakachi ka waze eswe azangile.

2 Samuel 11:2

Ha ngoloshi David yakatuka ha muhela wenyi, yaya nikwolola molu ha fulumba lia zuwo lia mwanangana. Ku fulumba yamona pwo umwe kanasane. Mwe pwo te mupema chikolo ku meso.

1 MIANANGANA 7:8

E akwa mbumba ha kuheta ku songo lia chilombo yanjila mu mbalaka yimwe, yalia, yanwa, yatutamo prata ni oru ni mazalo, yaya yayisweka; mba yahiluka, yanjila mu mbalaka yikwo, yatutamo nawa, yaya yayisweka.

Jobe 31:1

Nakolesele shingo ni meso jami; mba kuchi munguhasa kusa meso jami hali mwana-pwo?

Miaso (Masamu) 119:37

Tewulula kama meso jami, kanda atala yuma yamokomoko, unguhuzulule mu majila je.

Kutuhuka 20:17

Kanda ukavwila chipululu zuwo lia mwenyembo we. Kanda ukavwila chipululu pwo lia mwenyembo we, chipwe ngamba yenyi wa lunga, chipwe ngamba yenyi wa pwo, chipwe ngombe yenyi, chipwe chimbulu chenyi, chipwe chuma chimwe cha mwenyembo we.

Yishima 1:19

Chocho japwa majila ja waze akufupa upite wa upupilo; kuwakushihisa enyawo.

Yishima 23:31

Kanda utala ku vinyu shimbu yinachili; muze yinalejima mu musenge; muze yinayeme ha kuyinwa.

Yishima 28:22

Yoze uli ni liso lipi mahanga upite fujifuji; kanyingikine ngwenyi, Uswale muunguwana.

Yishima 4:23

Funga mbunge ye kuhiana yuma yeswe, mumu kwe kuuto ya mwono kwenako.

Izaya 28:15

Mumu hinwamba ngwenu, Etu hitwakolesa usendo ni ufwe, hitwalitesa ni Shiole; kashika muze chilungo cha kuzemuna muchipalika kuchichi kutuheta; mumu hitwatenga mahuza chiswamo chetu, kwonga chapwa uchinyino wetu.

Izaya 29:15

Lamba kuli waze akusweka kusuku ni Yehova kutaka cho, waze ali ni yitanga yo mu milima; kakwamba ngwo, Iya unatumono? Iya unatunyingika?

Habakuke 2:9

Lamba kuli yoze wakutambula munyachi wenyi ni uhenge, akase chaswa chenyi kwilu akalilamwine ku yipi.

Luka 12:15

Iye wambile kuli ayo ngwenyi, Kanyamenu, lifungenu ku kuzo yeswe; mumu mwono wa mutu kuushi kupwa ni kulumbama cha yize ali nayo.

Luka 12:2

Alioze chuma cha kufukiwa chize kuchichi kafukuka chakuhi nichimwe; chipwe cha kuhengama chize kechi kachinyingika chakuhi nichimwe.

Efesu 5:3

Alioze utanji, ni luchisa mweswe, chipwe kuzo, kanda ayivuluka hakachi kenu nichimwe, ngwe chinatela asandu;

Efesu 5:5

Mumu chino nunanyingika chamwenemwene, ngwo, Chitanji niumwe, chipwe mukwa luchisa, chipwe mukwa kuzo, mwenawo mukwa kukombelela mahamba, keshi chihinga mu wanangana wa Kristu ni Zambi.

Shimbi 7:25

Nukoche ni kahia tuponya two twa kusonga, kanda nwivwa chipululu cha prata ni oru jiliho, kanda nulichijilajo kuchina manutelamo kambwila, mumu hijapwa chizelwokeso kuli Yehova Zambi yenu.

Kolosu 3:5

Kashika shihenu yihanda yenu yize yili hano hashi; ni utanji, ni luchisa, ni kusasaminya, ni usolo upi, ni kuzo, yenayo kukombelela mahamba;

Hebreu 13:5

Ndako jenu jikapwe kujishi kufwila cha mbongo; pwenu akwa kuyuka ni yuma yize nuli nayo; mumu iye mwene hanambe ngwenyi, Chichi kukuhichika nichimwe, chipwe chichi kakwehuka nichimwe.

Tiangu (Jake) 1:15

Mba usolo muze muuseseka, muusema shili: ni shili muze muyikola, muyisema kufwa.

Yoshua 7:20

Akane yakumbulula kuli Yoshua ngwenyi, Chamwenemwene hinavulumuna Yehova Zambi ya Izalele mumu nalingile ngwami,

Yoshua 7:22

Mba Yoshua yatuma tunganda, o yazomboka ku mbalaka, yayiwana ya kusweka mu mbalaka yenyi, ni ye prata kushi.

2 Petulu 2:15

Se hanehuka jila ya kululama, hanapianguka, se hanakaula jila ya Mbalau, mwana Mbeore, yoze wazangile fweto ya uhenge.